主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 講故台內。

有關整合forum 1~15事宜

高登討論區定於下星期三(14/6)將forum1~15整合為http://forum.hkgolden.com,屆時有部分未獲授權的第三方app與瀏覽器plugin或會受到影響。不便之處,敬請原諒。
精選文章
DeerGamer
New App Android IOS
跳至第

發起人
阿明的人生
2 個回應
灰色人生:(

阿明。
喺香港出世。喺一個早生早長嘅香港人。

阿明出世無耐老豆就生cancer死咗。靠老母一個人養大佢。屋企好窮,無親人可以依靠。佢就喺一個咁嘅環境成長。

讀小學嘅時候,成日畀同學仔笑冇老豆,亦都因為咁成為咗俾人欺凌嘅對象。

日日食飯俾人加料,書俾人畫花晒,放學就人拉去牆角到打。返到屋企同阿媽講,阿媽唔信,喺學校同老師講,老師為咗保護學校聲譽話阿明講大話,仲記埋小過。

上到中學,叫做好彩無識嘅人讀同一間中學,諗住人生可以重新有個好開始,點知......都只喺一希望......

阿明中學讀書成績叫普普通通,只喺英文好差。但亦因為咁被人睇唔成,成日俾人笑未來一世做低級工作,冇U讀,唔會溝到女。

阿明緊喺唔想俾人睇低,所以有努力去學英文。補習、聽英文歌、睇英文書、打英文games。通通方法都試過晒,但都喺學唔好英文。最後,喺一試定生死嘅制度下緊喺衰咗喇(淨喺英文)。

冇U讀,冇女溝,無錢。阿明心諗雖然好失敗,但總有出頭天,最多努力啲做嘢,做個對得住自己嘅人。

但出到嚟做嘢先發現,原來社會喺咁複雜。一做就做咗6年嘢,中間轉過幾次工。直到今年,因為世界有疫情令到經濟好差,唔請人之餘老闆仲不停炒人,失業率上升,人生本來就衰開嘅阿明都唔例外。

阿明嗰一刻所受到嘅壓力無比大,因為佢仲有阿媽要養,就算食老本都捱唔到好耐。

阿明行咗去天台上面,望住出面風景。

佢嘆咗口氣講:「香港成日被人話繁華城市,但繁華背後有唔少人好努力求生緊,又有邊個知道?」

佢爬咗出欄桿外面,眼望住下面嘅行人路。
就咁跳咗出去。

跳出去嘅時候講咗句:
「點解我條命要生成咁?點解人地條命同我咁大分別?」

嘭~~~」,路漸漸變成紅色,行人繼續各有各忙,過咗唔知幾耐先有救護車到現場......


#good2#0    #bad#0  
標籤:
依個就喺阿明嘅人生

打得有少少長,希望有人睇晒。:-(


我又講下浪子look 人生。

浪子look 年幼時,雖然自己覺得不愁衣食,但唔富有,由住木屋,到上二百呎4人住公屋,月尾老豆老母總要同親戚朋友借一千幾百度日。

年幼多病,醫院過夜嘅日子一定多過香港人去旅行日子,大約一年四五次,每次四五晚。

小學時冇比人恰,但中學有,唔知點解越大越醜樣,成日比人玩比人笑。

但當時唔知係無知,定係細個已經有機心,比人玩時自己都玩埋自己一份,結果係恰得我最勁嘅同學,做咗最好嘅朋友。

唔好誤會,呢個唔係窮小子發奮圖強出人頭地嘅故事。

中學無錯係讀band1 學校,但浪子look 永遠係keep 住最低成績升班,付碌咗幾年,去到公開試當然係炒咗#yup#

讀唔成u ,做咗份長暑期工,$4000一個月,做咗半年,覺得唔係辦法,讀咗個全世界都唔承認(讀完先知) 嘅dip,之後搵咗份6000嘅工。

唔好誤會,呢個都唔係點樣劇苦耐勞捱出頭嘅故事。

憑住呢6000人工,我每星期至少一晚落吧,唱k,而且當時我有拍緊拖,雖然唔係豪拍,但行街睇戲食飯都係我嘅,就係咁,連續三年遲到早退下,我人工加到9000。

但好景(如果咁算好景的話)不常,我老豆身體有事,我成為家庭唯一經濟之柱。

當時環境係老豆老母有個細佬,一家四口,細佬仲讀緊中學。

比埋家用,但生活不變,繼續吃喝玩樂。

最多只係冇買名牌,少洗多餘錢,但冇刻薄過自己,之後都有買車溝女食好西,只係人生到26先第一次坐飛機。

9 下9 下,轉咗工,十年後,結埋婚,買埋樓,生埋仔。

唔好誤會,呢個都唔係一個幸運冒險人生勝利故事。

呢十年冇大起大落,只係順勢而上,收入冇錯係一年比一年好,但只係正常升幅。

炒股同大家一樣係蝕多過賺。

到今日一樣要捱世界,而同幾年前更加有抑鬱,果陣每朝起身,眼係濕嘅,諗第一件事係點解仲未死。

但都過咗去。

我唔會天真到覺得明天會更好。我都唔識講咩正能量加油果啲打氣說話。

我想講,人生在世,有冇輸迴,是否虛擬,有冇天堂地獄都好,呢一個人生,就只有一次。

有甜酸苦辣。

甜嘅時間咪享受下。

遇上問題時咪當係打機打嘅任務,盡力解決,解唔到咪算9數。

不幸時就當係體驗。

9下9 下又一世,唔洗太執著。

完。


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 14/7/2024 21:57
今天貼文總數: 521 | 累積文章數目: 7,277,333

聯絡我們 | 服務條款 | 私隱政策 | 廣告查詢 | 職位空缺
Copyright © 2024 HKGolden.com. All Rights Reserved.