主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 講故台內。

將已解封的舊帳戶升級高級會員

我們上年12月曾解封部分只輕微觸犯版規或懷疑被駭的帳戶,但有會員反映一些於2009年前登記的舊帳戶在解封後未有自動升級為高級會員,現在我們已將該批帳戶升級,謝謝。
精選文章
DeerGamer

跳至第

發起人
[痴線故]人生要就係要all in
14 個回應
告別處男

醫生話我可能有cancer.

我平靜咁接過醫生嘅轉介信,聽著醫生講緊囑咐,嘴角微微上揚。

賭對了。

我忍著欣喜若狂的心情,顫抖的雙手接過醫生信,心裡面不斷話,發達啦發達啦。

「未有結果著,仔細檢查左先啦。咁後生,未必會有事」醫生見我雙手係咁震,微微嘆氣。

我已經唔記得左自己點出診所。

出診所嘅第一件事,我思考左好多野,其中一件事,就係打電話比女朋友講分手。

「喂。」

我儘量裝著平淡。

「哎呀!你做咩打比我。」

聽到電話裡頭的佢很雀躍,我突然有點內疚,佢始終同我拍左咁多年拖,我好似從來冇好好付出過咁。

不過情況好快就會改變,我諗著呢個決定嘅所有後果,慢慢堅定左決心。

「我地分手啦。」

唔比佢有任何嘅反應,我斷左線。

坐係公園,我慢慢點左枝藍金,望著煙同火好似人嘅生命咁消逝,慢慢嘆左口氣。

我要死了。

係時候要同所有人,做一個割捨。

我低聲道。


#good2#8    #bad#0  
標籤:
男主會唔會想臨死前
隊冧特首[sosad]
我依家出緊新故


男主會唔會想臨死前
隊冧特首[sosad]
我依家出緊新故

仲未成型,唔知呢,成日比筆下人物改變劇情。


寫咁少就咪出文啦xx(


寫咁少就咪出文啦xx(

唔好咁喇[sosad]


故事會唔會.......有啲......老土


故事會唔會.......有啲......老土


O:-) 我d故係幾老套嘅


btw....咁多正評[sosad]


世界的本質,係弱肉強食。

可能聖經中記載嘅故事係真實發現過,巴別塔將人分成左不同的種族,語言,同國家,所以人再也不是平等。

所以如佛所說眾生平等,

為何有人生來高人一等?
為何有人生來便係雲端俯視眾生?

出生決定命運。

人生如抽蛋,抽到銅蛋要認命。

我出生平凡,成就平庸;
上光鮮的工作,賺低下的收入。

從前大學生係金字塔上,而家成為了被社會欺壓的一層;從前專業人士受人尊敬,如今生如奴隸,日夜叫苦幹為養家。

我係一個中環番工的西裝友。

一個幾乎沒有紅日,夜晚的西裝友,信奉著公司是我家的原則,日夜顛倒。

一年前的我,由重慶回港的第一個晚上同朋友聚會的時候,我突然發現自己開始吐血。

淡淡的血紅色,沉默了整桌。

「RS....你不如去睇醫生先?」朋友阿德一臉擔憂地道。

其實當下我並冇擔心有任何大病,望著滿桌的紅色點點,內心只係有種愕然。

「唔好著。」保險佬阿誠阻止左。

「嗯?」
所有人都疑惑咁望著佢。

「買左份保險先。」
阿誠淡淡地望著我,一臉認真。

「Hi 你!」「食屎啦!」「唔好咁搵食。」

眾人落力Hi佢,我望著阿誠雙眼,唔知點解覺得佢唔會害我。


818嘅大家,如果支持班後生嘅,記得要出黎O:-)


阿誠做邦記經理,算市面上數一數二嘅大牌黎。果晚聚會,我同佢的相見,係中學畢業以來的第一次。

俗語有話,無事不登三寶殿,多年不見的朋友,相見已是保險佬,地產佬,倫敦金經紀。

雖然果晚之後,佢都有keep著搵我,但始終份工太忙,有時放假都想好好訓一日,始終沒有理會。

我隔左近一個月先再見到佢。

「循例同你講解例菜野。簡單黎講,保險分左四大類.......」西裝骨骨的佢口材出眾,但我並唔係想聽佢賣保險。

我揮手示意佢停低。

「不如簡單講, 你覺得我要買咩?」
雖然一個月前我覺得阿誠會提供到有用嘅資訊比我,但我始終覺得需要自己的判斷。

一直以來,我對保誠佬都係有一定嘅戒心,總覺得佢地講嘅說話八成都係水份,一成係大話。

「嘔血係幾嚴重的病症,不過好彩嘅係你未睇醫生.......意思係你嘅情況未被香港的醫療系統所記錄。」阿誠淡淡地道。

我心裡面一沉,默默打開手機搜尋嘔血病症問下Google大神。

Google大神話我有食道癌。

「你買份醫保,可以睇醫生唔洗錢。你再買份危疾,有病可以賠錢比你。」阿誠繼續道。

「咁係呃保險.....?」我有少少猶豫。

「記著我地而家的對話,並未有紙筆錄音任何紀錄,係法律上亦無任何約束力。」阿誠低聲道。

我不禁沉默。

「其實呢件事對你係無害處,如果你出事你除左得到左醫療保障,仲會有一大筆錢比你揮霍,唔好咩?」阿誠見我猶豫,不禁加重力說服我。

「我需要時間。」我沒有馬上答應。


得果少少出黎做咩?有獎?


O:-)


由細到大,父親教我要腳踏實地。

佢16歲落黎香港,第二日就被外公叫去左童工,係工廠做搬運。辛苦賺黎嘅錢比外婆養家,外公就自己係出面養二奶。

佢冇怨過。

佢同阿媽死蓄爛蓄,買左人生第一層樓,可惜遇到沙士變成負資產,一夜回歸解放前。

佢地冇怨過。

我番到屋企,父親佢收工食緊晚飯。

有時候我好疑惑,到底人生存的意義係咩?父親佢付出左一世,講成就可能係佢連續三十年冇請過假的勤工紀錄,好平淡。

我盛左碗飯,默默坐係佢隔離。

父親夾左舊魚比我。

望著佢開始泛白的頭髮,有點心酸。

「老豆,攰唔攰?」我問。

父親搖頭。

我感到疲憊,香港係一個沒有將來的地方,我同女友拍拖好幾年,大家從來冇思考過結婚,買樓,或者生小朋友。

當付出和收穫不成正比的時候,你付出黎做咩?

阿誠講得無錯,既然有得賭,點解唔賭?

我打電話比阿誠。

「幫我買最大份額危疾同醫保。」

我下定決心了。

此世間上,性命為注,傾盡所有,又有邊個敢All in?


:)


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 18/9/2019 22:19
今天貼文總數: 1,020 | 累積文章數目: 6,562,691

聯絡我們 | 服務條款 | 私隱政策 | 廣告查詢 | 職位空缺
Copyright © 2019 HKGolden.com. All Rights Reserved.