比著你地會點選擇繼續搏殺定歸隱田園
![[banghead]](/faces/banghead.gif)
你呢種戰鬥係唔會有完嘅一日，你要諗清楚對你自己來講邊樣係最重要。
錢？地位？名譽？成就感？健康？時間？人生？
你要明白呢度好多選項都係mutually exclusive
我認為只要你知道自己想要嘅係乜嘢，無論你繼續摶殺定退居二線都係正確選擇。
呢個問題要你自己先解答到
事實係再鋒利嘅刀都會有生銹嘅一日，你係唔可能一直都喺前線。
即係你選擇繼續衝都好，都要定返一個位去轉型。
當你去到AM/M嗰陣就會感受到。
我做左7年仲係掛住enigneer個朵
有經理問過我想唔想做AM
但我都推左，因為我毒向左走向右走性格，好怕管人叫人做野
全部野我自己做曬最好
而且要我開足全日會
我寧願係DC通宵裝機算
但你講得無錯，我無可能一直係前線
最近同我一齊做野d同事開始由大過我變細過我
![[sosad]](/faces/sosad.gif)
依家係煩把握呢幾年既磨練繼續衝
定轉去做幾皮野月薪既養老工，好好過返人生
其實如果30歲就轉去養老，會唔會好無大志
你而家30歲捱幾晚通宵係冇乜問題，但到你40嗰陣要捱通宵就已經係另一個世界。
我自己而家30多啲未到中，通宵都依然捱得住，但對比起20幾嗰陣捱通宵已經明顯感覺到唔同。
我亦都見過40,50歲嘅人重做緊engineer，甜酸苦辣自己知。
我想知你講嘅繼續衝係衝去邊方面？個人技術磨練定升職加人工？
好老實講大家都知純tech佬嘅天花板係低過吹水佬好多
如果你追求嘅係個人技術磨練/自我實現，你要預呢條路好難行，但只要你OK就OK。
唔知你最近有冇睇Top Gun: Maverick
睇落係好威，主角自己亦都happy，但當你去到某個位，就會開始被邊緣化被被擠，呢啲你都要放入預期之中。
至於你話30歲轉養老工算唔算冇大志，我覺得無論你做邊個位你都係對個社會有貢獻嘅。
There is no shame.
至少你唔係攤低咬老綜。
至於你話大唔大志，每個人諗法唔同。
如同愛情，有人想轟轟烈烈，有人想細水長流。
Life is too short.
有時，當你停低，或者你會預到一啲你原本會miss嘅嘢。
人生唔係得返工同搵錢。
有時停一停轉個彎，你會意外發現新天地；或者乜發現都冇。
你先30歲，如果未結婚未冇細路，重算“輸得起”，有條件去摶去試一啲你真正想做嘅嘢。
