藝人莊思敏兩個月前在YouTube上載影片，介紹使用利用JPEX投資虛擬貨幣，稱自己「確實是真的會存錢進去JPEX裹面」，並在影片內示範買入20萬穩定幣USDT「收16厘(息)」。如今相關影片已移除，而莊思敏回覆明報指正在內地，暫未有證監會人員接觸她，稱她是為一間OTC作推廣，而該OTC與JPEX有合作。
莊思敏（jacquelin)今（16日）專程從佛山回港參加《東方女神2023》選美活動。身穿低胸粉紅色晚裝現身的她，相當漂亮，而在接受《香港01》訪問時 ，她就坦承是JPEX受害者之一，目前因為事件己進入法律程序，不方便透露更多。
捲入JPEX無牌風波的jacquelin，在接受《香港01》訪問時就表示：「我都係受害者之一，因為我知道而家進入咗法律程序，所以都唔方便交待太多啦。我都係留意緊佢哋有關嘅公布。（會唔會覺得係被呃？）我覺得投資始終有風險嘅，我希望唔係全心呃，希望中間有啲誤會，唔知道呀。（驚唔驚攞唔番錢？）而家都係交俾警方處理同證監進行緊調查，所以都唔方便發表意見，我希望佢哋調查完之後有個交代。」
雖然Jacquelin不願透露更多，但續問到投資幾位數時，她就揚言：「6位數，（投資前冇查清楚？）因為我唔係直接同JPEX有任何合作，佢喺我立場係一個平台，好似唔同股票行，我係經一個找換店去認識JPEX，只不過我用咗佢個平台去做交易。當然而家預到啲問題，資金凍結咗，希望件事快啲解決。」強調目前也是在靜觀其變，續問到如果資金真的未能拿回呢？她就非常淡定表示：「冇辦法，認命努力工作。」
