求下你唔好再用拼多多淘寶 正正經經去番鋪頭買嘢 否則香港經濟Stop la大家都無運行
傻豬
同一樣嘢鋪頭買貴20-30%
就係為左撐起香港經濟？
你未免太睇起你自己
一來就算你唔做大把人做
二來放長遠啲睇
無論香港或者大陸
網購已經改變左成個生態
實體店歿落係遲早既事
建議你留返啲錢，為自己儲多錢好過諗住救經濟啦
![[sosad]](/faces/sosad.gif)
如果只係貴少少 唔洗等
邊得黎咁多人網購？
好既 貴一倍
勁既 打多個0
仲要俾班垃圾sales 當狗向左走向右走
就算我唔網購 舊錢都唔會係香港洗
鋪頭Sales都係一個重要因素, 先唔講態度, 因為公道D講我覺得香港街鋪90% Sales態度其實都正常有禮既; 最大問題反而係專業知識!
以前去電器鋪買電器, 裡面個夥記會試得話你知兩個品牌有咩優劣, 同產品兩個型號邊個更合適; 去成衣店買衫個服務員會主動話你知件衫個材質適合咩天氣, 會否縮水, 入唔入得乾衣機; 簡單講就係買產品之餘其實都係買埋專業服務;
但依家, 你去大部份連鎖零售店問產品內容, 班MK妹同口音阿姐十個有八個答"Sorry我唔太清楚呀" / "可能上網有教學", 勤力D既會同你一齊閱讀包裝盒說明再估答案, 或者叫另一個同事過來一齊研究; 最終其實都係靠自己上網check. 咁我得到既同自己online買其實無分別, 但online買平D喔!
反而近年, 淘寶拚多多網店客服越來越專業, 例如配零件, 就算你自己覺得已經知道邊隻合適, 個客服都堅持叫你影相俾佢確認, 費事你買錯, 你係會有果種將來會"返頭買"既信心.
