覺得辣，咪溝多啲水，落少啲粉，未聽食辣嘢嗰陣個口覺得啲辣冇問題，食完先發覺啲辣害死咗自己
一個人真係頂唔順，未食晒之前都會停止繼續進食㗎啦
極端級chili pepper/chili powder真係唔得嘅，美國都試過
佢哋量化等級好科學，啲品種完全唔係大陸指天椒咁小兒科
我自問係好受得辣，啲湖南佬四川佬四分三人都唔夠我嚟
我唔係餐餐要辣，多數時間都唔加辣，不過一個禮拜梗係兩三餐會專食辣嘢
譚仔特辣兩碗連湯飲又得，傷心勁辣連湯都得
以前銅記JP嗰檔拉麵頂級8辣連湯勉強得，嗰隻辣到胃有啲慶，湯都被粉溝到好澀吓，好似粥咁
大概十年前，我老友喺意大利帶咗隻辣粉送我
1至12級，知我食得就買最辣嗰隻12級
嗰支嘢真係畢生難忘，食一細啖，成條脷慶足大半粒鐘，縈繞不去嘅
好記得嗰陣夏天，含住粒冰會暫時鎮到，粒冰一融又再嚟痛過，而且痛感同含冰前冇咩分別
當時屋企冇奶解辣，又唔想落街買，我同我friend就咁用冰消極抵抗
可能換咗五次六次冰先至了結到佢，兩友食哂成排冰
