我三中
人工都係
都有想識另一半
唔使靚仔但唔好污穢古怪
希望性格同脾氣可以
唔好叫雞嗰啲
冇宗教信仰 但尊重所有宗教
唔想生都唔想要小朋友
唔需要養我任何一個屋企人
我想繼續返工
我都唔知自己想唔想識另一半其實
有時係想 但有時又好驚
可能我阿媽結過三次婚(CLS
令我唔想做啲咁嘅嘢傷害下一代
有時都想有個人一齊旅行 飲下咖啡過日子
另外
我都知喺男性主導嘅高登提出任何疑似貶低男性嘅話題都會俾人屌
但都想分享少少自己關於 “上進” 嘅睇法
上進有時唔係好直白咁反映喺人工上面
我諗係屬於一種不甘現況嘅狀態嚟
反正高登冇乜人上，我都講多少少自己嘅嘢
我當年俾屋企送出國，但因為家庭問題冇讀完高中就返香港出嚟做嘢
真係得嗰幾千蚊一個月，好在我叫做識少少英文，可以揾到份文職，唔使做飲食業
唔係睇唔起飲食業，而係正正留學嗰陣時做過飲食業，知道飲食業好辛苦好污糟，同埋啲廚房師傅非常口賤
做幾年之後返去外國WH儲錢讀咗個high dip
我嗰陣時返學full time，打三份parttime工，夜晚做功課到半夜，好辛苦
返嚟香港之後做到大概主管嘅位，一開始兩萬，再轉工到兩萬五
之後報個online Bachelors 兼讀
轉埋行，去到而傢三萬幾
有學語言嗰啲，有時上下啲興趣班
我知，喺高登喺香港甲級寫字樓嚟講我人工唔高
但我喺有限嘅資源同問題家庭下，好努力爬到而傢嘅位
雖然冇得贏在起跑線，人生過得辛苦，知道幸福唔係必然，上進係可以改變到少少
