主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 講故台內。

即日起停收SMS會員

香港高登討論區曾接納用戶以SMS註冊成為會員,惟發現不少人濫用SMS會員登記,註冊帳號只作洗版宣傳之用#kill2# 。為防止問題惡化,本站決定即日起停收SMS會員,並改行ISP電郵加上SMS認證。

新註冊規則如下:
1. 部份獲認可的ISP或學校電郵仍可直接申請帳號#good#
2. 由於部份ISP容許用家任意更改電郵名稱,所以我們會同時要求這些電郵用戶提供手提電話號碼,作SMS認證#adore# ; ......
精選文章
DeerGamer
New App Android IOS
跳至第

發起人
比條女發現咗我以前係偽娘!
285 個回應
#love# 仲有幾耐結局

我諗三分一左右,希望依個星期完到


#love# 仲有幾耐結局

我諗三分一左右,希望依個星期完到

兩個月寫咗2/3
咁有信心今個星期完到O:-)


#love# 仲有幾耐結局

我諗三分一左右,希望依個星期完到

兩個月寫咗2/3
咁有信心今個星期完到O:-)

之前一停停咗成個月啫[sosad]
依兩星期放緊假,全力寫應該可以#kill#


佢地不停係鬧市中左穿右插,嚇到我格甩底都飆哂冷汗,好彩終於係過橋前果個紅綠燈停。

「你又唔使攬到咁實。」真係估唔到第一次突如其來嘅見面就攪到咁尷尬。

「我係咪責親你?」我feel到自己對G cup大奶壓到佢實一實都有啲唔好意思。

「唔怕,一陣過橋大風,你放鬆少少就得,不過唔好屹高個頭。坐後面係會驚啲,我坐人地車都驚。」

我仲諗緊點樣可以放鬆得嚟又唔好屹高頭時佢已經又開車,攪到我成個人chok起又一嘢撻翻落佢背脊上面。本來條橋已經大風,加上佢仲不停回頭同我講嘢攪到我仲驚,我聽唔清楚佢講咩,都係叫我放鬆啲咁上下。

當我開始慢慢習慣依個姿勢,雙手輕輕放係佢條腰到攬住、放鬆身體扒係度嘅時候,前面部車突然急停,眼見我地好似要隊埋去咁,好在佢反應夠決,緊急剎車最後都緊緊避過。不過咁突然嘅急剎攪到我下面一嘢頂咗上去,我feel到已經同佢下半身貼到實一實,本來我都想坐翻後啲,但係電單車上面好難發力,就放棄咗。

無幾耐我發覺,咁樣貼住佢坐都幾舒服,慢慢就成個人扒住係佢背脊度。不過呢,下面因為套咗入假閪入面向後屈住,加上又周不時chok吓chok吓,攪到我下面同個sit位不停磨擦,攪到成個人都唔知點咁。

過咗氹仔之後,開始無咁多車,又無咁多街口同紅綠燈,好快就去到路環。之後兩邊都係得山同樹,撲面而來嘅唔再係廢氣。當我開始識enjoy夏日清爽涼風嘅時候就到達我地今日嘅目的地------黑沙水庫。

當我落車時發現無論心口定下面都成個人鬆哂,之後先諗起頭先一直用對波壓住對方,攪到大家都有啲唔好意思。


「呀Van,唔該哂你。」

「你叫我Van仔得嗱,佢地都係咁叫我。」

Van仔高我差唔多成個頭,黑黑實實咁,頭先坐係佢後面時仲唔覺意渣到佢條腰,腹肌都幾結實。雖然佢外表陽光得嚟又幾man,但講嘢時都幾斯文,仲有啲怕醜。

「你戴個咁嘅頭盔仲點解口罩呀。」我見佢除頭盔時成個口罩跌咗落地,執返起果時都摷哂就比咗個新嘅佢:「嘻嘻!成個傻佬咁!」

「唔該哂你呀……」佢一手渣住個頭盔一手渣住個跌過落地嘅口罩。

「比我啦。」我見佢手足無措咁就幫佢攞住。

「你真係細心…」Van仔講:「我可唔可以叫你小青。」

「是但啦,傻佬。」

要同男仔咁貼身交流,本來我都驚驚地,估唔到尷尬嘅氣氛就係咁樣一來一往打破咗,之後佢仲同我介紹另外兩個男仔。同茶茶一齊嘅係佢自稱被私有化嘅對象叫Tomas,佢地一般都叫佢呀Tom,都幾高大,拍埋茶茶度仲高佢半個頭;至於車兔兔嘅叫Nick,佢就唔算太高,就咁睇同我差唔多,不過令人有種公子哥兒風度嘅印象,兔兔都係第一次見佢,但感覺佢兩個好似好熟絡咁。

「仲諗住介紹你地識,睇嚟唔使啦。」兔兔撓住茶茶隻手行過嚟。

「你好似都係早青姐姐十幾分鐘識人地渣喎,咁快一齊咗嗱?」茶茶另一隻手撓住我。

我地三個行上去先,係斜路中間我不自覺咁回頭,Van仔啱啱放好頭盔又咁啱望住我。大家四目相投,本來唔知點算好,我地咁啱又輕輕向對方點頭一笑。

上完條唔係好長嘅斜路之後,大約有六七個燒烤爐。雖然依個時間未有人燒嘢食,但已經有兩三個爐邊有人準備緊。

我地坐咗係最近嘅石櫈度,佢兩個講緊不如搵日嚟燒嘢食。但我心入面仲諗緊頭先嘅係咩感覺。由啱啱相識保持距離嘅尷尬,再到頭先忍唔住咁偷望對方嘅含情脈脈……

死嗱!依啲唔通係觸電嘅感覺?

我不停回想當年第一次見馬桂桂嘅moment,都好似唔係咁嘅。

唔通依啲就係女仔對男仔有feel表現[shocking][shocking]


:P


:P

:)3fj


「你架Van仔嚟嗱!」聽到兔兔咁講我即時擰轉頭,佢地三個果然行緊上嚟。佢再講:「使唔使咁緊張呀你。」

「我……人地先無你咁緊張呀,著到咁姣。」我見佢一身火紅打扮忍唔住駁佢。

胖兔兔雖然有聽我講無再著透到見到bra同under嘅火紅色緊身連身短裙,但係佢依家著得仲離譜。雖然佢係著住運動背心同legging,但誘人程度絕對唔低過佢send比我幅相。只見佢依然係一身火紅打扮,慌死人唔知佢發姣咁,但本身就波大腰幼嘅佢,上半身比件運動小背心夾到對波好似就嚟跌出嚟咁,雖然有小小肚腩仔,不過係貼身legging包裹嘅肥美pat pat襯托下,反而比人有種凹凸有致、絕不肥膩嘅美感。

「喂,你條頸呀!」比茶茶咁樣一講,我先留意到兔兔鎖骨至頸位有少少破綻。

「死嗱,佢地嚟緊!」兔兔一邊講一邊自己跑咗去先,佢再係個袋入面攞咗件外套出嚟。

比佢咁樣攪一攪我都有啲驚,就問茶茶我有無問題。

「放心喎,你果個係幼帶Deep V,一啲都睇唔出,不過……」

「不過咩?係未一眼就睇穿?」

「不過咁大個G Cup竹筍型仲要幼帶行起路上嚟會好重好辛苦囉。」:D

「嗯!你笑人!」:-[

「兩位靚女,講咩講到咁開心呀?」Tomas一行到上嚟就好自然咁攬住茶茶。Model身材嘅茶茶本來都差唔多米八,但係佢身邊就好似小鳥依人咁。Tomas佢唔算係靚仔,但輪廓深邃,尤其係佢耷低頭時,眉骨同隻眼好似痴埋咁好有殺氣。

「無,講緊個傻婆唔知做乜一個人自己跑咗去之嘛。」茶茶笑住咁講。

「嘩!咁仲得了嘅,荒山野嶺一個咁可愛嘅女仔亂咁跑。」Tomas講得好攪笑:「Nick,仲唔去陪住兔仔。」



參考圖片
https://upload.hkgolden.media/comment/rxic0bhz.q2yxmvbto3y.351f0d0shxj.ycj.jpg


Nick一支箭咁跑咗上去,Tomas攬住茶茶行,咁我地兩個就好自然落後到變成最後一pair。

我地就咁悶悶地咁行咗差唔多十分鐘,我一直唔咁開口,一來唔知講咩話題好,二來就係怕佢聽得出我把聲。我地又係咁繼續行,不過之後都係佢講嘢先:「丫……今日天氣都幾好。」

「嗯嗯。」

我地又行咗五分鐘,佢又講:「丫…依度都幾多樹。」

「嘻,你唔使專登搵嘢講架喎。」

「我怕悶親你。」

「唔怕嘅。」我見佢對我都好似無任何懷疑,就繼續講:「有時靜靜地咁行吓都幾好。」

「哦……明白。」

其實間唔中咁行吓山都幾健康。依家差唔多五點半,但仲係好好天,成個天好青又唔怕好似出發時咁悶熱,行到樹蔭底下有時都有一兩陣涼風吹過,都幾舒服。

茶茶係我地前面大概五十米,至於兔兔就好興奮邊行邊跑,開頭我地啱啱轉完彎都仲見到佢,但依兩三個彎位已經見佢唔到。

「不如我地行快少少囉。」我講。

「好。」

雖然我地加快咗腳步,但係同前面都仲係保持一定距離。

我見Tomas同茶茶啲動作咁親熱,忽然間諗起佢facebook果句「已經被私有化」。唔通佢地嘅關係已經……咁Tomas咪知邊我地都係偽娘?

咁唔通Van仔佢地都知?如果佢一早知嘅話,咁我依家仲係佢面前扮女人未好變態?唔係喎,佢明知我係偽娘都同出嚟唧係佢本身都鐘意啦!咁可能佢係為咗陪Tomas,會唔會其實已經頂我唔順所以先唔講嘢?

我愈諗愈亂,最後都係忍唔住內心嘅疑問,試探性咁問佢:「你做咩唔出聲嘅?」

「我見你話想靜靜地咁行吓。」

「哦……」


好向左走向右走gayxx(


好向左走向右走gayxx(

比你個icon嚇一嚇


好向左走向右走gayxx(

比你個icon嚇一嚇

btw跟你學嘢


聽到佢咁講我個心都定啲,睇嚟係我諗多咗,但個腦都係停唔到繼續諗。會唔會係Tomas知但係又無話比佢啲friend知呢,又或者佢地根本乜都唔知,但既然茶茶都比Tomas私有化,佢又點會唔知……媽!好亂呀!

「其實呢……」好在係我腦海亂成一片嘅時候,Van仔佢終於開口:「我地三個中學係讀男校,所以我唔係好習慣同女仔講嘢。」

「傻豬嚟嘅,有乜好驚?我又唔係猩猩王!」

「又唔係驚,唔係好習慣啫。」

「咁大學呢?都識唔到女仔?」

「我係讀埋啲毒向左走向右走……唔係,係啲無女仔讀嘅。」

當我想繼續問嘅時候,聽到前面個涼亭有個火紅色嘅人對我地揮手,唔使講都知係胖兔兔啦。

我地行到埋去,都未坐定就比兔兔拉埋咗一邊。佢好細聲咁講:「呀Nick想追我。」

「我真係恭喜你呀Nick嫂!」茶茶講。

「殊……」兔兔啫住個嘴再細細聲咁講:「唔好咁大聲呀…」

「咁唧係點啫?」茶茶笑住咁問。

「我地一陣先講。」兔兔繼續懶係秘密咁。

我見佢地都係講緊呀Nick啲嘢,就挨係木欄上望吓風景。我咁大個人都係第一次嚟依度,原來澳門真係有水庫嘅,仲有啲水上活動,頭先好似仲有經過滑草場,睇嚟都幾適合一家大細嚟玩。

休息咗都唔夠十分鐘,兔兔就一左一右咁拉咗我同茶茶走,仲急急腳咁行。

「其實呀Tom知唔知我地係偽娘?」估唔到隻肥兔問咗我想問嘅嘢先。

「唔知架。」茶茶答。

「咁你呢……」兔兔回頭望一望,先再好細聲好細聲咁繼續問:「呀Tom都唔知你……」

「都唔知。」


吓!真係估佢唔到,聽到依個答案我地兩個都:O

「咁又話被私有化嘅?我仲以為你地……」我都忍唔住問。

「私有化之嘛……你地唔好亂諗。」睇得出茶茶都開始有啲緊張。

「實有啲嘢嘅!快啲講!」兔兔唧咗佢條腰一吓,再同我講:「呀青,我地唧到佢肯講為止!」

「嘻嘻!我投降嗱!」茶茶比我地夾攻之下由佢地相識開始娓娓道來。

茶茶佢係識我地之前一直無CD朋友,就算化到個妝幾靚,都只係一個人出吓街行個圈就翻屋企。而網上識嘅男仔,無論知唔知佢係偽娘都好,一律唔係講咸濕嘢就係玩cam sex,仲有啲係想約炮。當佢第一次買到佢覺得滿意嘅咗義乳時,因為真係太悶,就化咗個淡妝再著起波衫波鞋去打波。聽佢講算係一個挑戰,如果女裝去打籃球都無比人發現就算係百分百成功。依個測試方法真係幾奇特,但証明咗佢女裝時真係100% pass,而Tomas就係佢扮女仔去打波時識嘅。

「咁你地時……?」兔兔咁嘅樣問#hehe#

「乜你地咁諗架……」

「你地實有嘅。」#hehe#

「係囉,唔係咩叫被私有化啫。」我都忍唔住插一句嘴。

「好啦好啦,我講嗱。」茶茶回頭望吓,再拉住我地急急腳一邊行一邊講:「其實我剩係幫佢含過。」

「嘩!有無口爆?」兔兔。

「喂你唔好咁大聲!」茶茶。

「你先細聲啲呀,佢地聽到架。」兔兔。

一路上兔兔不停咁向茶茶迫宮,但茶茶都係無講到。到最後佢都只係話諗翻轉頭,都唔知係邊到嚟嘅勇氣,夠膽戴住義乳扮女仔去打波。


無幾耐我地就行到水庫上好多人打卡嘅吊橋,佢地三個男仔都差唔多追到上嚟。Tomas好自然咁又攬住茶茶行先,Nick同兔兔互相帶住曖昧嘅眼神對望之後一齊行,咁我同Van仔又係行最尾。

都唔知前面兩pair人攪乜,行行吓條吊橋突然係咁搖,我一時失重心差啲跌低。好在Van仔一手拖住我,再講:「唔使驚,有我係到。」

佢啱啱個動作好快,我都未反應過嚟就比佢好大力咁一手捉住。我個心仲係「噗噗!噗噗!」咁跳。好在條吊橋唔係太長,好快就行到去對面。

啱啱行完時,係吊橋出入口就比佢地兩pair人左右兩邊夾住,兔兔遞咗部電話比Tomas講:「嚟張selfie先啦。」

當佢地影完時我睇翻先知自己係咁嘅樣:O

「影到咁核突,del咗佢啦。」我講。

「咁我地影重新影過。」兔兔講。

「我先唔彩你。」我講完就拉走埋Van仔。

我地係一二邊等佢地繼續自拍,下面水庫有一家四口一齊踩緊部水上單車,不其然待入咗佢地咁幻想。如果好似佢地咁嘅話幾好呢……唔得,痴線嘅咩!

同一時間我先feel到仲係拖住佢,又唔係幾好意思突然鬆開手。

「你係咪唔舒服?」可能佢見我係咁搖頭。

「無事……走嗱,佢地影完嗱…」

我地依然係拖住手咁落去,兔兔同茶茶係下邊咁嘅樣望住我地#hehe##hehe#

「你一直渣住人地隻手,點戴頭盔喎。」

「哈~~~係喎。」

「你記得除咗口罩先戴。」

「係嘅。」Van仔除咗口罩,見佢好似黑人牙膏個笑容又好想笑佢。佢戴好口罩再講:「你上車先。」

佢扶住部車,等我上咗佢先再上。

「去邊呀伙記!」Tomas係車上面講。

「兔兔話想去安德魯!」Nick講。

Tomas無講嘢,之後比咗吓大油成架車轟咗一聲,再比咗個#good2#


「點解呀Tom講嘢成日都好似怪怪地咁嘅?」我問。

「哦,佢土生仔嚟家嘛。」Van仔。

「土生仔唔係都好細粒嘅咩?」

「C朗都米八幾啦。」又好似係喎[sosad]

之後我都無再講嘢,只係繼續扒係佢背脊上享受日落、餘風。

落車後,兔兔想去cafe話坐得舒服啲,同埋有啲cake係外賣店無嘅,但係無位,咁我地唯有去外賣果間度買。

「兄弟,出去坐住先,依度我攪掂。」知道佢係土生仔之後,我有時懷疑Tomas知唔知自己講乜嘢[sosad]lm

我地各自講完想食咩之後,就行去出去。胖兔兔行行吓又話啱啱見到有啲蛋榚好似幾好食又走翻轉頭,本來都想跟佢一齊翻轉頭,但間舖都幾多人,我又唔夠膽,唯有跟住Nick同Van仔後面。

十月初五馬路岸邊長堤上雖然唔係好多人,但我地經過幾張長木櫈都有人坐緊唯有繼續行。因為有啲小朋友跑來跑去,加上啲石仔路,我都要行得好小心。

我地差唔多行到聖方濟各聖堂先有張櫈無人,佢兩個停咗係度,我同佢地講想去前面睇行吓。

我行前少少,去到聖當前個街口先停。Van仔都追咗上嚟講:「使唔使行過去睇吓?」

「唔使啦。」

「丫……不如坐係度等佢地囉。」

「嗯。」我坐低再講:「你唔理Nick?唔使陪我架喎。」

「唔使理佢,佢掛到兔兔。」我地望翻轉頭,呀Nick真係行緊翻去。佢再講:「使唔使咁痴纏。」

「嘻嘻……係囉。」

我地就係咁坐係度望住橫琴,其實兩邊真係好近,仲可以望到對面啲車行緊。太陽慢慢落下,今日嘅日落好遲,不過黃黃地嘅太陽又圓又大,終於知咩叫雞蛋黃,真係好靚。

「依度有得比人宿營,你知唔知?」佢擰轉頭,講緊嘅係聖方濟各聖堂入面。


「你又知嘅?」

「以前讀書時呀sir帶過我地嚟,仲係天台燒嘢食,成班男仔咁樣都幾好玩,夜晚仲成班坐係觀音廟前面講鬼故。」Van仔佢講得好開心。

「觀音廟?係邊?」

「就前面轉入去之嘛。」

「哦……」我之後擰翻轉頭,佢咁啱又望緊我果邊。

大家近距離四目相頭但一時間又無言以對,佢身上男性嘅汗味加上我噴過香水、飆過冷汗嘅氣味,令四周混和成一種曖昧嘅氣氛包圍住我地。佢個頭漸漸貼近,同時我feel到佢手臂慢慢向我背脊貼近。依一刻我個心好亂,最後佢攬住我膞頭拉埋去就鍚咗過嚟,之後大家先記起戴住口罩。

依一刻我個心好亂……死啦,戴住口罩咁算唔算係鍚咗……估唔到我會同男仔kiss,而且同男仔嘅初吻會嚟得咁突然。

不過係我仲未有結論時,佢右手拉低我地兩個口罩,本來輕輕攬住我膞頭嘅左手慢慢張我拉向佢面前。依個時候我先望真佢個樣,佢堂眉好同個鼻都好直,好似個T字咁。唔知係咪夕陽照射嘅關係,佢may起對眼,雙眼仲反映金黃色嘅餘光。

慢慢,我地之間貼近到連對方面貌到睇唔清,只係見到有一對閃住光芒嘅眼珠望實我。我唔敢再望佢,依個moment我成個人都好亂,好想推開佢,但又好似一陣電流突然閃過全身,攪到四肢酥軟無力,唯有認命似地合上雙眼。

當我嘴唇上感覺到對方從鼻孔噴出嘅和緩空氣時,兩對嘴唇輕輕貼上。此時此刻,除咗嘴唇上產生嘅磨擦之外,已經成個人無哂感覺。時間好似停頓咗咁,直到心臟發出「噗噗噗噗!」嘅強烈跳動我先識推開佢。

「唔好……」我都唔肯定自然有無講到出口,因為我暫時仲只係聽到「噗噗噗噗!」我聲音。

「小青,小青……青青!」我終於聽到佢講嘢。

「無……無嘢…」我撳住個嘴講。


「係呢,你有無嚟過依度?」唔知係咪我表面太失禮,佢轉咗話題,但仲係攬住我好似死都唔想放手咁。

「有…」我答完就即時諗翻起,上次就係同馬桂桂嚟依度。

突然間我打咗個冷震,雖然今日咁熱,依家又西斜照射住成個人,但唔之點解有一股寒意由個心到震出嚟。

可能我身體嘅震盪刺激到對方,佢愈攬愈實,我比佢攬到成個身挨咗落佢度。佢講:「可唔可以做我女朋友?」

聽到依句說話,我成個人都定哂格……正當我六神無主、不知如何是好嘅時間忽然聽到兔兔把聲。

「喂!你地做乜坐到咁遠啊?」見到兔兔渣住個蛋榚一邊食一邊彈吓彈吓跳過嚟,我地兩個都笑咗出聲。

「哦!哦!哦!」兔兔已經彈到我地面前,再講:「使唔使攬到咁實呀?嘻嘻!肉緊到你地!」

「無……」我即時坐翻直,同Van仔保持翻適當距離。

「咁做乜兩個都除哂口罩嘅?」兔兔得勢不饒人咁繼續講:「嗯……Van仔你做乜個嘴有撻紅咗嘅?青青塊面又咁紅嘅。」

「人地搽多咗胭脂之嘛……今日熱丫嘛……」我講完先feel到自己比佢攪到胡言亂語。

兔兔一定係因為我開頭笑佢發姣所以出盡力報復,真係比佢攪到我地好尷尬。之後佢地都嚟到開始一齊食嘢先無再講,而我就坐埋咗另一邊。

「嘩,依到咁靚,我地影多張相囉。」兔兔講。

「小青。」Van仔行過嚟攬住我。佢地幾個咁嘅衰樣望住我地#hehe##hehe##hehe##hehe#

咁多人望住,我又唔好意思推開佢。就係咁,我地六個坐係石堤上,影咗兩張。之後係佢地四個起哄之下,我地比佢地推埋一齊,襯夕陽落下前影咗張兩個人嘅合照,就完結咗咁突如其來、驚心動魂嘅一日。


出得好快[sosad]


出得好快[sosad]

趕住去#kill#
其實都係hea住寫,之前寫到興起就算要返工一日最高峰可以出五六篇[slick]


翻到屋企,我成晚都囉囉攣,但係又要個樣睇落無事發生。到係床上訓覺時攬住馬桂訓嘅時候,日落、長櫈、聖方濟各聖堂前嘅一對背影等等……不斷係腦海中浮現。

第二日中午馬桂翻咗工之後,一開facebook先知完來兔兔尋日一影完啲相無幾耐就貼哂出嚟,最大鑊係同Van仔果張得我地兩個嘅合照個topic「祝福依對小情侶」:o)

唔使一日,張相就有成二百幾個like,仲有好多回覆。我慢慢拉落去基本上都係啲姐妹嘅祝福,有一大部份係Van仔嘅朋友。

我望住Van仔嘅reply「夕陽無限好,希望依一剎那可以永恆。」,之後又望翻張相,不期然有種甜絲絲嘅感覺。當時係佢地嘅起哄之下,我地拖住手咁影,就咁睇落去,兔兔起嘅topic又無錯,我地兩個面上都帶住嘅含羞,但又有少少興奮嘅表情,真係好似一對啱啱開始墜入愛河嘅小情侶。

我唔知自己望住張相同句reply發咗呆幾耐,先睇兔兔嘅message。

「今晚唱K呀。」兔兔。

「吓?又約咗佢地?」:O

「唔係,今晚係約咗Nick哥同Paul仔。」

「唔去啦。」我諗咗陣先諗記佢住果度嘅保安同尋日果個都係叫呀Nick。

「去啦,一齊玩開心啲,又唔係未見過。」

「咁你地兩pair人去咪幾好,多我一個去做電燈膽咩!」

「哦……原來係想叫埋Van仔吓嘛。」

「痴線。」

「你add咗人未呀?佢話add咗你但你無應人喎。」

「而家add囉。」

「係囉,乖乖地未好。咁今晚你去架可?」

「唔去啦……你都知我十一點要返到屋企架啦。」

「又係喎。」
「但人地前兩日專登提早開個泳池比我地玩。」
「一係咁,我約佢地早啲。」

「睇吓點啦。」


隻肥嘢之後無再send message嚟,我諗佢係約緊人。咁我就係facebook回吓人地啲留言,同啲囝囝吹吓水咁啦。無幾耐就收到Van仔嘅message,好在佢無提起尋日嘅嘢,我地都係傾吓鐘意睇咩戲、聽咩歌、平時做啲咩咁閒話家常。之後就見到瑩瑩。

「恭喜喎!嘻嘻!」瑩瑩。

「唔係咁架。」

「都幾靚仔丫。」

我都唔想應佢,剩係比咗粒膠:o)

「佢好似好細個。」

「都細我兩三年。」

「識食喎你。」
「咁你同你女朋友點?」

「我同個男仔真係無嘢。」

「係啦係啦。」
「咁尋日你地玩得開唔開心先?」

「ok啦。」

「第時我嚟搵你記得介紹比我識呀。」

:o)

過咗一陣,兔兔就話約好咗七點。

「咁啱啦,唱兩個鐘,你返到去仲大把時間。」佢講。

本來我係心仲係十五十六,仲諗緊點推佢。但係佢同茶茶嘅威迫利誘之下,最終都應承咗佢地。因為都已經差唔多五點鐘,我就睇吓有咩衫啱著。以前我都唔知啲女人出街點解要攪咁耐,依家終於明白,因為襯衫真係好煩,又要睇場合又要睇約咗啲咩人。最大獲係當我揀到一件襯嘅時候,但依家係G cup嘅我已經著到件衫走哂樣,都話大波著衫唔靚架啦。

當我想放棄都係唔去時,茶茶就話:「唔怕啦,嚟我度揀。」

「你都好想去?」

「咁人地話哂都叫幫過我地,咪當陪吓兔兔囉。」

茶茶又講得好似幾有道理,咁我就即刻去佢屋企。最後,係茶茶嘅建議之下,我著咗上身白底黑點嘅小洋裝 + 去到大脾嘅黑色A字裙。茶茶嘅眼光真係唔錯,我都覺得幾滿意。



參考圖片
https://upload.hkgolden.media/comment/bgpihrnk.qp3nm1lxo0e.3yawpqkrbio.t4f.jpg


我地約咗兔兔六點半一齊搭的士,佢終於如願以償,可以著上佢尋日已經好想著去行山嘅火紅戰衣。

我地都係去到Neway門口時,係充滿燈光嘅環境下先見到佢條裙真係好透,好在入到房無咁光猛先唔係太覺,但佢條裙一坐低就走光,真係無眼睇[noic]cl

Nick哥同Paul仔比我地早到,我地一入去時Nick哥已經睇到眼金金流哂口水。唔係話我吹水,我真係好似見到佢滴咗滴口水落嚟。

我地一坐低,Nick哥就問我地想飲乜、食唔食嘢,我見佢地已經飲緊黑牌,就話無所謂。兔兔就將個menu左翻右翻,最後我都唔知佢點咗啲咩。

作為今晚嘅男女主角,Nick哥同同兔兔好自然坐中間,Paul仔就一直好怕醜咁坐埋一邊點歌。因為間房唔係好大,我同茶茶就坐係門口附近,都傾吓點打扮點化妝咁。有時間中見到佢兩個玩骰盅玩到愈黐愈埋真係睇到眼冤,反而Paul仔唱歌就似模似樣,雖然唔係學原唱把聲,但由佢唱出嚟又有另一翻感覺。

之後有首合唱歌,茶茶唱咗兩句就掉咗支咪比我,咁我就接住唱。開頭我都驚用女聲唱歌會好奇怪,就扮哂冷靜咁昅吓佢地,見佢地都無乜異常反應我先唱得放心啲。

當我啱啱放低支咪,Paul仔就走過嚟同我講:「青青你都唱得幾好聽喎,都無乜歌嗱,你仲想唱咩歌?」

佢邊講邊比部電話我,我都係今日先知,原來依家已經進步到可以用app點歌。咁見下一首就係夢醒時分,就同佢講:「唔使啦,依首我識唱。」

「咁舊嘅歌你都識唱?」Paul仔有啲愕然。

「我都係聽過吓,唔係好識唱。」我答。



參考圖片
https://upload.hkgolden.media/comment/4amqjgdo.uaefw5ywwkt.ssxlamy3rws.jsf.jpg


你說你愛了不該愛的人 你的心中滿是傷痕
你說你犯了不該犯的錯 心中滿是悔恨

你說你嚐盡了生活的苦 找不到可以相信的人
你說你感到萬分沮喪 甚至開始懷疑人生


一開始時我都驚自己唔係好記得點唱,但當音樂一響起,就好自然咁唱咗出嚟,不過之後啲歌詞我唔係好記得,只係照住咁讀。好在佢地嘅表情都無乜異樣,尤係係見到果對痴男怨女都好專心咁聽我唱歌時,我就放心好多。


有些事情你現在不必問 有些人你永遠不必等


我唱完時,全塲靜哂。當我以為佢地係陶醉於我嘅美妙歌聲時,一轉頭就見到行山三人組就企係門口。

本來我諗住兩個鐘好快過,快啲返屋企就算,點知佢地嚟得咁突然。由於佢地嘅加入,氣氛頓時變得非常尷尬,尤其係兩個呀Nick一左一右夾住兔兔係中間嘅時候……攪到我地都無眼睇[noic]cl

由於間房本身都唔係好大,依家多咗三個人就變到好逼。開頭兩個呀Nick夾住兔兔係到玩,我地四個就自己玩,Paul仔繼續點歌同唱歌。但唔知點解玩玩吓兔兔走咗過嚟,變咗佢地五個男仔自己玩。

咁我都唔理佢地啦,我地三個傾吓計,唱吓歌咁。本身佢地讚緊我個妝化得愈來愈好,叫我教吓佢地,但我講咗幾句都唔夠,佢地班男仔玩得愈嚟愈大聲,仲有少少火藥味。

「兔兔你使唔使坐翻過去?」我問。

「唔好,佢坐過去咪盞佢地爭風呷醋。」茶茶反而拉咗我過去。

果然,我同茶茶坐咗埋去之後,Tomas同Van仔就無加入佢地,而兩個呀Nick都各自飲悶酒。


#bye#


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 3/12/2020 0:20
今天貼文總數: 919 | 累積文章數目: 6,778,371

聯絡我們 | 服務條款 | 私隱政策 | 廣告查詢 | 職位空缺
Copyright © 2020 HKGolden.com. All Rights Reserved.