「五索」捱過窮過 立志要成為有錢人
現年34歲的五索，原名鍾睿心（Rachel），兒時家住大埔街市內的唐樓，與老鼠曱甴同眠。據閨密透露，自小捱苦的她，好細個已經立志要成為有錢人，所以選擇男朋友，首要條件必須要有過億身家，閨密憶述：「Rachel 喺18歲嗰一年識咗前夫，佢前夫屋企做生意，身家過億。當時Rachel以為自己搵到大水喉，點知佢生咗個B之後，發現老爺唔放水，一啲嘢都攞唔到，於是立即就帶埋個BB走人。」
目標為本的Rachel，之後經常出席富豪飯局「獵食」，並且很快便捕獲心目中的「終極目標」。在短短的9年間，她的戶口由幾萬蚊，時至今日手執山頂豪宅單位，成功脫貧。
閨密大爆 「五索」富貴男友係馬清偉細佬
在網上直播中，雖然五索鍾睿心Rachel經常炫耀自己有個富豪男友，但從來沒有公開對方的真實姓名。不過，閨密就大爆，指Rachel一直做人「小三」：「佢嘅富豪男友咪就係馬清偉嘅細佬，大生銀行嘅主席馬清鏗囉！Rachel真係好嘢，可以箍到呢個男人近10年，佢成日同馬生講，話自己冇名冇份，希望都有啲嘢揸手；於是，馬生送咗一個麥當勞道單位俾佢，成9,000萬蚊㗎，馬生真係好錫佢！Rachel仲同我講過，幾年前，佢哋去杜拜坐直升機慶祝周年紀念，馬生喺直升機上面過咗1,000萬蚊俾佢做禮物，真係誇張！」
榮升富婆後 生活「堅離地」
飛上枝頭變鳳凰的Rachel，自從榮升富婆之後，生活亦變得「堅離地」，購買任何物品皆不看價錢，她更非常大口氣地表示，沒有過億身家，就不能與她做朋友。最近，她之所以經常拍住林作同裕美玩騎呢，原因是她做闊太做到悶悶哋，忽發奇想要做歌手，所以重金聘用林作做軍師。之後，林作就靈機一觸，在他和裕美的情侶檔內加入Rachel，成立三人組合「龍躉」，並每日拍攝騎呢短片放上網，幫助Rachel打響知名度。結果，在過去的30日，他們所拍騎呢片的點擊，竟然有約2,400萬次，可謂獲得空前成功，Rachel也搖身一變竟然成為「網紅」。
