大狗頭報:
傑志周三（20日）出戰2023/24「亞冠盃」F組分組賽首戰，作客全州世界盃體育場硬撼韓職勁旅全北汽車。
(HOY免費電視76台周三晚上6時直播)
早前在聯賽不敵理文的傑志，將迎接
5日內第2場硬仗，加上需要舟車勞頓，總監兼主教練朱志光承認擔心球員體能恢復情況，
：「全北汽車今年人腳有啲變動，整體實力比2018年交手嗰次冇咁強，但一定喺傑志之上。
佢哋踢法偏向體力化同直接，對抗性又好，
作客嚟到無得話要搶攻，反而防守上會盡量緊密啲，係困難但未必冇得踢。」
值得一提，雙方曾在2018年「亞冠盃」E組分組賽交手，當時傑志主客兩戰全敗，
共慘吞9蛋兼1球不入。
另外，朱Sir提到亞冠的球證執法尺度，比本地賽事嚴謹，提醒陣中多名首征亞冠的外援，避免因犯規過火或投訴過激而「食牌」。
至於陣容方面，
明加索夫、米基爾及費蘭度3名上仗鬥理文未有落場的主力，
有望傷愈重返正選大軍，
惟中場
基爾頓則上陣成疑。
有南韓傳媒就問到金信煜今次為何未有隨隊出征。奧地利前鋒恩查：「分組賽嘅首場波不嬲都係最重要，
我哋知道全北汽車係呢組晉級大熱，但另一方面我哋要專注踢出自己嘅部署，可以肯定嘅係，我哋會踢出比上周對理文一戰更好嘅表現。」
曾兩度於亞冠盃封王的全北汽車，
上屆於淘汰賽不敵最終冠軍浦和紅鑽，
4強止步。
全北近期表現失色，
聯賽5場不勝僅排名中游，包括上周主場不敵下游分子FC江原，今年6月接過帥印的羅馬尼亞名宿丹彼得斯古，
賽後表示今仗對傑志陣容將有所調整。全北陣中好手如雲，後衞金珍洙及中場主力白昇浩，去年曾代表南韓出戰世盃決賽周，
而身高1米88的巴西前鋒古斯達禾軒歷基，同樣需要「藍鳥」多加提防。
大狗頭預計傑志陣容:
門將：86保羅
後衞：2羅梓駿
3丹卓斯基
5艾里奧 77費蘭度
中場：16陳俊樂 12奧拿斯
17米基爾
前鋒：90祖連奴 89恩查 7明加索夫
