之前聖誕爆左逆轉5,整體黎講今集好過4,故事比4吸引同合理.
故事方面:
我最中意第二三章.
其實今集走未來風格唔太討好,但第二章以妖怪為主題.我幾中意d case加入妖怪,靈異,傳說等元素,有神秘感,同時有番頭三集幾feel.而第三章故事夠緊湊,幾峰迴路轉.三條友證詞都唔同,有羅生門feel,有懸疑感.

主線中規中矩,推理同犯人動機算合理.但係最後法庭逆轉位有少少失望,成步堂冇實質證據證明亡靈由橋跳過吊橋,只係話亡靈冇咩感情,夠薑跳.證明番轟三係亡靈都一樣,冇實證,都係靠拆穿佢心理令佢認罪.雖然都叫合理既,不過冇咁精彩同有說服力.但整體節奏都叫緊張熱血.

今集都有稍稍回應第4集劇情,交代成步堂點做番律師.但係第4集既裁判員制度同MASON系統就不了了知(唔題都岩,呢兩個BUGS到不能接受).

系統方面:
-今集個心理分析系統主要用黎搵出證人隱瞞同講大話既地方,然後再做推測同指證.比起睇看穿,呢個系統有說服力,有根據得多.第4集幾乎一看穿小動作,證人/犯人就會自爆,但諗深一層,講某句說話有小動作係咪等於講緊大話呢?似乎唔係,有d人講粗口都會打冷震.第4集最終boss就突破盲腸:"唔通證言時有小動作既證人都係犯人?".而今集主角會配合心理分析系統做出推測同指證,證人唔會下下自爆.

-今集看穿同心靈枷鎖就出得好少.心靈枷鎖整得好求其,次次一出現你手上已經有齊證據解鎖,唔洗周圍搵情報,有d仲唔洗出示證據,就咁三揀一.

-今集難度太低.指證好明顯,冇咩伏位,最後一關指證錯左又唔會加重懲罰.搜查部份都易左,有本筆記話你聽下一步做d咩,以前要留心睇對白再推測下一步行動.另外,今集有得睇番d對白.但呢個設計都幾好,有時睇漏左有得睇番.

-今集冇得個個場景調查同指證人物,冇左好多樂趣,過往調查場景會有好多有趣對話同彩蛋,從中可以睇到角色形象同角色間既關係

角色方面:
-女主角心音人設麻麻,唔太討好,係果類熱血衝動,扮堅強,實際脆弱既角色.形象唔係好突出,冇咩吸引人或令人心刻既地方.好似逆檢既美雲咁.

-王泥喜份好少,但係最後告心音果度證明佢有成長,識獨立思考,唔會盲目跟從成步堂完全相信被告.

-出番以前d角色,畀老玩家開心下.春美有都出(雖然同路人甲冇分別),反而真宵唔出
p.s.從春美口心得知,真宵同春美係呢8年有定期探成步堂

整體ok既,好過4
今年出第6集,搵一個有巫女同法術既國家做舞台,加番d靈異元素,所以都幾期待,可惜冇中文版,等漢化又要兩三年.

另外4月有逆轉動畫,睇POSTER,畫風同配色好似怪怪地,令我諗起老夫子動畫