主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 體育台內。

與時並進 重新出發

接手高登CEO至今已經有八年,一開始知道要代表高登出席唔同場合,都擔心會俾人起底,但最後決定豁出去以真面目示人。記得上任唔夠一年,就遇到高登歷年o黎最嚴重o既事件 — — 被告誹謗。最初我以為對方只係「嚇o下大家」,殊不知官司一打就打o左五年,最後打到上終審法院至告一段落。當時所受o既壓力大到難以形容,幸好得到好多會員o既支持,甚至有會員自發希望o係財政上給予支持,至今我仍然非常感激。不過,就呢單訴訟我o地花費o左超過7位數字o既律師費同賠償,換o黎法律上清晰釐定討論區要為會員發言負上o既責任。

除o左經常要處理關於誹謗問題o既律師信,高登最常要面對o既就係網絡攻擊問題。其實我o地一直有為伺服器作軟硬件上o既更新,奈何網絡攻擊o既「攻勢」日益增強同頻密,唔少時候大家鬧緊我o地Server超慢,背後其實都係因為伺服器受緊唔同程度o既攻擊,唔單只程式員要用大部分時間o黎處理相關問題,我自己有時都要半夜起身,甚至身處外地時都要處理。面對呢o的攻擊,我覺得冇可能每次都同大家講,否則有o的敏感時間每日要出十次八次公告,大家可能睇到麻木。 ......
精選文章
DeerGamer
New App Android IOS
跳至第

發起人
[行山拎] 環湖live
81 個回應
14:20 大尾督小巴站

由烏蛟騰小巴站到大美督小巴站, 全程4hr55min


或者報下標距柱no.
影左唔洗upload上黎

完成咗啦,相後番屋企Wi-Fi後補,數據好慢


或者報下標距柱no.
影左唔洗upload上黎

完成咗啦,相後番屋企Wi-Fi後補,數據好慢

我係順行, C2601行到C2630, 30支, 不過我係影標距, 影咗山名個牌仔

行到C2624頂唔順坐低休息咗3分鐘, 個個位差d虛脫咁滯, 瘋狂上落[banghead]

其餘無休超過1分鐘


相後補, 跑埋過主壩過大尾督搭車番大埔食tea先

好攰好肚餓


咁快行完?!
後生真好:-(

3張野廢中


環湖準備充足,早d 出發係ok, 今日天氣仲幾好
如果去埋鬼手就難


環湖準備充足,早d 出發係ok, 今日天氣仲幾好
如果去埋鬼手就難

鬼手真係無力去[banghead]
3x KM 仲要預埋潮汐


Hi Auntie相都冇張就咪向左走向右走學人開post啦傻的嗎9


環湖準備充足,早d 出發係ok, 今日天氣仲幾好
如果去埋鬼手就難

鬼手真係無力去[banghead]
3x KM 仲要預埋潮汐

環湖我都試過幾次,但都唔敢去埋鬼手[banghead] 有人話可以call 定艇係鬼手走[sosad]


Hi Auntie相都冇張就咪向左走向右走學人開post啦傻的嗎9

大佬啊, 烏蛟騰個邊訊號差到Hi Hi, 又爆咗data限慢到upload唔到xx(

等我懲罰埋加藤屋番到屋企Wi-Fi post番大量相上黎


先放幾張有影相時間既cap圖上黎, 呢幾個check point唔行哂環湖影唔到O:-)

https://upload.cc/i1/2020/01/04/mv1IW3.png
https://upload.cc/i1/2020/01/04/HWxPQY.png
https://upload.cc/i1/2020/01/04/dA1MJ4.png
https://upload.cc/i1/2020/01/04/JacEsG.png
https://upload.cc/i1/2020/01/04/QzamBV.png


先簡介下

船灣淡水湖郊遊徑
起點烏蛟騰, 終點大尾督, 中間上落好多座山
(前半段馬頭峰, 赤馬頭, 雞仔峒, 橫嶺, 大峒, 觀音峒, 去到鹿湖峒為之一半; 後半段鵝髻頂, 虎頭沙, 三門山, 長牌墩, 淡水湖副壩, 主壩)

根據官方說法, 全長15.5KM, (30支標距柱+前前後後既路程), 但終點去到主壩仲要行埋全長2KM既主壩先番到大尾督). 根據openstreet map, 烏蛟騰到大尾督全程18.5KM. 上升1000米, 下降1100米

望落D山唔高, 最高點雞仔峒311M, 但上上落落勁多, 平路好少, 加上多碎石路同無咩樹陰, 所以都好鬼攰O:-). 另外就係過咗大峒無退出路線, 水同食物一定要多, 唔係等call直升機#no#


交通黎講. 烏蛟騰得一架小巴20R係大埔火車站去, 但90分鐘先一班, full咗上唔到就Hi HiO:-)
今日去到勁多人排, 好彩佢肯加開多班疏導下:D

如果係星期日, 九巴有多架巴士去新娘潭, 可以係個到再行入烏蛟騰

反而大尾督番大埔火車站既小巴好多車, 所以選擇順行交通會方便D (順行就先爆上山, 尾段成水壩)

唔講咁多, 去相 (今日好濛xx( )

一開波爆上馬頭峰295M, 望過去就係長條形就係長牌墩, 副壩同主壩, 路線既尾段
https://upload.cc/i1/2020/01/04/ucAkCo.jpg
https://upload.cc/i1/2020/01/04/kLdQlo.jpg


之後落一段再上赤馬頭, 點知一開波落山太大步chok親下膝頭:o) :o)
搞到落山只可以去一邊側身落, 用另一邊側身個膝頭痛xx(

赤馬頭, 雞仔峒, 橫巔一段無野睇, 一直剷去大峒
https://upload.cc/i1/2020/01/04/2jr41S.jpg

大峒個最後撤退點, 過咗就一定要行完
大峒過觀音峒一段可以望到無敵既印洲塘同船灣淡水湖:P

https://upload.cc/i1/2020/01/04/Y4l9Wu.jpg

行咗一大段都係望同一個景[sosad] 中間突出黎個舊應該係叫東心淇
https://upload.cc/i1/2020/01/04/HmArFN.jpg


一粒鐘3,4k。。。樓主哩啲叫跑山 唔係行山[:o)sk]


之後落一段再上赤馬頭, 點知一開波落山太大步chok親下膝頭:o) :o)
搞到落山只可以去一邊側身落, 用另一邊側身個膝頭痛xx(

膝頭傷可大可少喎


一路剷去觀音峒, 中途地下D石開始見到紫紅色, 因為就黎到紅石門坳

呢個位左手邊就係落紅石門 火紅海岸既路 (之前去過, 所以今次就唔落啦)
https://upload.cc/i1/2020/01/04/mDWLce.jpg

紅石門舊相
https://upload.cc/i1/2020/01/04/x8boSq.jpg

之後上上落落就到鹿湖峒
點解話完成一半, 張相見到右手邊就係已經行完前半段, 左手邊就係後半段番水壩
https://upload.cc/i1/2020/01/04/1vDJLe.jpg


之後落一段再上赤馬頭, 點知一開波落山太大步chok親下膝頭:o) :o)
搞到落山只可以去一邊側身落, 用另一邊側身個膝頭痛xx(

膝頭傷可大可少喎

好彩唔係真傷, 係膝頭外側D肌肉拉一拉有D痛, 之後我轉落山技巧同用下杖幫手, 結果無事, 跑同上斜都無痛, 正面落石級都OK, 係高低差大個D石, 只可以用一邊側身落, 另一邊落會痛
如果真係傷我即刻撤退[sosad]


一粒鐘3,4k。。。樓主哩啲叫跑山 唔係行山[:o)sk]

我今日第一次著跑山鞋行[sosad]
90%係行, 平既泥路同石屎路先跑一段仔:)


過咗鹿湖峒之後就係落一段到百幾米左右, 睇地圖以為無咩料到, 點知真係中哂伏[369] , 後段上上落落好向左走向右走多[bomb]

先回望前半段
https://upload.cc/i1/2020/01/04/qUW8MA.jpg

另一邊望到赤門海峽同西貢, 不過好濛睇唔到D咩
https://upload.cc/i1/2020/01/04/NsrZzF.jpg

黎緊仲有無數既上落, 座座都唔高, 但無咩回氣位
https://upload.cc/i1/2020/01/04/WnMY7S.jpg


虎頭沙三門山再剷去長牌墩

呢條伸出黎既就係老虎芴
https://upload.cc/i1/2020/01/04/3587Lk.jpg

呢到有粒綠洲伸出黎, 得D沙地連住[sosad]
https://upload.cc/i1/2020/01/04/h634sI.jpg

終點在望. 不過係去到長牌墩之前, 真係攰到Hi Hi頂唔順, 要坐係地休息3分鐘 (之前最多休1分鐘之內). 上上落落太多, 好甘[banghead]
https://upload.cc/i1/2020/01/04/jfEyDX.jpg


想去老虎芴個珍珠場遺址#cn#


之後繼續行, 去到副壩就真係成哂D上落既山路, 黎緊就係石屎平地
副壩係用黎排洪, 個形狀好靚
https://upload.cc/i1/2020/01/04/z4RQ1y.jpg

個抽水塔右邊見到誠哥個觀音像 (慈山寺)
https://upload.cc/i1/2020/01/04/EXp7S3.jpg

https://upload.cc/i1/2020/01/04/zrtERb.jpg


最後番到主壩
https://upload.cc/i1/2020/01/04/R9QjY3.jpg

見到八仙嶺
https://upload.cc/i1/2020/01/04/dzjfuE.jpg


完, 好向左走向右走攰, 之後大尾督搭20C走人


今日大尾督一帶有跑山賽, 好彩佢地唔係鬥環湖

環湖沿途唔多人, 有個C9好向左走向右走快, 我係觀音峒附近撞到, 佢都係去大尾督, 我都追唔上佢, 跟到尾比佢拋開咗[sosad]

佢得個D記$19背囊, 睇落應該帶得唔多水, 我帶咗成3.7L, 用咗3L先夠, 好曬好熱[sosad]

https://upload.cc/i1/2020/01/04/uj0ITA.png


大佬相呢?
烏蛟滕行過一次永世唔會再去#bye#

烏9含有阿伯行山easy路線(向北繞個圈出鹿頸), 難o既就馬頭峰起步環湖出大美督, 新手可免則免, 老手夏天都係可免則免, 中暑黑點.
再長就出咀摸手打回頭, 要跑到的質素及早出晚歸.

荔枝窩來回全平路,又有補給,新手都岩


船灣一帶好多路線, 係交通煩d

上面巴打講既荔枝窩, 三椏村, 鹿頸都係平路輕鬆路線

想上山既有吊燈籠, 個景勁靚#love#

睇地質既有紅石門

仲未計超人級路線既環湖出咀探鬼手:-]

西流江都啱啱起咗條路出黎


想去老虎芴個珍珠場遺址#cn#

政府好似有tour去珍珠場
自己去唔知有無得入


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 22/2/2020 0:21
今天貼文總數: 1,163 | 累積文章數目: 6,633,825

聯絡我們 | 服務條款 | 私隱政策 | 廣告查詢 | 職位空缺
Copyright © 2020 HKGolden.com. All Rights Reserved.