其實一般韓國人係咪好壓抑？或者問，晌佢地社會生活壓力大唔大？
有少少長 有興趣可以慢慢睇 之前個post都有巴打問過我
比你想像中更加壓抑 因為韓國競爭太大 個個都爭住去首爾做大公司入面嘅一粒螺絲，同埋韓國租屋制度令到更加拉大差距。我輕輕講吓 俾個概念你，韓國租屋同香港完全兩回事，有分全租同月租。全租 係畀一大筆保證金 大約300萬港紙 簽兩年約，唔洗再交租金，每個月淨係交管理費同水電媒，兩年後退租成筆錢攞翻嚟。另外一種係月租 好少少嘅 通常保證金15-20萬港紙到啦 簽一年約 每個月7千蚊租到 另加管理費水電媒。令到好多人讀完大學嚟到首爾都畀唔起筆保證金租屋，到最後產生咗好多貴到離地嘅劏房(佢哋叫考試院）天台屋 地下屋 因為平啲。
一個財團控制嘅國家，讀唔成書好難出到嚟就業，佢哋個個嘅夢就係入三叔 LG 現代 到做。入唔到 你只可以做啲好下欄嘅工作。你可能會話 出嚟做吓生意仔 手作仔得唔得呀？本金好大，我喺韓國做過生意，同上面一樣 淨講租鋪首先你要嘔到一大筆保證金出嚟先做到，對好多家庭已經係一個無法達到嘅本金。貧富懸殊好大嘅國家，比你想像中更惡劣都有。寄生蟲套戲 主角一家住嗰類地方 比你諗嘅仲要多 地下室 屋企得半隻窗呢啲。平均韓國人月薪1萬3千左右，但係物價貴，出街食個飯70蚊起跳 買餸都一樣咁貴。躺平係時下年青人喺類似高登嘅討論區開始講起先，既然咁辛苦先考到入S.K.Y(地位等同香港三大）出到嚟都係做大財團手下嘅一粒螺絲 咁點解要咁辛苦去做啲冇目標嘅事⋯職場文化同日本都好似，永遠ot 永遠上司講嘢都啱向左走向右走曬 你只需要絕對服從命令，試問換轉你 你幾有火 都吹熄曬啦
我做過韓國公司 做設計 做咗半年 真係頂唔向左走向右走順佢哋嗰套 走咗。以上觀點都係比較皮毛嘅因素造成今日咁。
大公司以外你搵得仲少，仲要未必請 搵工嘅多過請人，韓國細公司好多都係一家人自己圍爐玩 請外人都係請好少人。二 三線城市係屋平啲租，但係一切都只係基於心態上 本土韓國人佢哋好想力爭上游，入大公司。情況好似 舊時香港人都想做公務員一樣 鐵飯碗。韓國財閥，壟斷嘅情況係你由一出世 到 死嗰日 任何一件大小事都關三叔事，下至一個尿兜 上至 全國GPA 你諗得出嘅 諗唔到嘅 三叔一定有叉隻腳落去 所以唔存在外地有冇工作機會 只係好多人集中咗喺首爾見工 做嘢 然後等人再發放邊疆。咁講，係你冇選擇喺邊到做嘢嘅權利
或者我舉個例子你，工作競爭太大喇，我唔係受邀入韓國公司嘅話，一齊見工嘅話 根本唔會入到去做嘢 淨係見工考試都搞你半年再加半年試用 要足足一年先做到正式員工 途中仲要過五關斬六將。
係全國嘅事，韓國高登仔戲稱 大三星民國唔係冇原因。由讀書嘅制度 職場 外表 潛規則導致到好多人自殺，或者去做練習生 都只為跳出呢個框架。
