唔好咁消極
你家人有女朋友係你身邊已經好過好多人啦
可能佢地比較粗口同唔善於溝通啫
分左手幾個月喇
![[sosad]](/faces/sosad.gif)
其實最大心結係我覺得我害死左我朋友
佢一直有抑鬱，一路我都會支持佢關心佢，但係上年9月我為左讀書離開左香港，
之後就幫住拍拖同讀書，好少機會wtsapp佢，而佢當初知道我要走，已經好唔開心，
好少主動揾我，我知佢要重考dse，所以三月頭wtsapp佢想叫佢加油，點知佢老豆用番嗰個電話同我講佢已經走左，我好自責，當佢唔開心到要去跳樓嗰陣，我仲係喺度開開心心
巴打，如果你覺得現實搵唔到人傾，討論區都算係一個好既方法比你發洩表達，但記住要filter D負面回覆，教你點死，叫你死快Ｄ果Ｄ，佢地只係食花生。
睇你同我哋講既野，你內心真係好灰，其實我哋依家講咩安慰你既說話，只可能比到你感覺「係呀，係喎，我知，但咁又點吖，無人幫到我」類似呢Ｄ諗法。
講番你過咗外國讀書時，你覺得因為你無關心你個朋友而令佢自殺。你有無諗過，抑鬱症有時真係需要醫生幫忙架，就算當時你喺佢身邊支持佢，佢都有可能鑽牛角尖架。
你唔同你屋企人講，你有朋友自殺死咗，令到你心情低落，無辦法集中精神讀書，所以成績差咗，佢哋又點會知呢，就好似你唔講比我哋聽，點解你唔開心，我哋根本唔會知。
你父母家人知道事實後，一定唔會再係只一味鬧你架，你父母個仔嚟架，點會唔理你呀？因為你哋欠缺溝通呀，又何來關懷呢？雖然佢哋生你出嚟，你家姐同你流住同一樣既血，但佢哋真係唔係你肚裡面條蟲嚟架，唔知你心想點架，同佢哋冷靜咁傾下，再搵醫生睇睇。
喺網上，我哋只能做到咁多架。
如果可以打消你消極既諗法，我係唔介意同你喺電話傾既，如果你有需要既話ｐｍ我啦。
