|
講到水冷, 除左用一般既水冷液, 其實大家識玩既都會用3樣物質去做,
第一, 鹽本身就係礦物質, 對於金屬/電子零件有顯著功效, 大家有玩水冷都知, 市面上好多癲佬都玩緊油冷, 你唔好以為重點在油, 重點其實係個礦物!!有名你叫, 佢係叫礦物油, 咁油就唔難搵啦, 你鐘意健康少少, 用普通芥花籽油, 甚至乎你有筆直, 買支Italian既Olive oil都得, 但礦物就煩, 你幾多筆直都好, 你都一定買唔起一個礦山掛? 咁呢個時候, 老母新買既超值牌食鹽就發揮功效, 5千年文代既龍的傳人都古語有云: 食鹽防輻射, 你就知鹽有幾架世堂啦!
第二, 檸檬係為左加強整個有品味既感覺, 點解砌機一定要有側窗? 點解要加led燈? 點解要玩水冷? 點解有I5唔用, 明明打機用唔著4C8T都要用E3? 因為咩呀? 型棍! 有生活態度! 有品味家明既情操! 就好似HIGH TEA一定要有一杯唔篤既熱檸茶一樣, 哥飲的不是檸檬味, 是香氣!
最後, 為左防止CPU氧化, 所以唔好用普通水性水冷液, 用加左二氧化碳既七喜就岩曬. 點解? 因為碳酸飲品本身入面既氧已經同碳發生曬代學作用, 即係CHEMICAL REACTION, 變成左二氧化碳, 再加上曾經都有名醫講過, 糖份對大腦係好有用,咁我問你, 如果一罐可樂=8茶匙既砂糖, 而一部電腦又大你個腦咁多, 你用廿四罐七喜浸住粒CPU, 你覺唔覺得對部電腦都好D? 佢係你親手製造出黎, 你就應該對佢負番應有既責任! 咁樣先不失成為硬件台一份子既精神!
|
