我無留意硬件野好耐，想買手提電腦，唔要大陸牌子的，用Solid State Drive，唔駛touch screen，做文件、睇Youtube片、讀書用，唔打機。想問下有咩注意地方？
我諗到一d具體問題：
(一) N年前買Mon時要留意營幕有無光點、死點；而家仲要唔要留意呢樣野？
(二) 而家d螢幕，有無d係只有正面對住個Screen至睇得到，旁邊的人睇唔到個screen的內容的(從旁邊睇只睇到黑影)
(三) 非大陸牌子我諗到既有： Asus , Samsung , Acer, Dell, Hp, Msi。想問下佢地口碑如何
(四) 我比較希望耐用，唔知邊d牌子較耐用？ (上一部手提電腦用左7年，而家似乎電池short左，電腦行超慢，迫住要買新既)
至於例如CPU型號呢d，我已經同時代脫節，求各位指教！
1. 用左好耐notebook,未試過有光點呢啲問題,或者係我買親都唔係cheap野
2. 冇呢樣野,買塊3M防偷窺放響面就得,唔洗痴,幾方便的
3. HP可以放棄,用過Dell 9570.幾好用,用左幾年,冇問題,用過thinkpad x60,好耐的了,中間用過MBP,又係一路有事.
4. 電池用得耐一定會有問題,但買啲大牌子,例如dell,實有得換電,電腦行慢左,係用既人既問題,冇得救.
CPU: 唔好諗,一定要買intel. 鑊氣少好多. 最新好似係14代U(唔肯定),所有14字頭果啲U都係14代. 起碼買i5,最好i7,什至i9,唔好貪平,越平越快覺得部機唔向左走向右走掂.
RAM要買足,16G起碼,平少少買8G好快後悔,同埋只係平好少.
而家一定係SSD架啦,唔係果啲,唔洗諗,話知佢xeon,32G ram,一定係垃圾.
display card睇你想點,如非打機,我覺得唔洗買啲有nvidia 40 series display card既機,完全冇用.
