MNT13900
今日好搞笑, 無啦啦有唔識嘅中七學生寫電郵畀我話可唔可以約去見面, 我心諗三唔識漆見佢做乜. 轉寄咗去佢哋老師同埋一個阿頭度, 之後嗰個阿頭話經過見到嗰啲學生聲稱有篇文章想我幫佢睇下, 話同佢哋講我自己有自己嘅學生佢哋嘅文章應該搵返佢哋嘅老師傾
之後再搵返佢哋嘅老師先知道原來係應該佢哋希望retake中六全部科目, 但係佢哋嘅老師話唔好, 個阿頭亦都講咗唔好, 佢哋諗住妄想可以繼續是但搵人say yes. 真係唔知諗乜, 講緊我完全唔識佢哋, 就算好出奇地我話冇問題, 本身呢個決定都唔係我話事㗎啦
之後另一樣嘢係最尾一堂無啦啦小學部帶咗一大堆小朋友話有漢語課外活動喺我間房度. 啲學生同埋我都同佢哋講但係我哋有堂上, 仲要有個問我咁佢哋可以去邊, 我鬼知咩. 之後我淨係買咁喺度講唔知邊個負責整時間表, 不如你問嗰個人. 佢哋仲好似好迷惘期望我幫佢哋解決問題, 我就閂門行開咗. 之後同小學音樂老師傾下先至理解到應該係嗰啲人係co-teachers, 佢哋已經慣咗唔會做任何決定, 小學班主任叫佢哋做乜佢哋就做乜淨係follow order, 所以連自己搵解決方法嘅能力都欠奉, 期望我比指示佢哋. 真係估唔到都已經咁大個人都唔識自己解決問題. 連走去聯絡自己line manager都唔識. 佢哋喺出面搖搖樣樣15分鐘之後中學部校長同我講最終有人問佢點搞, 佢先分咗間班房畀佢哋
MNT19900
今日朝早去醫院之前要食嘢先所以去到lunch time唔肚餓冇食lunch. 去到下晝食返個雙拼
