留名睇相 個地方名第一次聽

富士宮市 Day 1

甲斐常葉 > 身延 > 内船 > 西富士宮、富士宮

甲斐常葉、身延同内船其實喺山梨境內，西富士宮同富士宮就喺靜岡，共同點係靠JR身延線接駁
《富士山、靜岡地區周遊券Mini》可以用喺身延線普通車同特急自由席，但只可以由富士座到下部溫泉站，即係去唔到甲斐常葉
身延線班次唔密，一個零鐘一班，去咁多地方即係時間要計得準同早起身

甲斐常葉同内船係無人站，身延線亦係one man列車（ワンマン列車），喺冇人站落車就要去車頭俾司機檢查車飛同俾錢，用IC card嘅話司機會寫張紙叫你之後去大站俾返，唔識日文建議買定飛或者用pass
喺冇人站上車冇得買飛，上車拎乘車券落車俾錢，最好計定數廢事司機收錢搞太耐，不過條線遲少少啲人應該慣
https://www.jreast.co.jp/morioka/onemancar/

甲斐常葉
搖曳露營嘅學校模型
一出火車已經有指示牌，基本上嚟得呢個站都係去學校




常幸院，100yen算係幾平，凍凍地買咗支熱檸檬水




通學路


校園
唔係開放日唔俾入課室，只能夠由窗影入去，出面可以自由活動






>續

行咗一左右個鐘左右就趕火車去身延
身延係有人站，不過都係無得用IC card，要買飛出入


一出去間水晶鋪已經好多周邊賣，唔少一家大細一齊行，有個老竇仲同個仔討論邊啲周邊有男子氣概多啲


栄昇堂
身延名物嘅饅頭，諗咗陣買幾多個，最後都係3個，入面係紅豆餡，食完想再買多啲
栄昇堂獨有嘅鎖匙扣
https://twitter.com/minobueishodo/status/1572508848786919424?cxt=HHwWgMDSoe2d1tIrAAAA



身延饅頭凳



行多幾間舖之後就搭巴士去身延山久遠寺，唔行舖同食饅頭嘅話可以由火車站直接搭




石級好高上落都唔向左走向右走易，上完樓梯就係本堂，之後可以搭埋纜車上山頂


撞正年末年始之後幾日同埋成人式臨近，好多人去久遠寺參拜，搭纜車上山頂要排隊，都有唔少人行參道上去，但要預返單程兩三個鐘，時間關係放低咗1500yen買往復券


山頂望到富士山同阿爾卑斯山脈




喺山頂行吓同影相





賣店都多露營佈置，排纜車嗰陣聽到後面目測應該係小學生妹妹同父母介紹露營，吾心甚慰

之後再趕巴士返身延站，再搭火車去内船，主要都係行吓個站同南部橋，有時間可以上うつぶな公園散步，樓主無咩時間就喺附近勁行吓搭下一班火車去西富士宮






西富士宮係有人站，但落車嗰陣出入口位個職員唔見咗，隔離就咁擺個箱俾人入乘車券同錢，想找錢就gg


去西富士宮主要想去「お好み食堂 伊東」食しぐれ焼，間嘢算係幾出名預咗要排隊
3點零4點行到去諗住唔駛排，但點知店家貼咗張告示喺門口話本日食材賣晒，要食嘅話應該要早啲去同人排
日本冬天啲舖唔做晚市通常4、5點閂，見有啲時間就行返去富士山本宮浅間大社，睇吓食唔食到炒麵同入去參拜

不意外地啲舖已經執緊檔，入到去神社都拉埋門




附近其實仲有少少檔開可以食章魚燒同蘋果糖之類，但嚟到富士宮都係想食炒麵同お好み焼，就搵咗其他地方食嘢



講少少食物但無相，覺得幾唔錯所以寫埋
最後去咗間叫「鉄板焼 焼きそば すぎ本 本店」，入到去老闆娘見生面口就會問係咪第一次嚟，跟住就推介咗個special half set，可以食到半份炒麵同半份お好み焼
炒麵咬落好有口感同好足料，お好み焼係一半麵粉底一半芝士底，食完好大滿足
行返富士宮嗰陣喺familymart買咗杯雪糕一路食一路行，愜意
因為幾好食第二日又去咗食，同老闆娘講話想食燒烏冬同しぐれ焼嘅special half set，餐牌無但老闆娘都ok，仲送多串つくね（烤雞肉串）
同老闆娘講起之後會去浜松，佢就推介話浜松一定要食餃子，但之後食完好似無咩特別

富士宮市 Day 1 完

巴打識日文？

巴打識日文？

識少少可以基本溝通嗰種
完全唔識同識少少去日本係兩個體驗嚟

講少少食物但無相，覺得幾唔錯所以寫埋
最後去咗間叫「鉄板焼 焼きそば すぎ本 本店」，入到去老闆娘見生面口就會問係咪第一次嚟，跟住就推介咗個special half set，可以食到半份炒麵同半份お好み焼
炒麵咬落好有口感同好足料，お好み焼係一半麵粉底一半芝士底，食完好大滿足
行返富士宮嗰陣喺familymart買咗杯雪糕一路食一路行，愜意
因為幾好食第二日又去咗食，同老闆娘講話想食燒烏冬同しぐれ焼嘅special half set，餐牌無但老闆娘都ok，仲送多串つくね（烤雞肉串）
同老闆娘講起之後會去浜松，佢就推介話浜松一定要食餃子，但之後食完好似無咩特別

富士宮市 Day 1 完

覺得呢啲旅行體驗好正

lm學野

巴打識日文？

識少少可以基本溝通嗰種
完全唔識同識少少去日本係兩個體驗嚟

勁

講少少食物但無相，覺得幾唔錯所以寫埋
最後去咗間叫「鉄板焼 焼きそば すぎ本 本店」，入到去老闆娘見生面口就會問係咪第一次嚟，跟住就推介咗個special half set，可以食到半份炒麵同半份お好み焼
炒麵咬落好有口感同好足料，お好み焼係一半麵粉底一半芝士底，食完好大滿足
行返富士宮嗰陣喺familymart買咗杯雪糕一路食一路行，愜意
因為幾好食第二日又去咗食，同老闆娘講話想食燒烏冬同しぐれ焼嘅special half set，餐牌無但老闆娘都ok，仲送多串つくね（烤雞肉串）
同老闆娘講起之後會去浜松，佢就推介話浜松一定要食餃子，但之後食完好似無咩特別

富士宮市 Day 1 完

覺得呢啲旅行體驗好正

之後仲有，自問唔係主動嘅人，但上咗年紀嘅老人家可以好輕鬆咁撩起話題，真係好佩服佢哋

留名睇相 個地方名第一次聽

自己覺得河口湖啲相最靚

富士宮市 Day 2
朝霧高原

富士宮雖然唔算係咩大地方，站頭附近都有幾間酒店，火車站隔離係Aeon同商店街，鄰近本宮浅間大社同富士山世界遺産中心，照理住喺站附近就冇死
但去到朝早搵地方食早餐先發現中伏，因為站附近啲舖未到10點都唔開，又唔太想食便利店，睇完地圖決定morning run 2km去食Sukiya
之後有班丹麥人check in嗰陣又係問邊度有早餐食，啲職員都話無，我同佢講返話2k有Sukiya 1.8k有M記，佢即刻話good然後話佢都鐘意morning run，相視而笑

入返正題，而家去朝霧高原可以座的士，單程500yen，俾1000yen就1日任坐，搭巴士嘅話單程都要900幾yen，正常人都識揀
富士宮路線最多座到9人，咁抵原本以為實要早啲去排，點知朝早去嗰陣包咗車，回程都係得3個人，個司機都話好似唔多人知有呢架的士，同埋多數係遊客搭，可能本地人慣咗揸車
https://fujinomiya.gr.jp/news/5814/

今次行程係
朝霧高原道之站 > 陣馬瀑布 > 田貫湖 > まかいの牧場 > 白絲瀑布

雖然基本上的士都去到，但唔想特登就時間，所以決定由富士宮站搭09:40班的士到朝霧高原道之站之後就行落山，行到白絲瀑布搭尾班的士返富士宮站

朝霧高原道之站
道之站係俾揸車人士休息嘅場所，有餐廳有賣店
朝霧高原係蓄牧地方，嚟到呢度最重要係食牛奶軟雪糕，雖然500yen但濃到好似食緊牛奶，之後叫多杯熱牛奶暖吓身，但好似都無雪糕咁濃，未食過咁好食嘅軟雪糕




沿車路行落去都見到富士山，同埋周圍好多牧場，喺車聲牛聲氣油味肥料味之中行吓行吓就到陣馬瀑布



陣馬瀑布隔離就係太鼓石，就咁睇唔算有咩特別，不過睇返啲典故都幾有趣
可以參考wiki
https://ja.wikipedia.org/wiki/%E9%99%A3%E9%A6%AC%E3%81%AE%E6%BB%9D




附近有個公園，唔知夏夜係咪有螢火蟲睇

之後行去田貫湖都係石屎路，偏僻啲無咩車行，經過樹林特別寒


小田貫濕原


田貫湖
圍住行咗圈，太大風影唔到逆富士，附近好多一家大細踩單車同露營，算係全日咁多個地方最熱鬧嘅一個



まかいの牧場
食咗士多啤梨味+牛奶味雪糕同飲牛奶，奶味冇朝霧高原道之站咁濃，但多咗浸騷味
除咗食嘢牧場仲有好多嘢玩，不過要另外俾入場費，同埋啱親子多啲
食緊嗰陣有班小學生嚟到，個個都話要食露營嗰款雪糕 （雖然樓主都係），食食吓都覺得自己後生咗

動畫圖


埋尾去白絲瀑布




隔離係音止瀑布，好似真係細聲啲


個石碑喺間餐廳入面


白絲瀑布影嘅富士山


喺白絲瀑布走嗰陣，個司機話15:25左右有班車係會即接由白絲直去富士宮，唔駛兜大圈
結果4點就返到站頭，諗咗陣好無喺Aeon戲院睇鈴芽的門匙，但唔想搞到咁夜又無特典就放棄咗，唯有返香港先睇

富士宮


富士宮市 Day 2完
之後係甲府

正呀喂

甲府 Day 0
早川町

由富士宮去甲府中間加咗個行程，喺身延站落車，然後搭巴士入去早川町
架巴士總站係身延站，不過亦都停下部温泉站，但因為拖住個喼，下部温泉站無coin locker，所以揀咗喺身延站上車
搭到去早川町總站奈良田温泉，車程一個半鐘，但因為沿途風光都好靚，所以好難得無訓著，原本諗住回程影啲相，但回程4點零已經開始天黑，嗰日咁啱冇咩陽光，結果一幅相都無影到

簡單描述吓有幾靚，因為早川町條車路係喺南阿爾卑斯山脈入面，啱啱俾啲幾千米嘅山夾住條河就叫早川，所以可以一直望到唔同山脈交替，同埋河水溪谷。去嘅時候係12月中，深山入面仲有啲紅葉，山頂開始積雪，自駕嘅話慢慢欣賞應該會好舒服

巴士一日四班車，單程1000yen，最後返身延站嗰班係4點開，所以都係睇住時間嚟hea
https://www.town.hayakawa.yamanashi.jp/people/taffic.html

落咗車之後已經係11點幾，即刻去浸咗個溫泉
奈良田の里温泉 女帝の湯
去溫泉條路，因為前幾日落過雪，同埋朝早又落完雨，所以係好向左走向右走冼


温泉館附近啲雪



原本諗住山旮旯地方應該無人浸温泉，但入到去已經有先客，入面無影相
浸完温泉就喺古民家カフェ(cafe) 鍵屋食嘢，食咗鹿肉意粉同柚子蛋糕
意粉好有咬感，係鹿肉有啲少，柚子蛋糕就真係會連埋啲柚子皮喺個蛋糕入面，外邊燒到脆脆地，非常唔錯
整體環境都好chill，有啲人食完直接攤喺地訓覺，老闆娘又會識拎張被出嚟



浸完温泉食完嘢已經3點，原本想再行吓寫真館同民俗資料館，張飛600yen包晒兩面，唔夠時間唯有放棄
最後喺附近行吓就搭巴士返身延

奈良王神社




條河已經結咗冰




甲府 Day 0完

甲府 Day 1
萬力公園 > 笛吹川水果公園 > ほったらかし温泉

甲府係山梨縣廳所在地，縣廳有喺露營入面出現過，喺甲府買早餐每日都經過，就係唔記得影相，令今次聖巡有少少遺憾
雖然住就住甲府，但今次無時間喺甲府入面觀光，貪附近啲住宿無咁貴同交通方便啲
呢日去呢三個地方全部都喺山梨市站附近，落咗火車之後慢慢散吓步都行到去，官方寫行去水果公園大概一個鐘，要上啲斜，應該都差唔多

山梨市站出去過條根津橋就係萬力公園，條橋唔知點解有啲水喺度流又結結地冰冼到差啲Hi Hi
根津橋


原本淨係諗住喺萬力公園散吓步，但愈行好似愈眼熟，明明個公園喺露營應該無出現過
之後先發現原來係PA套成神之日嘅舞台，睇完已經無咩印象，一早知嘅話應該會喺個公園影多啲相，PA係一間好動畫公司
公園入面有噴水廣場同動物廣場，不過冬天冇水噴亦無咩動物，環境幾清幽，有唔少人跑步





見附近有個神社就行埋去睇吓
差出磯大嶽山神社



去水果公園開始上斜，經過「沒有名字的展望台」，望到富士山



其實沿途都有唔少果園農莊可以摘水果，不過冬天冇咩當造，大部分都唔開
上到公園展望台，周圍行吓



應該係柿
冬天最多地方就係賣柿同桔，200yen 4-6個都有，有甜有酸撞手神


笛吹川水果公園免費入場，分咗唔同部份，有室外同室內遊樂場，玩水場（冬天無水玩），花園，水果園，餐廳等
冬天去無咩人行得幾舒服，獨向左走向右走玩吓室外遊樂場都唔尷尬，不過係真係幾凍

café喺個波入面，喺入面食咗午餐同士多啤梨雪糕，淨係可以用電子支付



醒起成神之日嘅一刻，當然有露營



右手邊係間展望台餐廳，不過貴啲


難得個天靚，繼續影吓富士山


食完晏繼續行上山，經過花園就會見到有間酒店



上到公園頂就有個觀光位，睇唔到寫乜字


行多陣就係ほったらかし温泉
有「這湯」同「那湯」，去咗浸那湯，兩邊都望到富士山，夜景好似幾出名，不過無揸車唔玩到咁夜



溫泉都幾多人浸，休息室都多多地人所以無影相，大部分都係揸車嚟浸
浸完食咗隻炸溫泉蛋，鹹鹹地幾好食，食完就原路落返公園同火車站
咁多日之中呢日應該算係最搖曳


甲府 Day 1完

甲府 Day 2
鰍沢口 > 四尾連湖 > 大門碑林公園 > みたまの湯

聖巡從來不易，無車去到四尾連湖，所以整咗條行山路線，由鰍沢口站出發，沿車路行去四尾連湖，再行山路去大門碑林公園
大門碑林公園最近嘅火車站係市川本町站，可以直接走，不過因為想浸吓温泉，所以行埋去みたまの湯
路線同高度圖



鰍沢口站（無影相），行車路其實幾舒服，慢慢上斜當熱吓身，沿途大部分都係樹林，無咩景睇有啲悶，呢段難度同車路上大帽山差唔多，不時望吓地圖就夠
間唔中都會有車行，睇落多數都係附近啲住民，有個呀伯特登停車問我行去邊，答完之後講咗句加油
仲有5k


到


四尾連湖係露營場嚟，雖然唔露營不過都點咗杯咖啡，問一問啲職員之後可以食自己帶嘅麵包同飯團，同埋唔露營都可以行個湖
喺出面食嗰陣，啲職員好親切咁話出面凍叫我入去座，嗰日天氣幾好同埋上完山出汗，最後答返座出面就得，不過之後都入咗去影相
同啲職員傾咗幾句，佢哋知我係香港人之後仲拎咗本台灣人寫嘅聖巡遊記俾我睇。間舖除咗周邊仲有好多人留低嘅聖巡感想，連埋職員嘅熱情，成個感覺好暖心
水明荘有みたまの湯嘅割引券賣，好似係700yen （原價770yen）

水明荘




室內問完店員之後隨便影相

停留咗一陣之後開始行個湖，唔識影相曝晒光，個湖係好靚的，係我影相太垃圾






營地已經有人所以無咩點影


行完個湖之後會有指示牌，可以行去市川本町站，亦可以行去本栖湖
四尾連湖再行開始就係山路，上少少到文学碑公園就開始落山，座山叫四尾連峠




條路唔算難行，但有啲位路丕唔太清晰要認絲帶，有啲位連絲帶都無就要靠地圖，條路好多落葉，所以落斜有啲位會比預想深
落山途中一個人都無，路痴要多多留意

觀景台


唔知做乜插舊木喺度


行完


之後行去みたまの湯係車路，同上山嗰陣差唔多，有啲位無行人路要行路肩，不過呢條路多車啲
みたまの湯出名睇日落同夜景靚，慢慢行4點零去到，浸到5點零就睇到日落，好多一家大細呀爺帶阿孫
入面都有露營周邊賣，仲不斷見到有人買，由細路到師奶都有，熱門程度真係超乎想像
晚餐喺入面食埋，因為農產品都出名，叫咗個季節限定嘅大塚紅蘿蔔釜飯set，同埋紅蘿蔔雪芳蛋糕

一切都好美滿，直到走嗰陣因為已經係夜晚，附近又係郊區地方冇街燈，結果要摸黑行返甲斐上野站，去到仲啱啱走咗班車要等半粒鐘，好彩浸完温泉個身仲熱熱地，冬天夜晚唔是講笑


甲府 Day 2完
之後飯能編

自推到第二頁，太多圖好難load

22

23

24

25