只因 National 不能在美使用
其實 National 品牌喺日本本土，自2000年代起已經唔再用。
事緣當地發生 "燃氣式暖爐一氧中毒事件"，廠商發現，80年代生產嘅 "National 牌燃氣式暖爐"
(類似氣體熱水爐，用作加熱空氣)，燃氣管嘅夾子出現設計缺陷(夾唔實)，令燃氣有機會洩漏導致用家中毒。
結果廠商要喺日本全國各地，大規模召回該牌子燃氣式暖爐，以便更換燃氣管夾子。
因為日本當地對 "National" 電器品牌產生負面印象，亦係廠商決定統一成 "Panasonic" 品牌嘅其中因素。
