其實只係心血來潮想呻下
無諗過咁多巴打回應
我自己既諗法，好男人係努力，專一，顧家，唔嫖唔賭，唔老吹，唔充大頭，誠實，腳踏實地做人，照顧到個女朋友呢類好簡單既野
現實中大把男人連呢堆野都無
但又有d女愛到佢死心塌地
係男人眼中既缺點，反而係女人眼中既吸引之處有d位男人同女人眼中既定義又係唔同
保險強「努力」R單
呀張「努力」企番起身
主角「努力」讀書工作
大家都有努力，但係女人眼中主角既努力無人睇到，亦無人欣賞
係主角眼中男人要比到安穩生活比個女仔
所以佢HiSeven呀陳，無工開，連維持生活都有困難既時候，都重掛住攬女
但係佢條女就覺得呢個男人24小時陪住佢既行為係「吸引」
成個故事主要係想講，男人同女人既諗法，睇野角度可以好唔同
以前細個成日話「努力做人就有愛情」「做個好男人就娶到好老婆」
然後主角努力成左一個好既男人
最後發現好男人同吸引人既男人同得到愛情既男人係唔同既
有機會再寫其他人物
呢樣真
我自己老作一個故事
如果有個靚女同事要當更返星期六日（假設該部門星期六日只有一個人輪班）
點知佢突然整親入左醫院
於是佢在whasapp向其他同事求救，想搵人在假期日頂班
男同事A就嫌麻煩，遲遲唔出聲扮睇唔到由得條女嗌哂救命
男同事B就主動攬上身，即刻say yes幫條女手不問回報
但男同事A就唔頂更返工，改為去醫院早過B去探女同事
呢個故事
在男人眼中，A呢類人係條Hi Hi黎，有事唔識幫手
但在女人眼中，似乎會認為A先係男友之選
B最多只係「工具人、好同事」
呢D係自己9up老吹
不過在教育越黎越普及，科技越黎越好的同時
往往下一代比人的印象都係「精神能力差，唔向左走向右走掂」
大概都係因為多數女揀的都係A呢類人？
如果各位巴打遇到一個女仔會識真心留意B的默默付出
咁呢個女仔外表幾平凡都好都唔該即刻去馬唔好等
呢類女仔對男人來講係寶物黎
