大狗頭:
傑志接連不敵理文、全北汽車，各項賽事遭遇兩連敗，總監兼主教練朱志光指未感太大壓力，
相信今仗可以及時反彈：「流浪今年強咗好多，但唔會強得過全北汽車，我對班球員有信心，
佢哋經驗豐富，落到場知道點踢，幾時攻、幾時守。不過
9日3戰係辛苦嘅，
預計會有4至5個調動。」
陣容方面，
明加索夫、伊高沙托尼有傷在身，連同獲放行參與
亞運的潘沛軒，今仗同樣未能披甲。
前鋒祖連奴對全北汽車後備上陣約30分鐘，他表示體能已大致恢復，與新拍檔恩查的默契亦愈來愈好。
首次倒戈標準流浪，他表示十分期待。
標準流浪上輪聯賽完場前被大埔絕殺，吞下今季首敗，主教練王家中希望球員可以吸取教訓，
即使在比賽尾段亦要保持集中。傑志近況即使麻麻，加上又要舟車勞頓，但未敢調以輕心，
強調球隊會先做好防守：「傑志有足夠休息時間，我唔認為佢哋體能方面會輸蝕。
控球在腳同主攻唔係我哋強項，反而
對方後防高大但速度比較慢，憑伊巴謙等人嘅速度，打反擊更有優勢。」
林衍廷、李毅凱因隨港隊
出戰亞運缺陣，而外援
林遼太則背部
受傷上陣成疑。
盧均宜：「始終傑志啱啱踢完亞冠都會攰，又有幾個傷兵，同
見到佢哋對住理文有唔少犯錯。
依幾年我哋對住傑志都有唔錯嘅表現，今場有機會偷到雞嘅。」
流浪已經休戰接近3星期，養精蓄銳下，隨時能為球迷帶來驚喜。
大狗頭隊預計正選陣容:
傑志
門將：86 保羅
後衞：18周緣德
3 丹卓斯基
5 艾里奧 77 費蘭度
中場：16 陳俊樂 4 查理史葛
17 米基爾
前鋒：90 祖連奴 9 金信煜
89 恩查
標準流浪
門將：11 梁興傑
後衞：4金旻奎 2馬相訓 55 基藍馬
6朴鍾範 19 姚浩明
中場：12 盧均宜 33法蘭度
10林嘉緯
前鋒：21伊巴謙 44 神田夢實
