[/quote]
你支持太多爆咗字數，恕我cut緊啲。
唉，中國引擎唔向左走向右走掂係全世界都知嘅事實嚟㗎喎，而家燃油車都仲係市場主要產品，喺近未來有引擎嘅車(包括混能車)都仲係市場主流，你不停咁話聽講中國十幾年前都放棄咗，係因為你自已都知中國引擎根本係無論解放軍定係泰國海軍都唔要嘅垃圾嚟，唔服嘅話你可以講吓柴電潛艇係用乜嘢動力，公共設施的緊急發電機又係有咩動力嘅，啲船又係用乜嘢做動力呢？
你扮睇唔到我都係嗰幾句話：
中國嘅技術係一啲都唔強，
強嘅地方係中國企業有裙帶關係、關稅同政策保護，
將西方國家俾佢嘅技術整合落自己嘅產品度，
你唔服嘅話我，我可以慢慢同你post新聞。
你嘅聽講我就唔知邊度聽返嚟，我只信我睇到既事實。
我淨係知好多原先計劃取消引擎部門嘅廠都已經取消咗呢個計劃，而已經取消咗引擎部門嘅公司，亦都重組緊引擎開發嘅部門，包括喺歐美無論油車定係電車都賣得相當唔錯嘅現代起亞集團。
https://youtu.be/FrFy-aJkWjQ?si=f9eujQn4_7kdre1L
而中國自己亦都大舉出口燃油車到海外。
而你自稱中國電動車技術真係好勁，同我睇到嘅事實完全不符。
最後你又話保護主義，咁唔該你解釋吓係中國到而家都唔肯取消電動車進口關稅，反而話人哋關稅保護返自己嘅產業，唔畀中國用出口退稅補貼，以蝕本價向佢哋傾銷電動車，㨃冧佢哋嘅產業係唔啱。
中國嘅太陽能電池版同埋無人機面對嘅問題都係差唔多。
