喺屋企反而開心，做真正嘅自己，唔會有心事要講
係返工要對住啲同事，好多時根本唔想同佢哋講嘢但又成日走埋嚟R水吹
普通R水吹都算，會問我屋企嘢先最唔向左走向右走想答，父母幾多歲、返咩工、有幾多兄弟姐妹關佢哋勁事咩
![[bad]cl](/faces/clown/thumbDown.gif)
講埋政治最乞我憎，迫人表態兼要企邊，之前先畀個阿叔煩咗兩個月，煩死
喺公司要扮正常人好辛苦
隨時有抑鬱
同事做到朋友係bonus
返工最緊要份錢
試下睇開D
D問題唔一定要答就唔答啦
唔同政見就HEA佢啦
最後起碼你在家係開心
至少有個避風港
辛苦晒啦
之前份工都有差唔多年紀嘅同事做到朋友，但一耐咗就冇聯絡，剩係有加facebook
依家呢份冇了：一嚟年紀有差距，二嚟唔太想同同事太過熟落
yes，我返工都係為咗有錢去上下興趣班、買下自己鍾意嘅嘢等自己開心下
不過人工低，呢份工唔係時間穩定、夠hea，都唔會繼續做
有諗過做到出年儲到錢去報topup讀返書
其實有時真係唔想答，但佢哋又好鍾意走埋嚟我度問問問
唔止呢間，係做邊間公司都係咁
政見呢啲嘢真係唔鍾意喺office講，同事藍絲、黃絲都冇咁驚，係唔知有冇同事係隱藏紅底偷聽
![[censored]](/faces/censored.gif)
個反共阿叔嗰下日日講支持班後生，又發婊埋所謂垃圾見解
佢啲口頭禪『我講得啱唔啱？』、『唔駛驚喎！想聽下你有咩意見』、『我有冇煽動你（去遊行/反政府）？』
最傻的嗎係阿叔用中移動，但枕住send反修例資訊（過氣）
總之個阿叔傻的嗎得嚟係個煩膠
我喺其他post都有講過公司個政治阿叔啲事蹟
自從WhatsApp覆佢我唔發夢遊行之後，條友第日就對我閪晒面仲唔再煩我
即刻耳根清淨晒
