蘭歷克上任第一個記者會：「我而家接手既曼聯陣容，絕對唔會差過當年高普接手利物浦既人腳。」
被問到今季做完六個月會唔會成為全職領隊：「而家就簽六個月既，但如果我教得一切順利，曼聯高層又希望我做既話，我可能會作出當年我喺萊比錫既建議，就係推薦我本人出任下一任領隊。」
被問到卡域克辭任助教：「我兩日之前知道卡域克既意願，同佢私底下傾左超過一個鐘，嘗試說服佢留低，但最後我被迫接受佢既離開。我非常樂意同現時既助教團合作，我需要佢地既幫手，我會搵一至三個助教過黎加入，但因為英國脫歐，搵人都唔容易。」
被問到同蘇B既聯繫：「同蘇斯克查傾左差唔多兩粒鐘，佢非常慷慨地將佢對球隊既觀察講晒俾我聽。」
被問到冬窗會唔會引援：「而家唔係講買人既時候，因為而家曼聯陣容都好多人。可能聖誕之後再諗下買唔買，但冬窗買人不嬲都係難。」
評價C朗：「作為領隊，你既戰術永遠要配合你擁有既球員，而唔係球員配合戰術。尋晚我睇到C朗既表現，36歲都可以踢成咁，犀利。我絕對可以見到佢已經準備好作出任何犧牲去幫助球隊。」
對於傳媒報道佢說服到夏蘭特加盟就有10M獎金：「(講笑)點止？簽到夏蘭特10M、簽到麥巴比10M、簽到利雲10M、簽到甘美治10M添呀！垃圾，我份合約冇呢個條款。」
被問到執教風格：「透過影片話俾球員聽有啲咩可以進步。訓練佢地既本能反應。過去十年既現代足球已經完全改變，更加機動性，更加高速，皮球移動更加縱向。」
