主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 感情台內。

有關帖文題目顯示香港字問題

一直以來,不少會員反映討論區帖文題目未能正常顯示香港字,由於此項更新牽涉整個系統,故一直未能完善。然而我們明白各會員對此有一定需求,決定於星期三早上7時短暫「熄登」更新系統,解決題目顯示問題,預計需時兩小時。不便之處,敬請原諒。

更新完成後題目將支援香港字、大部分日文及韓文字體,字數限制將由現時25個全形字符增加至30個。與此同時,討論區桌面版將增設M版現有的回帶及追蹤功能,發表頁面的題目輸入位置亦會加入字數提示功能,希望能改善大家的使用體驗。

香港高登討論區管理員團隊
精選文章
DeerGamer
New App Android IOS
跳至第

發起人
你失戀了 (2)
1001 個回應


被分手,一直唔願意接受,但事實就係事實。睇住你既初戀,一個曾經好愛你既人,突然之間完全唔再需要你,甚至唔想理你,厭惡你,你想挽留但係無能為力,果種苦澀唔識形容。口好硬,同自己講未分手,但係心知肚明,每日心口都隱隱作痛,依一排冇晒胃口。

你好理智,識得安慰自己,同自己講「呢個世界冇乜話冇咗邊個唔得,時間會丟淡一切,捱下啦,好快冇事嫁喇。」然後你工作睡覺禱告娛樂十分刻意過好每天。但係有日你坐起辦公室,果日冇咩做,你上下高登,睇下facebook,然後無啦啦又諗起佢。即使你的真感情瞞得住,即使眼光勉強的擺到別處,想起佢的好處,想起那些相處,令你連嘆氣也沒法自如。然後你崩潰,開始流眼淚,但係又唔敢畀同事知,於是你匿入廁所,盡情咁喊,其實可能一門之隔既同事聽到晒,但你根本就冇辦法再去理咁多。喊喊下你望住鏡入面既自己,似乜野?垃圾你起度做緊乜野?你開始嬲自己咁廢柴,愈係嬲,就愈係廢,你喊到收唔到聲。你諗起有人話過「崩潰?我有經驗,選一週最後那天。」你諗一諗,原來今日先星期三四,點算?然後你起喊到冇乜事既時候出返去,開始搵人求救,放低自尊,同你信賴既朋友訴說自己幾咁廢狗。因為你知道,再屈埋起心,你會頂唔順。然後佢地會安慰你,安慰既說話不外乎「係咁嫁喇……失戀係好痛苦」、「喊下啦,喊下就冇事嫁喇」、「傻仔蒞既,冇乜大不了嫁咋,可能下個仲好呢」、「其實佢都唔係咁好姐」,其實你一早就諗過晒,只係唔講依啲又可以講咩?

講完一論,你平靜返,然後你同自己講,唔可以咁廢,要企返起身,做返自己,做返佢鍾意既自己,希望可以追返佢。於是你開始懶係灑脫,好似冇事,開開心心,同佢講你地仲係朋友,同佢九唔搭八咁傾下計。你會去搵人玩,想分下自己心。見到個friend又變返以前既自己,講女講咸濕野,夠噏無極限。不過無論你點迫自己都好,whatsapp入面果啲群組你真係冇心機去理。但係你既堅強只能夠支撐幾日,因為你會忍唔住想同佢再進一步,然後你就會摸到果層防線;又或者係你偶爾知道佢出去玩,你會諗,自己起度行屍走肉,但係佢已經放低晒出去開開心心;甚至你會諗,其實佢係咪已經有咗第二個,同第二個溫馨緊。你又開始忍唔住喊,幾次之後你已經唔再驚,起大街大巷直接就流眼淚,


#good2#11    #bad#3  
一路行一路喊,其實根本都冇人會理,你可以好盡情咁流乾你既眼淚。其實你唔知自己喊乜春,喊有咩用姐,冇人會可憐你嫁啵,但係又阻止唔到自己喊。喊到個人醒返,然後同自己講,其實唔係,佢只係咁啱忙姐。

於是不斷輪迴,你好攰,你唔知道仲要輪迴幾多次,你先會死心,你好唔想再繼續咁樣,你冇諗過要自殺,但係你覺得咁樣生存好辛苦。你又鼓唔起勇氣要自己放棄,其實你依刻最怕既就係自己死心,因為你最唔想既係同佢就咁完。

你真係好愛佢,你好想有個機會畀自己去改變,令佢回心轉意。
你好想同佢可以繼續行落去,白頭到老……


引用KLH巴打,

見你班友咁灰,我上個月又失左戀,作為行返出來的過來人,分享少少意見
分手原因來來去去都係果D,我個情況就係變心,我拍左半年拖被飛

一開始失戀心情同樓主寫果段野差唔多,會好想搵前度講野,最尾忍左落黎無做到
反而係前度放唔底段感情:o)不過係題外話

你要前度回頭,實際上係要佢推翻一個剛做的決定,本身已經好難
你仲要喊到自己殘哂去求佢回心轉意,佢只會見到一個軟弱的你,唔會有女人鍾意同一個軟弱的男人一齊,你開始溝佢果陣都唔係咁嘅死款啦
所以如果你想佢返轉頭,你最緊要走得瀟灑,放佢走,俾佢睇到失去佢對你來說無乜大不了

失戀係個好機會俾你反省下自己愛情觀有無出問題,佔有慾係咪太強,你愛的是她還是你自己
如果你懷一個好的觀念,失戀頂龍喊一兩鑊抒發左果種失落感就可以重新上路,相反,淨係靠時間沖淡,第時你再遇佢O的感覺又會返哂黎
網上有好多講愛情觀的文章同片,我唔詳述了自己搵

開頭你會驚如果放下前度,以後會唔會搵到一個差唔多咁好嘅人
個人經驗,上天保佑,我失戀後一個禮拜內就遇到一個新朋友幾啱 feel 的,呢排開始傾下計
只要你肯去識人,世上一定有滿足到你擇偶要求的人
到前兩日我俾返啲野前度,我就算見到佢真人同佢行左陣都無哂以前拍拖果種感覺,覺得佢對我來說係一個比較熟的普通朋友
我寧願花時間識新朋友好過花喺一個唔愛自己嘅人身上

所以千其唔好俾感覺去驅使你的行為,你越肯勇敢地放手,對異性就有吸引力



新post 留名#good#


新post 留名#good#

如果冇事就快啲走啦
唔好行返入蒞望返轉頭喇#bye#


http://forum5.hkgolden.com/view.aspx?type=LV&message=5209423

上一個post,感謝好多巴絲打既故事同支持[sosad] :-(


#bye#


最後一日佢哼過既歌O:-)
https://www.youtube.com/watch?v=1TNW-kN1aTY


http://forum5.hkgolden.com/view.aspx?type=LV&message=5209423

上一個post,感謝好多巴絲打既故事同支持[sosad] :-(

同是天涯輪落人
一齊加油一齊cheer up


新post 留名#good#

如果冇事就快啲走啦
唔好行返入蒞望返轉頭喇#bye#


我都想快d 無事:-(


新POST留名O:-)


KLH巴打段野講得好正確,


已經冇乜事但都要碌入黎傾下計:)


已經冇乜事但都要碌入黎傾下計:)

恭喜你重獲自由#hoho#


已經冇乜事但都要碌入黎傾下計:)

咁快無事咁勁


好中:~(:~(:~(:~(:~(:~(:~(


好中:~(:~(:~(:~(:~(:~(:~(

有咩問題


其實分手又有咩好怕


已經冇乜事但都要碌入黎傾下計:)

恭喜你重獲自由#hoho#

thanks bro, 希望你都可以好快冇事#hoho#


點解每句都可以咁向左走向右走中POINT:~( :~( :~( :~( :~( :~( :~( :~( :~( :~(


已經冇乜事但都要碌入黎傾下計:)

恭喜你重獲自由#hoho#

thanks bro, 希望你都可以好快冇事#hoho#

我諗我仲要啲時間
仲未死心
雖然已經控制住自己唔好搵佢


已經冇乜事但都要碌入黎傾下計:)

恭喜你重獲自由#hoho#

thanks bro, 希望你都可以好快冇事#hoho#

坦然面對真漢子#good#


竟然有(2)@_@


已經冇乜事但都要碌入黎傾下計:)

咁快無事咁勁

我唔敢話完全冇事, 但起碼唔影響我生活同心情
而我咁快冇事嘅原因係因為我份人有d好勝[banghead]
今朝佢係IG打左d野, 激發起我忘記佢嘅意志

冇錯, 我依家都仲會俾佢果d刻意俾我睇嘅說話激到
但慢慢已經冇咁在乎:)


已經冇乜事但都要碌入黎傾下計:)

恭喜你重獲自由#hoho#

thanks bro, 希望你都可以好快冇事#hoho#

我諗我仲要啲時間
仲未死心
雖然已經控制住自己唔好搵佢

唉, 其實都係兩個字, 習慣


其實我好懷疑,係咪真係會有忘記佢既一日

我硬係覺得佢會起我心入面佔好重既位置#oh#

i know that feel

唔係你覺得
係佢真係好重要

唔係話冇咗佢生存唔到之類
而係覺得佢既人生經歷入面佔一個好高既位置
好可能以後遇到既人都唔會追得上[sosad] :)


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 8/8/2022 12:09
今天貼文總數: 451 | 累積文章數目: 7,036,680

聯絡我們 | 服務條款 | 私隱政策 | 廣告查詢 | 職位空缺
Copyright © 2022 HKGolden.com. All Rights Reserved.