主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 娛樂台內。

有關帖文題目顯示香港字問題

一直以來,不少會員反映討論區帖文題目未能正常顯示香港字,由於此項更新牽涉整個系統,故一直未能完善。然而我們明白各會員對此有一定需求,決定於星期三早上7時短暫「熄登」更新系統,解決題目顯示問題,預計需時兩小時。不便之處,敬請原諒。

更新完成後題目將支援香港字、大部分日文及韓文字體,字數限制將由現時25個全形字符增加至30個。與此同時,討論區桌面版將增設M版現有的回帶及追蹤功能,發表頁面的題目輸入位置亦會加入字數提示功能,希望能改善大家的使用體驗。

香港高登討論區管理員團隊
精選文章
DeerGamer
New App Android IOS
跳至第

發起人
江婉穎拍片大談參選過程 批評有傳媒對有口音佳麗太刻薄
11 個回應
蘇雅琳

https://s.yimg.com/ny/api/res/1.2/Cz5JkpIWMwShq18hCu2NWA--/YXBwaWQ9aGlnaGxhbmRlcjt3PTY0MDtoPTM0OQ--/https://s.yimg.com/os/creatr-uploaded-images/2022-09/96d6ba20-3fa2-11ed-a79c-c277d2a1c7b6


《2022香港小姐競選決賽》喺日前(25日)圓滿結束,結果由8號林鈺洧成為冠軍,亞軍及季軍就由4號許子萱及14號梁超怡奪得,而13號邢慧敏則奪友誼小姐。今屆港姐有唔少佳麗來自內地,所以佢哋都係操半咸淡廣東話,有佳麗甚至要司儀多次幫忙翻譯,好似徐麟(Astrid)喺泳裝問答環節聽咗兩次都唔明條問題,要丁子朗再用國語發問,佢原本想講「天堂美食節」,不過就一度誤以為佢講「天體美食節」,成為網民熱門討論話題。而上屆退賽港姐江婉穎(Wynn)近日拍片上載到小紅書,講述參選嘅過程、退選原因及​​批評部份香港傳媒對有口音嘅佳麗太刻薄。

上屆退賽港姐江婉穎喺前日(27日)拍片上載到小紅書,首先佢就透露自己嘅參選過程,佢上年喺就讀完研究生嘅時候,受到老師鼓勵而參選港姐, 當時佢就搵咗一個朋友做提名人,而提名人唔需要有特別要求,只要了解參賽者為人同埋真心推薦佢就可以。

去到現場後,佳麗們隨即換上泳裝,畀曾志偉及TVB高層過目,喺佢哋面前轉圈展示樣貌和身材,而現場亦有兩至三部攝影機喺唔同嘅角度影佢哋,而呢個時候評判們就係睇佳麗們嘅身材是否高䠷、長相是否大氣又精緻,同埋氣質有冇親和力。

之後佳麗們就會著返平常嘅衣服,同評審們交流一下,評審們亦會問一啲問題,因為江婉穎係來自廣州嘅關係,佢就被問到「什麼時候來香港?」、「為什麼來香港?」、「平常喜歡吃什麼菜?」及「有什麼興趣愛好?」等等問題。 江婉穎認為整個交流過程唔會特別嚴格,評審們只係想考驗佳麗們嘅談吐舉止同埋廣東話發音,佢仲話如果只係憑長相過關,而廣東話嘅水平未去到正常溝通嘅話,喺之後嘅比賽環節都會被篩選下去。

之後,佳麗們會被安排與傳媒見面,佢就批評香港有部份傳媒對有口音嘅佳麗太刻薄,因為佢憶述有個佳麗係來自內地,當佢講完有口音嘅廣東話後,有傳媒就直接問佢「你係邊度鄉下?」,令佢覺得好冇禮貌。

江婉穎亦有講到自己退賽嘅原因,第一就係佢嘅審美理念與評判不符,佢憶述有個生得好靚嘅佳麗,而佢嘅身材就偏向肉感,評審們就當面批評佢太肥,一定要減肥,減唔到肥就唔好嚟啦。而第二個原因就係不滿TVB合約嘅「霸王條款」,佳麗們必須要係「零合作、零簽約」嘅狀態,不過好多佳麗們本身係KOL,所以都有合約喺身。而節目組就要求佢哋即場打電話同原本嘅公司解約,之後先可以進入比賽。而佳麗們解約仲要立即簽約,但TVB嘅合約期太長、再加上起薪不高,所以佢選擇退賽。最後,江婉穎就話今年比上年好,而粵語嘅要求降低,所以來自內地嘅參賽者亦有所增加。


#good2#1    #bad#18  
標籤:
影片出街後,唔少內地網民為內地佳麗抱不平,例如「今年的astrid也是,用她引流,吸了一波關注度,最後罵聲全她一個受,香港評論區就不說,小紅書我們自己同胞都可以這麼尖酸刻薄。不說別的光是參加的勇氣都值得鼓勵,五強明顯擺佢上台,還不如止步20強10強算了。」及「反正他們挺雙標的,海歸就可以粵語不行。內地人就是北姑。」等等。另外,亦有網民認為香港小姐應該要講標準廣東話,留言話「選香港小姐,又唔係選華姐,粵語準確應該係基本要求,唔係點代表香港呢?」及「廣東話差被狠批是應該的,每個行業有專業技能的要求,如果說着同樣不鹹不淡北京人都聽唔懂的普通話去CCTV面試,難道就可以接受了?」等等。


問你邊度鄉下有幾冇禮貌
自己都覺得大陸好失禮咩 [banghead]


:o)


點解唔整返個中國小姐
跟住要夾硬要香港小姐Stop la
跟住可以講一個中國只有一個中國小姐
咁咪合情合理合法


藍絲係咁
又要為錢奶中國
但又唔知憑咩睇唔起人


你係邊度鄉下?」 呢句有乜刻薄成份??

當你個人自卑,任何人問你都覺得人地刻薄你
正垃圾


林明禎 夠重口音啦, 又唔見人地刻薄佢?
https://64.media.tumblr.com/c5c8ed6cc506c0644518c7dfc06b2245/0a0f56f746dcb0b2-85/s1280x1920/3d0f39f796ecfa7f8d48e2e2c50d102fe3400b29.gif


左膠膠


廣東話講唔好
幾有智慧?


係 lo 千其唔好去外國參加選美
唔係一陣人地問 where you from
又受到委屈就唔好 la:~(2fn


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 29/11/2022 19:09
今天貼文總數: 700 | 累積文章數目: 7,077,492

聯絡我們 | 服務條款 | 私隱政策 | 廣告查詢 | 職位空缺
Copyright © 2022 HKGolden.com. All Rights Reserved.