當女朋友同我講佢有個男閏密時，我仲問佢講乜勁，以為自己聽錯。

可能比較少接觸大陸人，我都係早排先知有「閏密」依種叫法，我諗應該係「姐妹」咁上下，誰不知依家又多咗種男閏密。講真，依啲人唔使諗都知係溝唔到對方，但又連做兵嘅資格都無而開創出嚟嘅賤種玩意。

因此，我第一次聽到佢話有個男閏密嘅時候，直情係不屑一顧，唔使問都知我當時嘅表情絕對閪過啲港女。好在佢都知我極度不滿「男閏密」依種生物，所以之後都無提起過。

但係今日佢又話約咗男閏密，我當然不滿，佢就話不如一齊出去。

「唔使預我。」一諗到係啲痴埋溝唔到嘅女身邊死纏爛打嘅HiHi，我想打畢佢𠻹呀！

「做乜咁嬲啫……唔去咪唔去囉。」Jasmine嘟起個嘴咁㩒電話講：「Kylie知道我同你一齊都搬走啦，你仲想點…」

我同Jasmine識咗幾個月，係上星期先開始，我仲一直以為Kylie係女仔……諗諗下男閏密就係Kylie仲住埋一齊嘅話，真係唔敢想像佢地之間有無發生過咩事。真係愈諗愈嬲！

一諗到咁，我都唔識點回應佢。過咗陣，佢講：「唔去嗱！Kylie一陣嚟執返啲嘢。」

「咁我返屋企先，廢事阻住你地。」

「阻咩啫！你要留係到幫手。」

依度係三房一廳，雖然我同Jasmine一齊，但都想有私人空間，暫時都係分開房訓。而Kylie間房一直鎖住，要專重個人私隱都啱嘅。之前唔知道Kylie就係男閏密，我當然無所謂啦，話知佢啲嘢放幾耐都好。但係依家咁嘅情況，我真係疑得即刻幫手搬走哂佢啲嘢，立即答應幫忙。

「其實佢啲嘢都執好哂㗎嗱，等佢男朋友今晚放工渣車過嚟，我地幫手搬落去就得。」

「哦……咁簡單啦……」等等先，「男閏密」嘅「男朋友」？完來條友係基嘅…睇嚟我真係誤會咗

係可以見到日落嘅露臺之下，我開咗罐青島，再坐係吊椅上一邊睇住鹹蛋黃一邊嘆煙真係人生一大樂事，尤其係知道咗男閏密係基佬之後真係bye拜你尾好行夾唔送

正當我塗醉於青山綠水之間嘅時候，一聲無情嘅「叮噹」門鈴響起。我知道係Kylie嚟到，本來我係等緊Jasmine去開門，但響咗幾吓之後佢都無反應，過咗陣先再係露臺講大嗌：「我沖緊涼呀，你開門比Kylie啦。」

一開門嘅時候，真係嚇咗我一跳