戰咩先？資歷深而演技屎？咁將佢同汪明荃劉德華擺埋一齊都幾難分高下。
劉丹都叫屎戲
Ching咁你覺得邊個叫好戲
要數天下間演技好過佢嘅人太多喇，我僅以開po位師兄提過嘅真情裏面啲演員嚟分等級：
李司棋、劉 丹、薛家燕、關海山、
黎 萱、蔣志光、蘇玉華、郭少芸、
苑瓊丹、譚倩紅、張慧儀、黃智賢、
吳美珩、謝天華、劉愷威、馬蹄露、
黃德斌、于 洋、滕麗名、盧慶輝、
楊婉儀、彭子晴、李龍基、羅 霖
T1.李司棋、關海山、蔣志光、蘇玉華、苑瓊丹
T2.黃智賢、謝天華、馬蹄露、黃德斌、劉愷威、郭少芸、張慧儀、盧慶輝、吳美珩、羅 霖
T3.劉 丹、薛家燕、黎 萱、譚倩紅、楊婉儀、李龍基、于 洋、滕麗名、彭子晴
太約咁上下啦。
劉丹呢個人只適合一啲正派而詼諧嘅角色，由天師執位貪杯嘅張天師，到射鵰神鵰為食嘅洪七公，除咗服裝外其實分別不大。佢反派角色叫得出名嘅都係得馮敬堯一個，重要係四十年前。平心而論呢四十年嚟佢演技都係差唔多囉。
相反攞樓上位師兄提過嘅秦沛嚟比較，即時諗起佢嘅癲佬正傳裏面嘅有殺無賠、法外情嘅Hi Hi主控官、火舞風雲喺浴缸鹹濕張敏嘅賤精、賭聖入面嘅洪爺、逃學威龍嘅瞓度主任、審死官最後烚熟狗頭嘅八府巡案、鹿鼎記嘅男朋友吳三桂、新不了情嘅失意樂師、烈火戰車嘅古板老豆‧‧‧‧‧‧去到近年佢喺桃姐入面個Cheap精阿伯，我睇到秦沛嘅進步，唔浮誇、唔做作、唔生硬。
咁又老實講，劉丹又未差到汪明荃同劉德華嘅水平，起碼都佢點都有啲角色我係樂意睇嘅。
