我有啲friend就習慣大約兩年轉一次工，問佢哋點解多數都係以下幾個原因
- 魚唔過塘唔會肥 (荷包最實際人之常情)
- 做多啲公司見多啲人可以整靚張CV（睇你做邊行）
- 同一間公司做太耐會僵化變到有固定模式/思維，會跳唔出comfort zone
- 一間公司可以學嘅嘢通常一兩年都學得晒，冇嘢學（Career角度）就跳槽
咁佢地人工而家係咪高你一大截
其實又冇得直接比較，我同我班friends大多數都係2010年前後大學畢業，但我就喺大學做多幾年研究最後放棄PhD出返來打工。
1）佢哋工作資歷都11/12年，我係2015年先出來做嘢得6年工作資歷，人工冇得就咁比。
2）呢幾年大圍經濟環境同早幾年好唔同，2010~2015呢幾年整體經濟唔錯，搵工同嗌價同比較容易；16年開始就冇咁順風順水，不過機會係依然有睇你把唔把握到。
3）我哋唔係全部做同一範疇工作，有啲係專業工種，有啲係普通打工仔，條career path都好唔同。我哋當中做醫生/警察/IT呢幾個人工就高啲，其他就不過不失。
我而家搵40K（有上升空間），我嘅朋友當中
人工相對低嗰班有啲人搵20K~25K舒服工，有啲人打咗十年工跳幾次營營役役搵緊30幾K
人工比較高個班月入過10萬（醫生），同我一樣做IT都做到Assistant Director（跳過幾次但唔係一兩年就跳），好似搵緊80K/90K咁上下
