如果今場比賽無左彭彭，我地應該無辦法全身而退。不過除左彭彭之外，呢場比賽係戰術層面上有更多令人意外的地方，亦有一個令人好失望的球員。
同賽前預測一樣，呢場比賽的節奏明快，快上快落。白蟻洞意外地擺出433的配置，希望可以靠高位同中場人數抗衡你轟的戰術。你轟呢邊亦如同賽前估計，用馬路出任正選封鎖白蟻洞左路的3000分。
戰術＆數據：1) 先講白蟻洞的兩個入波。白蟻洞開賽不久就已經成功係你轟禁區造成混亂，係4名前白蟻洞球員(丼哥，古古，兵長同9菜)各自犯錯後，俾白蟻洞頂入先開記錄。第二個入波係33分鐘，9菜傳波唔夠力，俾白蟻洞中場巴利巴搶走之後直射入網。兩個入球都算係你轟自己製造，亦係開季以來一直都存在的問題，如果搵唔到方法解決的話，恐怕你轟的成績多少會被影響。
2) 你轟4個入波都係來自彭彭。第一球來自J神的橫傳，第二球來自阿祖搏得的十二碼，第三球來自自由球，最後一球係阿祖傳入禁區再近柱射入。彭彭的個人能力固然值得讚賞，白蟻洞幾乎係俾彭彭一個人摧毀，彭彭成為左英超史上第一個半場就入四球的球員，轉會後的三次帽子戲法，同時追上哈索賓基，巴哥同向左走向右走仔，並列你轟英超最多帽子戲法的球員。
3) 全場比賽的第一個重點，係你轟賽前部署上，領隊馬蛇顛覆開季以來的控球走位策略，首先係企位上，左右兩邊閘位放棄主動切入中場，留守係邊路。丼哥減少覆蓋範圍，專心掃蕩進入自己半場的攻擊，有效地阻止白蟻洞的組織，係Tackle數字上都反映上你轟比往常更加積極(Tackle由平均的16.7次升到今場的22次)。
4) 踢法上，馬蛇都改變左一貫的控球方針，全場只有41%時間控球。平均控球數由往常的643次降到536次，而呢一切的改動都係為左應付白蟻洞的高位搶迫戰術。因為兵長，安素，丼哥同彭彭都有能力交出精準的長傳，所以前場至少保留2個球員隨時挑戰白蟻洞的越位線。
5) 就係呢堆戰術上的部署，令你轟今場比賽係進攻面上有一定的優勢而唔係單方面受壓。亦如同我標題所講，季初馬蛇的戰術無太大的變化，就算面對強如曼城的對手佢仍然保持控球同傳波，但今仗對白蟻洞就反其道而行，多少令人感到意外。當然，比賽入面的戰術調動就暫時未見到，而家你轟後備板凳深度足夠的情況下，黎緊可能會有更多驚喜。
