早兩日我老豆話想見屋企人，醫院比我地探病。
比得探病，即係果頭近。
跟住尋日醫院打黎，叫我地趕去見最後一面。
見佢昏迷狀態咁，我老母同佢講野，又問佢聽唔聽到。
但最後一面見咗半粒鐘之後，醫院又話佢未死得，叫我地返屋企。
附近9行咗兩粒鐘，再上返去探佢。
見到佢竟然清醒返，我第一時間問佢，頭先你聽唔聽到阿媽講野。
佢話聽唔到
見佢對手比人綁住咗，我解返開，佢拎開個氧氣罩欈同佢講嘢，但基本上佢發出單音都好勉強，我都聽得好辛苦。
Hi 你，比附近啲護士見到佢抆罩，就Hi9我地，話因為頭先我老豆抆罩，先綁住佢雙手。
綁住雙手，即係佢喺醫院想睇下電話都唔得。
佢話好辛苦，想快啲走，想返屋企，示意我知佢想快啲去。
跟住護士見佢又想抆罩，又大大聲Hi9 佢：阿伯，你係咪想死呀，你再抆真係死la。
我心諗都唔知佢做乜9，我老豆真係想死呀。
之後我認真咁同醫生講，問有冇方法，出院又去，轉去等死房又好，佢地乜9都話唔得。
我話咁你地唔醫都好啦，反正佢地都話唔會好返，會keep 住呢個狀態，跟住神志越來越不清咁去。
但講咗半粒鐘，最後意思原來係佢地唔可以由佢死，因為會負上法律責任
唔明點解佢又冇犯法，要慘過坐監咁綁住唔比佢郁咁等死。
佢日子都唔多，對手仲可以郁多幾多次？
我諗我同佢，甚至大部份人，都希望可以自在地過半日，或者半小時都好，好過痛苦地，唔比郁咁瞓喺床度再等唔知幾多日咁等死。
之前講過好多年前我想我老豆快啲死。
估唔到今日都一樣，不過出發點唔同擺了。
