Deliveroo撤港｜Keeta抽水Post被批貓哭老鼠 網民：學下IKEA小編啦Deliveroo戶戶送昨日（10日）宣布將會撤出香港，4月7日起停運，有學者歸因另一外賣平台Keeta進入香港市場時「燒銀紙」搶客，積極推出優惠吸客，而Keeta昨日亦有在社交平台Threads上出Post「抽水」，但內容被狠批貓哭老鼠。
Keeta的帖文稱：「呢9年辛苦你了。 應承你，我哋會繼續守護每個香港胃。將新鮮熱辣嘅美食用最快速度送到每一戶～」但網民似乎唔Buy，紛紛留下負評，認為Keeta「落井下石，劣幣驅逐良幣的代表作」，又建議Keeta向IKEA小編學習。IKEA昨日亦在Threads上發文，內容提及「戶戶都會掛住你」，戶戶兩字特別使用了戶戶送的品牌顏色，被網民讚「用佢哋隻藍色紀念佢哋」、「有料」。
不少網民留言認為Keeta抽水Post「食相難睇」，指「分唔到你地今次係人品差定純抽水，一個香港扎根咗咁耐嘅品牌，真係需要攞景咩？」、「根本幸災樂禍，你以為自己好體貼？」。
不知道你又覺得Keeta這個帖子有沒有「做多咗」呢？歡迎留言分享。
圖片來源：Threads
《好有脆》專門發掘社交媒體有趣帖文，所有內容及相片版權均屬發布人擁有。
https://liff.line.me/1544998575-dRP8PO9n/v2/article/gz21rv2?utm_source=copyshare
自製關公
