|
半個人都上左車, 與其Hi, 不如理性分析下球員的踢法, FF下佢點樣踢可能仲好。
綜合各方面的消息, 毒向左走向右走加盟大約係30m+10m addon, 以20碎有英超經驗的前鋒黎講, 應該係正常價 (波渣都25m啦係咪)。要講球員特點的話, 更多的係問題, 佢可以提供現有球員俾唔到的咩。
第一樣係佢的把握力, 呢點係無容置疑ge。今季j神會被質疑的原因, 係因為j神係門前連番失機。整季踢左44場波, 佢本來可以創造的入球量大約係18.6球, 但係實際上的入球量只有17球, 仲要講緊有部份的入球係餵到埋口, xG高到爆燈 (例如對熱狗臨尾戴帽果球, 離門5碼起腳, xG高達0.98)。可以創造到咁高的xG, 都代表左J神有能力走啱位, 球賽閱讀能力唔錯。(搶點型前鋒, 例如夏向左走向右走咁都一樣係xG高) 但問題係, 球隊的創造力無鏝妓咁好, 要係僅有的機會下射入就係我地的課題。所以點解會睇中食屎狗或者毒向左走向右走, 兩個都係機會主義者, 兩者都有能力將個波送入龍門, 毒向左走向右走甚至係xG只有4.2的數字下射入7球, 係把握力上的確係頂級ge。
第二樣係佢的Physical層面。我地的前鋒, 自從巴哥同哥斯達之後, 基本上都係應肚即飛類型。身體條件上唔適合硬碰硬, 就算身高足夠, 但面對英超後衛好多時都無著數。毒向左走向右走係呢點上面算係提供左更多的選擇。186cm高, 今季空中爭頂的勝率係56.3%, 比夏向左走向右走的53.2%更好, 考慮到佢上場的時間唔長, 90分鐘的爭頂平均數字就更加誇張, 平均爭頂4.85次, 贏2.73次, 兩個數據都係高。可以為我地班矮仔提供更多前場同後場的空中優勢。
場均的過人數據亦係正常ge, 唔止得個高字, 跑動速度算快, 因為有身位, 令佢係對抗上唔算咁易俾人撞飛, 過人成功率都有55.6%。不過因為佢上場時間多數係下半場, 所以數字上可能有一定水份。如果話j神可以提供的, 係突破越位的高速跑動, 咁毒向左走向右走提供的就算係狹窄空間的帶波跑動。
第三點, 雖然唔知好事定壞事, 積極回防係毒向左走向右走的長處。今季我地都見唔少全隊回防之後俾人打爆的困境, 我唔敢講毒向左走向右走上車之後會唔會咁做, 但至少數字上係積極ge。每90分鐘提供到0.81次Tackle, 甚至有0.3次係自己1/3做, 呢個數字係痴向左走向右走線ge。而且佢大大份咁仍然做到遮線的工作, pass blocking高達0.91, 幾乎拍得住正防中丼哥 (1.07)。而因為有高空優勢的關係, Clearence數字都高達1.41, 唔好話同位置比較, 同防中比都係高。(丼哥1.38)
|
