主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 學術台內。

請大家務必定期更改密碼

有見近日有會員懷疑自己帳號被盜用,我們在此向大家呼籲,為保安理由請定期更改密碼,並要為電腦安裝最新的網絡保安軟件,如無必要亦請不要在不屬於自己的電腦登入任何需要密碼的網站,謝謝各位。

香港高登管理員團隊
精選文章
DeerGamer
New App Android IOS
跳至第

發起人
[雙親離世]跪地求身後事做既手續detail
37 個回應
無比滴較剪

早幾日呀媽走左 其實佢都病左好耐 都知差唔多時間 :-(
但傷心還傷心 真係無經驗處理呢d身後事 d親戚又唔理我
所以跪求各位可以幫一幫我:~( :~( #adore# #adore#

或者有冇巴絲最近親身處理過one man band 可唔可以PM我
我相信你地應該好了解呢種無助既感覺 可唔可以幫一幫我:-(

---------------------------------------遺體篇------------------------------------
上網睇左陣 baby kingdom 就睇左呢段文字
上次我老豆凌晨點幾在醫院走(cancer),當日未夠中午12點就可以去醫院拿3張紙
(死亡文件,火化紙,領取遺體紙~可以打電話問有無得取)
有呢3張紙就可以去金鐘攪死亡證,即日有得取
book火化爐
政府規定左一定要有指定名單內的殯儀業公司印章才能book,即係完全無可能自己攪,一定要幫襯殯儀公司
只要你定左出殯日子,殯儀公司就會就返時間幫先人book爐期~~上網睇爐期永遠都超爆,但係佢地有辦法攪掂(詳情我就唔知了)
火化後,最快兩個星期才有灰及灰紙可以取


咁我睇左d人都係話揀-萬國賓儀- 但我想問火化洗唔洗買棺材? 我見佢地講火化都隻字不提呢個問題
係唔係賓儀館個火化會收我charge幫我物色埋個棺材?

同埋由個遺體離開醫院 到變成骨灰 total 要用幾錢到
上網睇話平搞乜野儀式都唔做都好似要洗萬幾2萬
------------------------------------------------------------------------------------------------------------------------

--------------------------------------------遺產篇---------------------------------------------------
其實呀媽都無留d咩比我 始終1個女人仔捱大我
都係佢之前買左d危疾保險 強積金果d野
咁如果我要處理佢d 強積金 保單剩低既錢我需要向保險公司或者銀行提供
死亡證同咩必須既文件?洗唔洗d直系家屬證明果d野 ?
----------------------------------------------------------------------------------------------------------------


------------------------------------屋企雜費轉名篇---------------------------------------------------------
屋企雜費小不免 水電煤
係唔係拎住張死亡證去中電同煤氣公司既鋪頭同佢講轉番自己名就ok?
但水我又應該去邊度做轉名手續?
有冇得打電話去做呢d手續?
-------------------------------------------------------------------------------------------------

希望睇到但幫唔到我既人都可以幫我推一推post:~(
唔該哂你地呀:~(


#good2#4    #bad#1  
標籤:
Push


幫推


幫推


幫推





之前揾到個師父, 一條龍幫你,想知 pm 我
Take care bro!


幾年前搞完 有小小唔記得

火化還火化 擺大酒店還擺大酒店 你會唔會幫親人擺?如果唔擺 我就幫唔到手
如果你想幫親人係萬國擺 你要早D通知萬國先 你係金鐘整完死亡證 火化紙之後 金鐘果邊要有萬國職員幫手幫文件 約埋爐時間 設靈 出殯日子 呢D萬國會幫你約哂 好易搞

如果你會係佢度設靈 佢通常有D套餐 包哂(除佐火化既錢 , 姐係除佐萬國收你既設靈出殯錢 你大約要比多2000蚊左右 係政府既BOOK爐錢 無記錯既話 萬國會幫你BOOK 不過錢要自己去比)

前前後後萬國會約你去果邊傾 傾果陣會同你揀哂 約哂所有野 EG打齋佬 棺材 靈堂 ETC 價錢上萬國會睇到最普通 如果有咩要加 佢都即刻比到價錢你睇


--------------------------------------------遺產篇---------------------------------------------------
其實呀媽都無留d咩比我 始終1個女人仔捱大我
都係佢之前買左d危疾保險 強積金果d野
咁如果我要處理佢d 強積金 保單剩低既錢我需要向保險公司或者銀行提供
死亡證同咩必須既文件?洗唔洗d直系家屬證明果d野 ?
----------------------------------------------------------------------------------------------------------------

保險睇名 如果係寫你名 就好易搞 最好搵返你個經紀幫手 先人既死亡證+你既ID已經夠拎

其他野 老強金 樓 銀行戶口 錢 如果你媽媽無立遺囑

要先去金鐘搞佐遺產承辦書先有得搞 無記錯應該要你既出世紙 證明係母子(母女) 政府野要錢 不過都係1千幾百既事 要等拎到承辦書 先可以拎其他錢


------------------------------------屋企雜費轉名篇---------------------------------------------------------
屋企雜費小不免 水電煤
係唔係拎住張死亡證去中電同煤氣公司既鋪頭同佢講轉番自己名就ok?
但水我又應該去邊度做轉名手續?
有冇得打電話去做呢d手續?

唔知水電煤係咪共通
我淨係試過改電費做自己名 果陣網上記得已經改得(呢樣真係唔記得)
差(享)你會收到單 背後有得改 直接填完寄返去就得


如果設靈價錢 我果陣都係萬國 訂個中等SIZE堂 其他野都算訂得齊 問返媽媽 淨係比萬國大約36000-38000

價錢都係睇你自己想點搞 萬國網上有大約價錢睇


萬國訂齊野 唔會即收錢 通常預早幾日 先會叫你去交錢 萬國其中一層有幾間專做骨灰龕既位 你可以去揀埋用咩龕 佢地擺佐好多係度 價錢有平有貴啦 火化完 等大約2個星期 就可以去萬國上面攞骨灰


BTW你媽媽已經過佐生幾日 真係要盡快搞 如果你決定會設靈 到時萬國會同你去醫院拎返遺體 到設靈果晚要化埋妝 時間愈長 會愈.....(因為雪櫃雪住一直) 快手搞埋 好好睇睇走埋最後一程


http://funeralservices.tungwahcsd.org/site_images/file/IFP%20Packages%20(2016)%20SR.pdf

拉到最底有唔設靈 直接由醫院領遺體後直接火化 同其他唔同既價錢 可以參考下 東華旗下價錢會比較大眾化


煤氣既話帶死亡證同出世紙 要証明你地既關係嫁


幫推


多謝各位巴絲既幫推令有更多既人幫到我手
好多謝你地!!!:~(


我睇左萬國有d咩道教 佛教 plan
佢有d東華三院會Free 唔收charge
有d收
好似咩旅遊巴運送
守夜
基本上會關心我屋企既得舅母
咩旅遊巴 守夜 ..都無親戚會care我呢家人...

呢d野係唔係可以唔要等佢收平d?:-(
我聽朝都會去轉萬國問一問 但叫做想問左先
因為我打電話去問 佢話佢乜都唔識淨係知要接電話
詳情要上去傾
今朝舅母落左黎 但佢係大陸人 唔知香港d野點搞
但話好好睇睇都打場法事 好好睇睇會好d


最後都多謝多次各位巴絲 我今朝見到個post得2個reply仲係度諗
係唔係真係我太廢連呢d野都問 真係reply都廢事 唔敢自推:~(


巴打,Take Care:-( :-(
我冇野幫到你,但我都想幫你加油。#good#


無論你?萬國定係外面?agent幫手, 如果無宗教信仰的話, 其實選擇最平果?套餐就得 (有?人叫"維新派儀式'), 即係到時靈堂得基本?設同堂官(即係主持人). 果?"破地獄"之類舞龍舞鳳野其實係道教儀式, 不過依家香港地個個見得多就以為係基本要求。 而好多人同你一樣第一次攪咩都唔識, 所以?agent都未必會解釋咁多。 好多人同你個鄉下親戚一樣,總覺得要有人跳下舞頌下經先叫盡?考心, 其實無咩意義。 我去過一次同一時間有佛教和尚頌經又有道士破地獄睇, 應該都係後人覺得要咁做先算做得足夠...每款儀式最少要貴一至兩萬銀, 留返?錢?個好地方放靈位仲實際。

又唔係話?agent個個都?老襯, 不過?套餐價錢真係可以差好遠。 佢地應該食水好深, 而傾呢?野一般人又係心理關口問題唔會點講價。 萬國?套餐價應該算幾透明, 但出面?agent有機會平多?。至緊要你定好自已可以負擔幾多錢, 一開波就開門見山講自已budget唔使怕醜, 佢地都會睇住你budget開價。 唔出聲等佢開完價先覺貴的話, 都幾肯定到時你又係開唔到口還價...

傾好價錢後其實都可以放心交哂俾佢地安排。 幾時要做?咩去邊度攪要買?咩, 多數都係一條龍幫你安排好哂。 唔使點擔心會失禮親戚朋友。 我估你都好後生下, 咁你係第一次攪出殯之餘, 其實你?親戚朋友亦多數係第一次出席呢?活動, 應該無咩人識得分點先算係一個好儀式定壞儀式。 出殯同上山當日基本上全程都係師傅帶住做儀式, 你只需盡最後考心化寶(即係燒金銀衣紙) 同招呼親戚朋友。

之後先人靈位安放去邊, 你都可以問萬國或agent點做同有咩介紹。 政府位就要排隊, budget夠就可以?私家位。 未?到位前?骨灰多數都可以放agent鋪頭 (萬國唔知有無呢?服務).

高登多數係後生仔未試過攪出殯, 可能咁所以無咩回應。 希望上面少少意見可以幫到手。 總之一切放心, 香港地安排身後事好有制度。 節哀~


無論你?萬國定係外面?agent幫手, 如果無宗教信仰的話, 其實選擇最平果?套餐就得 (有?人叫"維新派儀式'), 即係到時靈堂得基本?設同堂官(即係主持人). 果?"破地獄"之類舞龍舞鳳野其實係道教儀式, 不過依家香港地個個見得多就以為係基本要求。 而好多人同你一樣第一次攪咩都唔識, 所以?agent都未必會解釋咁多。 好多人同你個鄉下親戚一樣,總覺得要有人跳下舞頌下經先叫盡?考心, 其實無咩意義。 我去過一次同一時間有佛教和尚頌經又有道士破地獄睇, 應該都係後人覺得要咁做先算做得足夠...每款儀式最少要貴一至兩萬銀, 留返?錢?個好地方放靈位仲實際。

又唔係話?agent個個都?老襯, 不過?套餐價錢真係可以差好遠。 佢地應該食水好深, 而傾呢?野一般人又係心理關口問題唔會點講價。 萬國?套餐價應該算幾透明, 但出面?agent有機會平多?。至緊要你定好自已可以負擔幾多錢, 一開波就開門見山講自已budget唔使怕醜, 佢地都會睇住你budget開價。 唔出聲等佢開完價先覺貴的話, 都幾肯定到時你又係開唔到口還價...

傾好價錢後其實都可以放心交哂俾佢地安排。 幾時要做?咩去邊度攪要買?咩, 多數都係一條龍幫你安排好哂。 唔使點擔心會失禮親戚朋友。 我估你都好後生下, 咁你係第一次攪出殯之餘, 其實你?親戚朋友亦多數係第一次出席呢?活動, 應該無咩人識得分點先算係一個好儀式定壞儀式。 出殯同上山當日基本上全程都係師傅帶住做儀式, 你只需盡最後考心化寶(即係燒金銀衣紙) 同招呼親戚朋友。

之後先人靈位安放去邊, 你都可以問萬國或agent點做同有咩介紹。 政府位就要排隊, budget夠就可以?私家位。 未?到位前?骨灰多數都可以放agent鋪頭 (萬國唔知有無呢?服務).

高登多數係後生仔未試過攪出殯, 可能咁所以無咩回應。 希望上面少少意見可以幫到手。 總之一切放心, 香港地安排身後事好有制度。 節哀~

文章入面 ? 即係廣東話 "D".... 手機打字唔知點解會顯示唔到


我之前有同D棺材佬有接觸過,知少少咁

詳情其實都講唔到太多,唔通真係要巴打你係個 post 睇一大段字咩?

簡單講,紅磡大酒店區附近其實好多殮葬相關舖頭,簡單講:
1. 棺材店
2. 花店
3. 兩樣都唔似但擺明係做殮葬生意的舖

巴打你就係要搵 3. 個類舖,佢地就係 organisers ,會知道哂由頭到尾有乜搞
你可以去搵佢地齋傾,至少知個流程先,傾完再決定好唔好俾錢佢地統籌一切野

我有識人就係係老龍坑街開統籌舖,你如果真係有需要可以問,我可以俾資料你
但我建議你自己去搵左先,你搵唔到我先再俾佢聯絡你都未遲
我未死過人所以唔會知我識個條友做得好唔好,好難話照直介紹俾你


樓主努力#yup# 加油。


take care brother


之前揾到個師父, 一條龍幫你,想知 pm 我
Take care bro!


巴打你未驗證 我PM唔到你:~(
見字請覆

另外都想問下大家知唔知D 身後事師傅有冇好既介紹同埋大約點樣收費
好怕佢見我後生開我大口:~(


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 21/10/2020 4:40
今天貼文總數: 430 | 累積文章數目: 6,759,480

聯絡我們 | 服務條款 | 私隱政策 | 廣告查詢 | 職位空缺
Copyright © 2020 HKGolden.com. All Rights Reserved.