主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 感情台內。

有關整合forum 1~15事宜

高登討論區定於下星期三(14/6)將forum1~15整合為http://forum.hkgolden.com,屆時有部分未獲授權的第三方app與瀏覽器plugin或會受到影響。不便之處,敬請原諒。
精選文章
DeerGamer
New App Android IOS
高登主頁 » 討論區 » 感情台

Locked 此貼文已鎖,將不接受回覆。

跳至第

發起人
你失戀了
1001 個回應


被分手,一直唔願意接受,但事實就係事實。睇住你既初戀,一個曾經好愛你既人,突然之間完全唔再需要你,甚至唔想理你,厭惡你,你想挽留但係無能為力,果種苦澀唔識形容。口好硬,同自己講未分手,但係心知肚明,每日心口都隱隱作痛,依一排冇晒胃口。

你好理智,識得安慰自己,同自己講「呢個世界冇乜話冇咗邊個唔得,時間會丟淡一切,捱下啦,好快冇事嫁喇。」然後你工作睡覺禱告娛樂十分刻意過好每天。但係有日你坐起辦公室,果日冇咩做,你上下高登,睇下facebook,然後無啦啦又諗起佢。即使你的真感情瞞得住,即使眼光勉強的擺到別處,想起佢的好處,想起那些相處,令你連嘆氣也沒法自如。然後你崩潰,開始流眼淚,但係又唔敢畀同事知,於是你匿入廁所,盡情咁喊,其實可能一門之隔既同事聽到晒,但你根本就冇辦法再去理咁多。喊喊下你望住鏡入面既自己,似乜野?垃圾你起度做緊乜野?你開始嬲自己咁廢柴,愈係嬲,就愈係廢,你喊到收唔到聲。你諗起有人話過「崩潰?我有經驗,選一週最後那天。」你諗一諗,原來今日先星期三四,點算?然後你起喊到冇乜事既時候出返去,開始搵人求救,放低自尊,同你信賴既朋友訴說自己幾咁廢狗。因為你知道,再屈埋起心,你會頂唔順。然後佢地會安慰你,安慰既說話不外乎「係咁嫁喇……失戀係好痛苦」、「喊下啦,喊下就冇事嫁喇」、「傻仔蒞既,冇乜大不了嫁咋,可能下個仲好呢」、「其實佢都唔係咁好姐」,其實你一早就諗過晒,只係唔講依啲又可以講咩?

講完一論,你平靜返,然後你同自己講,唔可以咁廢,要企返起身,做返自己,做返佢鍾意既自己,希望可以追返佢。於是你開始懶係灑脫,好似冇事,開開心心,同佢講你地仲係朋友,同佢九唔搭八咁傾下計。你會去搵人玩,想分下自己心。見到個friend又變返以前既自己,講女講咸濕野,夠噏無極限。不過無論你點迫自己都好,whatsapp入面果啲群組你真係冇心機去理。但係你既堅強只能夠支撐幾日,因為你會忍唔住想同佢再進一步,然後你就會摸到果層防線;又或者係你偶爾知道佢出去玩,你會諗,自己起度行屍走肉,但係佢已經放低晒出去開開心心;甚至你會諗,其實佢係咪已經有咗第二個,同第二個溫馨緊。你又開始忍唔住喊,幾次之後你已經唔再驚,起大街大巷直接就流眼淚,


#good2#149    #bad#13  
標籤: 經歷 , 拍拖
一路行一路喊,其實根本都冇人會理,你可以好盡情咁流乾你既眼淚。其實你唔知自己喊乜春,喊有咩用姐,冇人會可憐你嫁啵,但係又阻止唔到自己喊。喊到個人醒返,然後同自己講,其實唔係,佢只係咁啱忙姐。

於是不斷輪迴,你好攰,你唔知道仲要輪迴幾多次,你先會死心,你好唔想再繼續咁樣,你冇諗過要自殺,但係你覺得咁樣生存好辛苦。你又鼓唔起勇氣要自己放棄,其實你依刻最怕既就係自己死心,因為你最唔想既係同佢就咁完。

你真係好愛佢,你好想有個機會畀自己去改變,令佢回心轉意。
你好想同佢可以繼續行落去,白頭到老……


:~( :~( :~( :~(


:~( :~( :~( :~(

喊乜勁丫,收聲啦


留名


分手ja ma :)



亞太區有一天成為亞太區你個街分左唔夠半個月就同第二個一齊, dllm, 仲話同我做返fd, Hi 你呀我做埋你個電燈膽好冇#fire#

你知唔知我好掛住你:-( 三年啦我地,:~(


算向左走向右走數喇


分手ja ma :)



亞太區有一天成為亞太區你個街分左唔夠半個月就同第二個一齊, dllm, 仲話同我做返fd, Hi 你呀我做埋你個電燈膽好冇#fire#

你知唔知我好掛住你:-( 三年啦我地,:~(

其實明確知道佢係有咗第二個都好丫…
起碼真係大條道理畀你去死心
佢唔愛你喇

但係佢同你講冇第二個,
只係唔想再同你一齊……


算向左走向右走數喇

你唔好咁啦…


仲理你都只係比面你


對...我失戀了


對...我失戀了

希望冇講中你


仲理你都只係比面你

其實心入面求既反而係唔畀面
1) 睬你都廢事,唔好再煩

2) 將你轉做兵,盡情使用


留名


放下吧,更好的在你的前面


Sammi首歌真係好正:-(


哈哈唉


Sammi首歌真係好正:-(

http://youtu.be/LY8d9zf2hNg
講多無謂 播歌啦;-)

即使我的真感情瞞得住
即使眼光勉強的擺到別處
想起你的好處 想起那些相處
令我連嘆氣也沒法自如

講不慣的心中情談不盡
演不慣的這處境失去自控
不止你不相信 即使我都不信
為你連兩臂也沒法相擁

如果這闕歌將要對你唱最後一次
如果將這種感覺對你說最後一次
情感會更加真摯 連呼吸也不可以
猶如堤缺後沒法停止

如果這眼睛將要對你看最後一次
如果將這生戀愛對你愛最後一次
時光會更加真摯 回憶都更加精緻
然而為你而難過不已 不只這一次


放下吧,更好的在你的前面

你唔想要更好,你只係想要佢…


放下吧,更好的在你的前面

你唔想要更好,你只係想要佢…


其實可能唔係掛住個人 係掛住一齊開心過既回憶:-(


你分手左幾耐


Hi 你我以為自己放低左
睇完你打既野先發覺原來仲係好掛住佢 :~(
不過我係時候要死心啦
佢已經同左第二個一齊 :-( :-( :-(


放下吧,更好的在你的前面

你唔想要更好,你只係想要佢…


其實可能唔係掛住個人 係掛住一齊開心過既回憶:-(

唔知,冇人答到依個問題
同佢相處既時候好開心,
咁到底係鍾意佢定鍾意同佢相處 ?
有分別咩。


你分手左幾耐

其實唔係好耐,比起起高登見到D人講既時間
於是乎就諗,
唉Hi,唔係仲要痛苦咁耐呀嘛…


Hi 你我以為自己放低左
睇完你打既野先發覺原來仲係好掛住佢 :~(
不過我係時候要死心啦
佢已經同左第二個一齊 :-( :-( :-(

對唔住 :-( 挑起你既傷心事
祝早日康復


忙…記 :-(


跳至第

高登主頁 » 討論區 » 感情台

Locked 此貼文已鎖,將不接受回覆。



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 15/8/2022 0:06
今天貼文總數: 620 | 累積文章數目: 7,039,082

聯絡我們 | 服務條款 | 私隱政策 | 廣告查詢 | 職位空缺
Copyright © 2022 HKGolden.com. All Rights Reserved.