我知道佢搵左邊兩個龍友入去做免費攝影師，我都影開相但係入到去如果又唔俾影，我覺得有啲人好似變相有特權咁，不知都知依啲民間自發fc都係特權產物!
官方搞又好民間搞又好，最緊要做到嘢，令fans入會之後可以更加容易接近偶像，做唔到呢個功能嘅話，就係廢嘅，唔需要呢個fan club，但係做到呢個功能嘅，收費又喺合理範圍，咪俾佢囉，當係私追嘅opportunity costs嘅trade off
而呢個功能一向會形成排他，可能會令無入會嘅fans不是味兒，正如都聽過有fans抱怨gigi姑丈，攞簽名份嘢遞到埋gigi手邊了，但姑丈見佢唔係會員，就攔住佢，話「你唔係fan club嘅唔同你簽得㗎喎」，咁個fans心入面服定唔服，都已經唔係個fan club搞定民間搞嘅問題
由唔知幾時變咗會員先可以簽名合照
![[sosad]](/faces/sosad.gif)
，咁搞你個星咪變咗你小圈子圈養嘅動物，可能我老餅啦，依家啲追星文化真係好特別！
都唔係個個活動係咁嘅，只係易啲同難啲嘅分別，公開活動嘅話，如果粒星有時間留喺度耐啲都會同路人合照，舊年如心廣場Chantel都試過一次啦，影完fans之後，好多非會員fans同路人排隊同佢獨照
見住有對夫婦用BB車推住隻狗經過，老公想排埋一份，俾佢老婆反佢眼，老公最後只離遠影咗Chantel幾張相，俾佢老婆睇，佢老婆妖佢
簡而言之，都有不少場合係「會員優先」而非會員專有
其實fan club優惠會員呢件事，盤古初開已經一定係咁做，唔係setup個fan club嚟把咩，並唔係話而家先係咁
anyway, 我都係第一次喜歡一個明星喜歡到入FC，以前我喜歡蘇慧倫我都冇入過咩歌迷會，可能當年都仲有唱片賣，唱片公司久不久會搞下公開CD簽名會，變相想近距離見真人同埋攞簽名都比較容易，只要買張CD早啲去排隊就得，都唔使要入歌迷會先有呢啲機會
但而家都冇唱片又冇周邊賣，唱片公司又唔揼錢宣傳，歌手又因為唔宣傳少公開露面，私追無門，變相得返FC先會搞呢啲活動，所以入FC嘅動機就大咗好多
