主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 上班台內。

將已解封的舊帳戶升級高級會員

我們上年12月曾解封部分只輕微觸犯版規或懷疑被駭的帳戶,但有會員反映一些於2009年前登記的舊帳戶在解封後未有自動升級為高級會員,現在我們已將該批帳戶升級,謝謝。
精選文章
DeerGamer
New App Android IOS
跳至第

發起人
由一個small potato做到操盤幾十億既故事
48 個回應
legogo

依個故事會長d,但寫埋依個故事我冇貨啦,人生已經夠哂多經歷

試過apply份工,係上市公司集團,屬下既其中一間子公司
果時岩岩考到CPA,諗住轉個環境搵多少少
當時我係assistant finance manager,算中層員工啦
下面有幾個clerk咁,上面就finance manager,再上就financial controller
果間公司岩岩俾間上市公司收購,成為集團旗下一間子公司
而我既工作本來主要係management account範圍
順便執執佢盤做,盡量跟返HKFRS標準,方便集團做consolidation
同個普通中層財務一樣,每月埋數,做下報表,做下分析咁,工作好平凡
雖然工作內容平凡,但d鬥爭令依份工作好唔平凡
集團公司唔係全資收購,仲有40%小股東,即係本來營運緊果班人
當時諗法過於理想,覺得日常operation留返俾舊股東搞
而集團公司只係派2個財務落黎睇住盤數,即係我2個阿頭
而我既角色比較尷尬,我算係舊股東請返黎既人,但係又屬財務部
簡單黎講就係兩面不是人
最慘既係,舊股東同集團公司表面上係合作
但暗地裡又因為資產價格評估既睇法上有分歧,舊股東想要多d錢
我以為做好自己工作,兩邊都唔好理,原來係唔得

起初,最多都係舊股東果邊既人刁難下我,叫我做d唔等駛既分析report
慢慢刁難越黎越嚴重,言語上或工作上都有
記得以前excel既版本,column同line冇依家咁多,column最盡得幾百個,line好似6萬條
舊股東要求既分析report,係可以做爆個excel,column唔夠用
我試過同我阿頭manager反映,但阿頭係集團公司既人
佢覺得唔應該插手舊股東既事情,結果就不了了之
艱難日子都係咁過,直到入職3-4個月左右,集團公司同舊股東開始計數
計算公司既價值,計算好之後集團公司決定要俾幾多錢舊股東
正常收購,係做左due diligence先,再埋台講數
而我既case就係due diligence做得唔夠仔細,事後先傾,打死狗講價
舊股東當然係唔信我,所以佢地自己又請左個finance manager,專門負責依單野
所以我有3個阿頭,2個係集團公司,1個係舊股東果邊,將多過兵
3個阿頭,諗下都知有幾L大鑊,淨係1份report分幾個唔同version出都死
而計算公司既價值既groundwork工作,就落左係我身上,我更加艱難既日子就來臨


#good2#29    #bad#7  
標籤:
計算公司既價值係有理說不清
做會計應該知,balance sheet上面有樣野叫amount due from/to shareholder
即係股東同公司應該係獨立個體,股東放錢落公司,可以當做借錢俾公司
公司如果出糧俾股東,而又唔想轉黎轉去,又會係依個地方記數
實際上緊係唔會咁簡單
舊股東以往既做法,一d唔清唔楚既數,一d唔見得光既數,都落依個位
而當時amount due from/to shareholder就顯示,公司欠舊股東5千幾萬
即係集團公司除左作價收購子公司60%股份外,仲要額外俾多5千幾萬
集團公司就緊係唔肯

問題黎啦,amount due from/to shareholder係累計落黎既數,由公司day 1到依家
我接手開始,當然清楚係搞緊咩
但我接手之前果d,只可以靠睇文件單據
集團公司2個阿頭,同舊股東1個阿頭,都不斷叫我verify條數
3個阿頭都唔會睇我,只會點我做野
我交出黎既report,對集團公司有利,就俾舊股東阿頭插
對舊股東有利既,就俾集團公司2位阿頭插
雖然我自問我冇偏幫某一方,睇單據做野,但夾左係中間真係兩面不是人
而唯一有樣野係可以令我3個阿頭都好齊心,就係一齊吊7我
當時咁複雜既環境,我工作好難做到滴水不漏
一有錯處就會引發佢地瘋狂咁吊我
當時工作壓力都大既,每晚都OT應付佢地要求
等佢地3位都放哂工,我先會放工,通常9-10點,夜就11-12點
工時長我習慣哂,俾人吊亦都係等閒事
但不斷push我交出3位阿頭都認為岩睇既report,確實係好為難
仲未計我日常工作同埋一d無理既刁難
咁我當然有搵工啦,只不過未搵到工前繼續做住先,生活迫人唔容許裸辭

就咁玩左2-3個月都未有結果,集團公司果邊應該俾好大壓力我2位阿頭快d搞掂
結果最快爆煲果個唔係我,而係集團公司既finance manager,佢quit左
咁集團公司既financial controller變左我直屬上司,佢變本加勵咁捽我
每日都叫我查d 10年8年前既數,查完解釋唔到又俾佢吊
俾人吊就份糧包左,我冇咩所謂
我反而feel到financial controller好L大壓力,佢會失驚無神好大聲吊鬼
當時佢既情緒可以參考萬梓良係賭俠大戰拉斯維加斯既表現
佢曾經講過,叫我重做返由公司day 1到依家十幾廿年既數
我心諗暗戀你唔係玩到咁大啊,好彩最後冇執行
而舊股東果位finance manager亦都絕對唔係會講道理既人
搵到每條數對舊股東有利就計,對舊股東不利既就死磨爛磨到要我屈服
有時遇到兩個都同一個時叫我開會時,我就要好小心咁take side
雖然我幾小心都會俾另一個吊
艱難日子又過多2-3個月,轉機就黎啦
集團公司換左另一個financial controller落黎,即係我換左直屬上司


呢D三殺位早走早著[banghead]

我做過d更三殺既三殺位[sosad]


你人生都幾多姿多彩

自問我覺得都係:)


捱過左就上神枱

唔係咁簡單


鬥長命既比賽中,我算係贏左我兩位舊阿頭既
總公司調任新黎financial controller,因為人生路不熟,好多野都問我
我就好配合佢既工作,而佢又幾肯教我野,所以我地關係都算幾好
雖然工作氣氛好左d,但OT依然
新阿頭睇左2個星期,都覺得條數實在太亂
年代太久遠,冇咩可能搞得清,佢就採取另一個策略
一邊兇9舊股東再咁玩落去會推翻收購計劃,另一邊就拉兩方人埋台傾大數
新阿頭做野既方向都好唔同,佢要我推演唔同scenario
分析俾舊股東聽可分到幾多錢,而唔係以前咁逐條數問我
佢既做野手法都算雷厲風行,睇大局而不拘小細
當初舊股東唔多信集團公司會撤回收購
新阿頭既工作重心,就係要令舊股東相信撤回收購既可能
迫舊股東埋台傾,依家諗返,佢做野有手法有d似侵侵
再用多左1-2個月達成左協定,大家唔好每條數咁睇,而係打個折一口價3千萬埋單
由5千幾萬減到3千萬埋單,新阿頭算幾成功交到功課
雖然話完結左我依半年既苦難,但我之前既工作亦都係白費,我對住個堆file有d可惜既感覺
完成收購方案後,舊股東果邊對我既刁難都少左,仲會約我食下lunch
不過我覺得不如你刁難我算啦,我想推又唔推得

到我入職1年半左右做appraisal,又黎另一個新轉機
做計算公司既價值時,冇功都有勞
而且之前走左個finance manager個位,佢既工作大部份係我頂
同新阿頭拍依大半年,做野都算妥當
finance manager個位一直都懸空,我問新阿頭可以升我嗎
新阿頭話問題唔大,但佢反而建議我,有冇興趣去總公司學下野
但子公司上集團,就冇可能再有得升職,只可以維持assistant manager個位
留係子公司做finance manager人工高d,上集團做assistant manager就可能見識多d
屋企窮慣,以前我目標係有份工,住係當時既公屋,唔駛過d欠債既生活就好L滿足啦
我當時就同聰明既高登仔一樣,想揀人工高d既finance manager
但當時新阿頭就苦口婆心同我分析,話後生仔唔好下下睇錢,要睇事業前途之類既說話
阿頭話我有一個特點係,做野走僻峰
依樣唔係做財務既特質,好好培養可以成大事,但走偏左就好危險
之後我先發覺,佢當時既建議唔係水9我,而係真心為我好
而最後我都有聽佢講,接受調任去總公司
新阿頭算係我依間公司第一個貴人
依個決定為我人生帶來改變


所謂份糧包左,當年係幾多人工左右?

3萬左右啦


呢D三殺位早走早著[banghead]

我做過d更三殺既三殺位[sosad]


巴打你好似講過,成間公司都係一家人但大家唔妥大家你又係磨心[sosad]

巴打你又記得,果份係最難頂,又係好誇張


真心好向左走向右走勁
能人所不能

係子公司既野,hk好多人都會遇到
只係工作西d咁


繼續吹

[sosad]

故事緊係吹架啦


呢D三殺位早走早著[banghead]

我做過d更三殺既三殺位[sosad]


巴打你好似講過,成間公司都係一家人但大家唔妥大家你又係磨心[sosad]

巴打你又記得,果份係最難頂,又係好誇張

有d印象,你係個間溏心風暴做左幾耐?[sosad] 執左未O:-)

果間野做左年半,超大壓力
佢幾百億市值,我死左佢都未執啊[sosad]


繼續吹

[sosad]

故事緊係吹架啦

老實講
我信呀
睇左咁耐post
好多野都似係歷練過返黎

中間有老吹,如果唔係會自爆[sosad]


lego巴人生經歷必要留明

幾份工既經歷都幾戲劇性[sosad]


做 fx trader 每一日都操過百億盤留名#cn#

哦?識個朋友做dealer, 不過唔知佢做幾大


所謂份糧包左,當年係幾多人工左右?

3萬左右啦

果時大概幾歲[???]

26-27左右啦


留名睇故事#hoho#dw
雖然好多商科嘢我完全聽唔明[banghead]dw

依家我學緊d engneer野都一樣係一頭冒水[sosad]


呢D三殺位早走早著[banghead]

我做過d更三殺既三殺位[sosad]


巴打你好似講過,成間公司都係一家人但大家唔妥大家你又係磨心[sosad]

巴打你又記得,果份係最難頂,又係好誇張

有d印象,你係個間溏心風暴做左幾耐?[sosad] 執左未O:-)

果間野做左年半,超大壓力
佢幾百億市值,我死左佢都未執啊[sosad]


好難講既,波叔臨瓜都比個仔搞到賣呢賣路O:-)

Yahoo過千億市值都變袋底泥比人收購埋都係咁[banghead]

咁又係,世事冇絕對#hoho#


由子公司上集團既人唔多,我算係特例
有阿頭既推薦,我上到總公司都冇俾人睇低
但上到總公司先知,如果我選擇留係子公司,我一直都只係會井底之蛙

講返總公司既財務功能有5大板塊,corp fin,reporting,taxation,system,M&A
corporate finance係負責融資,評級,發債,最fancy既一個部門
reporting就做consolidation,出report,對auditor,HKEX,機構投資者,負責埋investor relationship
taxation亦都好專業,針對每個地方既taxation而做international tax planning
system就搞集團內部既work flow procedure,包埋internal audit,比較平實
merger and acquisition,搞收購合併,做due diligent,順便睇corporate governance
個分工好仔細,每個功能都有專門既人才,個個都好L堅
例如負責做investor relationship既同事以前係財經界有人脈,淨係聽佢吹水已經好多故事
負責corporate governance既同事做到好專,雖然我覺得CG係吹水野,果個年代佢已經做緊sustainability
每個功能有唔同manager,senior manager,部門最高就係head of department

由子公司上黎,我就入左最穩打穩扎既system部門
入左去做都幾多野學,例如有邊d工作流程一定要跟,就要上system
system要點樣配合咁,財務點樣配合業務運作
頭1年我跟個老前輩manager做野
係公司大家都叫英文名時,就只有佢叫達叔,就知佢地位有幾高
達叔都好肯教我,我大致了解到集團成個財務部門同業務既運作
達叔算係d老派既人,做左幾廿年財務會計
同一個位撈左十幾年,亦都應該會係同一個位等退休,但佢腦筋仲好清晰,仲肯接受新野
達叔當我係soon仔咁教,咁我都好尊重佢老人家,大家關係都幾好

達叔仲有教左我一樣野,就係準時收工
就因為咁,我就報個master黎讀,個course本來預你讀一年半至兩年完成
我就將d course排到一年完成,所以排得好密
一星期返三晚,淨返既時間唔係做功課就係溫書
果時既生活好L忙,一放工要趕返學,平時晚餐只可以係車上面食麵包

依個部門做既野穩打穩扎,係財務會計d最基本既野,做得夠專夠好,就可以打好一間公司既基礎
就好似打街霸咁,唔駛chok昇chok波,識用既話淨係輕拳重腳都夠打
雖然聽落冇咩好戲劇性既變化,但依1年幾對打好我基礎幾重要
用過oracle, SAP依d比較出名既system既都知,識得依d system對日後工作都幾有用
雖然亦都大把人吊7 oracle, SAP,佢背後套理念邏輯幾值得學


做finance原來咁精彩:-(
做地產好羨慕:-(

我估每行都可以好精彩既
地產淨係床單都有大把精彩故事#yup#


佢食女都好多故事:)

食埋如姐:P


抗壓力極高
正常人一早劈炮

我地依行算普遍,你聽big 4大把人係咁做:~(


無上一個post咁勁
可能因為仲未夠經驗
其實都係靠貴人carry


不過樓主捱到咁耐
又捱到其他人收哂皮 再捱到有貴人降臨
又真心勁


明知無得搞 都堅持
成功既人就係有呢一下!
絕境返工!
做做下就有希望!

冇上個post咁轉折
我既際遇都算好彩


係總公司做野,都好多時同子公司打交道
通常集團有咩新流程,或者子公司爆左咩鑊,都會重新制定work flow
再同子公司果邊溝通,有時要有人親身去子公司搞

第2年,head of system department見我後生又單身,開始可以搞得掂,master又畢業唔駛返學
有時會調派我去集團內唔同既子公司,最初就大慨1星期左右
主要工作係幫子公司setup一個standardized既work flow procedure,或者睇下佢地有冇走樣
慢慢調派既次數越黎越多,station時間越黎越長,每個地方都station 1-2個月咁
長期係外面多過返集團總部,工作內容冇咩特別,但就有得成日飛唔同地方
大部份都係大陸同東南亞地方,上海、重慶、河北、江西、澳門、青島、越南、柬埔寨等等
咁都算叫做俾我好多見識機會,去過唔同既大城市station過,當然有約唔同城市既女啦
講到工作就比較平實,算交到差咁,做依類工作好難表現到自己
做得好就只係冇鑊,唔會有d咩大既功績
而我當時都覺得仲有好多野學,所以都滿足於當時狀況

因為我出差大陸都多,尤其有d環境好L惡劣,肯咁樣出差既同事冇幾多個
除左自己工作外,我要幫下第二team做下野
而我算抵得諗,幾忙都唔會reject,有野就做啦,做唔哂就自己OT
雖然我知好多人唔岩聽,我一路都覺得人地俾額外野你做係俾緊機會你
隔離taxation部門都好多時會搵我幫手,尤其係PRC taxation team
返開大陸啦,就跟下佢地大陸d稅,中間我又學到野
head of taxation department亦都慢慢知道有我依個同事存在

有次PRC taxation team有同事走左
head of taxation department都幾欣賞我平時做既野
佢就想我跟PRC taxation
因為佢地taxation部門d同事唔多肯station大陸幾個月
過底taxation部門之前,都要安排返我現有既工作,幸好我既工作唔太難搵人接手
阿頭同department head都幾支持我調第二個department
話哂我叫後生,去學多d野都好,而我又好肯去學
而我咁就解鎖左第一項比較專門既財務知識,熟悉PRC taxation既HK人係市場上唔算太多


返大陸做野有無20年前#adore# ?_?

應該call 唔少G la[sosad]

十幾年前,確實係call唔少g
不過我唔太鐘意call g,鐘意搵sp多d:P


加甜講下點約女:P

同事朋友介紹,落bar識,另外qq,weibo,網上識都有
果個年代hk男人仲有少少premium


轉左去做PRC taxation,除左工作上學野外,放工自己睇大陸稅法、公司法、合同法
我有報考大陸既稅務師,其實算幾難考
之後再考大陸會計師CICPA,更加難,拎唔到個牌

如果話HK taxation既難度係10,PRC taxation稅既難度應該有100
稅種繁多之餘,操作亦都複雜,分地方稅同國稅
單係一個增值稅,都有好多種做法,出口免抵退,即徵即退,先徵後退
增值稅既操作入面有樣野叫稅付率,要set個區間出黎,唔可以太高或太低
當中會涉及進項稅同海關合同手冊
盤數唔係淨係台面帳同台底帳,仲有盤稅帳,同海關帳
要handle幾盤數互相交差既影響
唔單止係財務數字上,仲要睇埋庫存管理,生產流程
物料清單入面溝幾多含稅料,幾多不含稅料,合同上又要點處理
set哂d template俾子公司每月報數,等佢地唔會因為唔熟PRC taxation而報錯稅
稅報得唔好可以好L大鑊,拉人封鋪都有可能
稅法上係一樣野,而實際操作又另一樣野
學已經唔容易,要精就更加難

係大陸生活,放工我都係讀書既多,所以慢慢我對PRC taxation算幾熟
同埋我有個有CICPA牌既大陸同事,佢係專門研究稅例,我經常會同佢工作上交流
當時我地負責申請某d項目
大慨就係你間公司申請成功既話,可以減稅,仲可以向財務部申請補助
大陸d公司都幾重稅,申請成功個慳錢成果都幾大
按道理,你一間申請成功,其他地方子公司用同一方法,同樣可以申請
但大陸有樣野,叫地方政府,同一條法例,各地演繹方式唔同
咁我既角色就係去哂唔同地方既稅局打點好一切,簡單黎講就係茶煙飯炮

咁又唔係淨係應酬就搞得掂,要做既文件都係要做,要交既表既都係要交
日頭就好L正經咁跟稅法規例做野,夜晚就應酬
call g開公數我估係好多人夢寐以求既福利
有次claim錢個會計阿姐問我條數咩黎,我話call g
之後果間子公司FC就每次都親自處理我d claim錢
咁打滾得耐,點樣應酬,睇人面色,幾時拍下馬屁,依d世界仔野混得好熟


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 28/6/2022 1:14
今天貼文總數: 701 | 累積文章數目: 7,020,251

聯絡我們 | 服務條款 | 私隱政策 | 廣告查詢 | 職位空缺
Copyright © 2022 HKGolden.com. All Rights Reserved.