我都想講一單發生喺我親戚身上嘅事。
親戚（男）： 拜神， 睇風水， 最憎基督教。
親戚老婆： 幾年前走咗， 臨走前俾個女渡咗信基督教， 葬喺基督教墳場。
親戚個女： 虔誠基督教徒
本來個親戚唔信耶穌， 但係個女就不斷兇佢： 你唔信就無得同阿媽葬埋一齊， 我哋第二時就唔可以去拜你（都唔知乜嘢邏輯
）， 結果個親戚俾佢煩到投降“信”咗。之後走咗。
告別嗰日， 我哋都已經奇怪， 個牧師淨係講 XXX 先生， 唔係弟兄姐妹。 結果隔咗一排爆出嚟， 佢根本唔葬得喺基督教墳場：
Q36. 已有先人安放在天主教墳場，其配偶或親屬若不是教友可否加葬/加放?
A36. 跟據墳場規則 （1） 唯有天主教教友方可安葬在天主教墳場內。
（2） 已接受天主教收錄禮之慕道者逝世後亦可安葬在天主教墳場內。
（3） 生前從未學習天主教要理，臨危或陷昏迷時始領洗者，不得安葬在天主教墳場內。
（4） 已獲發天主教墳場安葬許可證之亡者，方可安葬在天主教墳場內。
而佢個女玩咗基督教幾十年， 根本一早知道個老豆無得同阿媽合葬， 由頭到尾都係為咗自己（喺教會班教友面前）， 而夾個拜神信風水最憎耶穌嘅老豆去信耶穌。
