主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 講故台內。

將已解封的舊帳戶升級高級會員

我們上年12月曾解封部分只輕微觸犯版規或懷疑被駭的帳戶,但有會員反映一些於2009年前登記的舊帳戶在解封後未有自動升級為高級會員,現在我們已將該批帳戶升級,謝謝。
精選文章
DeerGamer
New App Android IOS
跳至第

發起人
比條女發現咗我以前係偽娘!
285 個回應
:)lm

#hoho#lm#hoho2#lm#yup#lm


我真係無佢咁好氣,點咗支煙再飲埋啖梅酒。

瑩瑩雖係平時講嘢八婆啲同煩啲,不過佢好關心姐妹,同埋個人都ok嘅。

「嘩嘩嘩!你食煙個動作勁女人,怪唔得引到佢死死吓啦。」

「真架?」

「係呀,溝死仔。」

「我話啲動作。」

「係呀,嘻嘻……不過唔好食煙啦。」

「係嘅。」我整熄咗支煙再問佢:「咁把聲呢?似唔似女仔?」

「似似地……不過有怪怪地囉。」佢諗咗陣再講:「我明啦,你試吓用普通話講。」

我地用普通話傾咗一陣,發現問題所在。因為我當年係台灣基本上用國語,咁果時我都有同佢玩facebook,所以佢好清楚咁指出我點解反而依家女聲會怪怪地。

「其實已經好好架啦你,講普通話時咁似女仔聲……唔係,嗲聲嗲氣撒嬌直頭成個台妹咁。」我諗如果我同佢講話馬桂就係叫我小台台佢實笑地,佢繼續講:「慢慢練囉,不過只要語氣似台妹,小青青你就算講返hk話都嗲死人。」

「些些泥噢~~」#good#ks

「嘩!啲囝囝聽到你依句實耳仔都軟埋。」

之後我企起身比佢睇吓,因為啲梅酒酒味太勁,就順便去攞罐啤酒。我有個壞習慣,平時一係唔飲酒,但只要一接觸到酒精,就飲到醉為止。


之前偽娘圖呢?:o)


之前偽娘圖呢?:o)

??


我地傾吓女聲,又傾吓大家依幾年嘅生活。瑩瑩佢依家接受緊醫生評估,都差唔多到最後階段。其實我CD呢,一直都係玩玩吓,完全無諗過變性。但對於佢依份執著,我由一開始嘅反對,到慢慢理解,再變成支持。

係佢教識我,無論CD又好TS又好,每個人做每個決定都有唔同嘅原因,而後果……就係自己承擔。作為朋友嘅,一句支持就已經足夠,哪管係從未見面的網友。係佢教識我,朋友之間最重要嘅一點------尊重。

計返啲時間,我本來諗住九點就off,因為仲要係馬桂返嚟前執返好啲嘢。但同瑩瑩傾傾下又唔想停,打算飲多罐啤酒就off。點知講到澳門有個好靚好nice嘅姐妹又開多罐,食完支煙又開多罐。

「唔得啦,我真係要走。」已經差唔多十點。

「好啦,聽日見。」

「我應該過多兩日先再online。」

「OK,bye。」

呼~~~終於offline,但我仲要執返好啲嘢。不過執嘢都唔係最大問題,要還原返啲化妝品、under等等嘅位置先麻煩。但就係依個時候,家杰又message我。

「希望你唔會介意我嘅職業,可以做個朋友。」

「下次再傾。」

「你忙緊?」

「係呀,要返工。」

「多謝你。」

「做咩無端端多謝我?」

「因為平時啲人唔show我,係連message都唔會覆,最起碼你會呃吓我。」

「我講真架。」

我見仲係著住馬桂套制服,就開咗cam同佢say個hi,但係就無理佢,最緊要還原返啲化妝品位置先。之後雖然見到佢有message,但我真係無時間,同佢say個bye就關咗機。

不得不讚嘅係塊M巾,我feel到自己都其實射咗好多,但係之後全程都係咁清爽#good2#


第二日我朝早八點就醒咗,馬桂依兩日周假,當然無咁早起身,咁我就好小心咁出廳檢查有無嘢未執好。來來回回check咗幾次100%無破綻,之後就掠埋尋晚訓前掉入洗衣機嘅制服。我成朝都心思思想開facebook,但無奈部電腦係房間無辦法。

佢大約十二點訓醒,我地兩點鐘落街食嘢。係佢沖涼、換衫、化妝時我都好緊張咁留意佢有無咩發現,好在都平安無事。

食完嘢之後,我地打算去超市買定啲嘢今晚食,途中經過間內衣店時佢話入去睇吓,結果出嚟時佢係買咗四套bra、幾年馬甲仲有睡衣。

「你唔鐘意我亂咁洗錢?」

「唔係……」

「平時好少會咁平先買多啲,其實計返條數慳咗好多。」

因為疫情關係,好多舖頭都做特價,我見頭先有啲仲係三四折,我恨不得同佢買埋一份。

「之後會慳啲架啦……」佢有啲委屈咁講。

「唔怕……放心買啦。」

「係咪架?啱啱有啲睇中咗都無買。」

一邊行超市我一邊諗緊啲bra我啱唔啱size,我身形同佢差唔多,我諗最多扣鬆兩格點都啱掛,但係淺藍色有花花果套又應該點襯呢……

我滿心期待,其實我自己頭先都睇中咗幾套,但係買完嘢再經過果間舖頭時佢好似唔記得咗咁xx(


難挨嘅兩日終於過去,今個星期佢返夜更,我決定要好好咁利用嚟緊依五日。

車完佢返工後,就去買返包M巾,我記得係Kotex 360 防漏 S-M。為咗無咁尷尬,我又執啲啤酒零食,再買多包卡碧。

返到屋企第一時間攝返一塊入去,之後先打電腦打開facebook,家杰呢幾日都有message,不過都係問我做緊咩、好掛住我等等。

沖涼前擺咗一陣著嘅bra同under係床上,因為太多選擇反而唔識揀,最後都係揀咗黑色,諗住大路啲。雖然好想試前兩日新買果啲,但佢果日一返到嚟成袋嘢就隨手放咗係廳都未拆,唯有打消依個念頭。

戴咗幾次義乳已經開始熟手,反而係個假髮同下面比較難攪。我依然係用黑色齊陰嘅長頭髮,慢慢梳返順佢嘅時間細佬就冷靜落嚟。因為我張電腦檯本身無乜雜物,就將啲要用嘅化妝品同化品鏡放係mon前,以前我都唔明點解梳妝台有咁大塊鏡佢仲要另外買多塊鏡,但試過之後先發覺塊鏡周圍有燈化起妝上嚟真係好好多。

「今日咁夜嘅?做緊咩啊?」瑩瑩。

「化緊妝。」

「咁夜先化妝?又溝囝囝?」

「唔係呀。」

之後佢話想睇吓我化妝,咁ok啦都同佢咁熟。雖然佢已經開始食藥,但對化妝扮靚果啲就唔係好識,睇嚟佢只係想做個普普通通嘅女仔。


「又化到個妝咁濃。」

「好濃咩?」

「如果去蒲就唔算濃嘅,不過扮公關妹就太濃囉,邊有人化咁濃妝返工架。」

佢又好似講得有啲道理,等我著埋套制服又發覺佢真係講得無錯。

「不過同啲囝囝玩制服誘惑咪啱哂囉。」

「邊有……」:o)

我地繼續傾吓依樣傾吓果樣,可能之前太耐無聯絡,依排又開始熟返又覺得幾好傾。我地開始講起CD、TS不被理解,不被杜會認可,食藥、變態、抑鬱、濫交等等負面訊息都無情咁加諸係我地身上。

但係對於依啲不公平,瑩瑩佢都可以好有信心咁回答對方:我對自己依個好滿意,唔使為錢愁,無為情所困。

佢依種堅強來自於以前辛苦為事業打拼、來自於前女友前男友嘅愛護,不過佢都係覺得最緊要嘅係父母嘅寬容。我諗緊要受盡幾多世間人情冷暖嘅人先會好似佢咁珍惜依家嘅一切。

講到依度,可能大家都feel到氣氛好似有啲凝重就轉吓話題。

「係喎,上次同你講澳門都有個幾靚嘅妹妹,你add咗佢未?」

「未呀,你都知我唔敢add啲唔識嘅人。」

「聽講佢都幾串吓。」

「咁我唔add佢啦。」

「哈哈,咁又係,你剩係同你啲囝囝玩架啫。」

「你又嚟……」

「嘻嘻,好夜啦唔講啦,你都早啲休息咁夜訓對皮膚唔好。」

「嗯嗯。」

原來已經差唔多成兩點,正當我唔知做咩嘅時候,瑩瑩口中嘅妹妹係facebook add我。


#kill#


#kill#

原來仲有人睇#kill#


#kill#

原來仲有人睇#kill#

一直睇緊:Plm


#kill#

原來仲有人睇#kill#

一直睇緊:Plm

THANKS:-[lm


繼續出#kill#


繼續出#kill#

支持[bouncy]


繼續出#kill#

支持[bouncy]

#good#agy


好耐都無同新認識嘅姐妹交流,已經唔記得開頭要講啲乜,加上瑩瑩話佢都唔係咁好相處,所以我之前一直都唔敢add佢,只係點咗支煙開始慢慢睇佢facebook。

佢叫「綠茶」,大頭照係著住條粉紅色嘅連身短裙,個妝唔算好濃但化到好白,仲黐咗好長嘅假眼睫毛同戴咗大眼仔。係facebook發嘅第一張相係18年2月,係教人點將下面收入去,之後發嘅都係有關收下體、義乳假閪等資料。

大約一年前佢先開始貼相,佢第一張相係著住條唔係好襯佢同埋有啲啲老套嘅晚禮服,化妝技術都麻麻,但係咁反而睇清佢本來面目。佢對眼長長地,個鼻直得嚟又比較窄,嘴唇薄薄地,下巴少少尖同有少少兜,就咁睇落佢唔使點化妝已經好似女仔,咁我當然比個like佢啦#good2#

之後係佢啲相睇得出化妝慢慢有進步,打扮都愈嚟愈靚,如果唔知佢係CD嘅話,就咁睇佢啲日常照就同一個普通女仔無乜分別。佢最近一條係「已經被私有化」。咁我就八掛吓去睇吓佢info,感情狀況:穩定交往中。

由同瑩瑩傾嘅時候到依家,不停都有其他人(主要係男仔)同時傾緊,但多數係外國,有啲就台灣同香港,咁我都係人地問一句我就答一句咁,都悶悶地。之後我又揹住個YSL手袋仔練習吓點行,有時都會開吓cam比啲人睇吓,不過無做其他嘢,真係開一兩分鐘就關。咁我見都夜啦,就開罐啤酒諗住飲完就訓。

點知坐返埋電腦前就見到十幾個like,全部都係綠茶比嘅like,唔止係咁,之後係三十幾…四十幾……


「你好。」我膽粗粗咁同佢say hi先。

「hihi!」
「姐姐你好哦~~~」
「啱啱睇緊你啲相,你好靚。」

「多謝。」

「你好似CD咗好耐,咁我叫你青姐姐好唔好。」

「好。咁我叫你綠茶?」

「你可以叫我茶妹妹,啲人多數咁叫我,都可以叫我茶茶。」
「你好似咁靜嘅?」

「唔係哦,我都好多嘢講。」

「不如我地開cam,我打字好慢。」

「嗯。」

cam入面嘅佢無化妝,剩係著住件黑底紅字嘅Bulls 23,頭髮啱啱去到膊頭。

「你……你真係CD?」我忍唔住咁問。

「係呀,青姐姐你咁講即係覺得我好似女仔。」

「我以為係。」

估唔到瑩瑩所講好串啲佢,竟然咁好傾咁熱情,第一次係網上見面佢就差唔多講哂佢嘅背景比我聽。

佢鄉下係北京,父母係澳門回歸前以投資移民方法攞到澳門證,依家長期都係大陸或者外國做生意,仲有個妹係外國讀緊大學。

「嘩!咁你負擔未好大囉?」當佢聽到我話有要租樓又要比家用時講。

「都係架,加上依排成日放無薪假。」

「你夠唔夠錢使呀,可以同我講。」

「你係做放數?」

「我講真架。」

我真係無諗過第一次係網上識嘅人會關心我嘅財政狀況,不其然對佢產生好感。


文呢#yup#


文呢#yup#

訓咗[sosad]


不經不覺我同茶茶傾到差唔多四點,大家都攰。但係正當我想offline嘅時候收到家杰的message。

「你咁夜嘅?」

「嗯,我差唔多訓啦。」

「點解次次我一嚟你就走?」

「聽日再傾,bye。」

本來我係當佢係一個普通嘅netfriend,點知原本佢係痴漢,第二晚我車完馬桂返工後開facebook就見到佢嘅message。

「我愛你。」

「吓?」

「做緊咩?」

「啱啱放工。」

「點解成日都唔應我?」

「驚公司借啲易炒人,電話都唔敢玩。」

「你真係啱啱放工?」

「係呀。」

「開比我睇吓。」

「好,不過等等先。」

沖沖吓涼我先諗起都唔知自己點解咁在意、咁聽佢說話,不過是但啦,反正都係會cd。沖涼、義乳、假髮、化妝,到著埋制服揹住手袋仔坐係電腦檯前只係用咗四十分鐘,睇嚟我又進步咗。

「點解咁耐?」一開cam佢就咁講。

「我……因為男朋友啱啱先走。」

「咁……咁無嘢啦…」

依條友真係唔知想點,佢之後成晚都無再回我。不過咁仲好,唔使阻住同啲姐妹傾計。瑩瑩傾兩句就去訓,綠茶就繼續傾到三點幾,啊遊都有online不過只係寒暄幾句,間中都有同其他姐妹或男仔傾吓。


O:-)


O:-)

#bye#


O:-)

#bye#

呢個post 咁靜嘅[sosad]


O:-)

#bye#

呢個post 咁靜嘅[sosad]

應該得你睇[sosad]


O:-)

#bye#

呢個post 咁靜嘅[sosad]

應該得你睇[sosad]

OP都算出名吖 但寫故又會無人睇[sosad]


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 26/11/2020 4:08
今天貼文總數: 427 | 累積文章數目: 6,775,556

聯絡我們 | 服務條款 | 私隱政策 | 廣告查詢 | 職位空缺
Copyright © 2020 HKGolden.com. All Rights Reserved.