香港唔止係東亞另類，其實放全球都係男女薪酬差距少既異端，越後生差距越少，反而中年男女差距大，應該同80年代前出生香港依然存在重男輕女，女性受唔到高等教育有關。
但90年代後出生既香港女性已經受到華人社會少有對公平對待(受教育等各方面資源)
放全球要男女薪酬平等可能等50年，放香港可能不出五年30歲以下女性薪酬同男性平等even 更高，所以香港女性真係珍惜自己活在香港，我地係少數可能獨立自主自由生活既幸運兒。
喺絕對唔可以單用薪酬差距就得出男女同工不同酬嘅結論，完全係忽略晒個人意願、工種分布同埋中間好多唔同嘅社會文化細節
好多就算有學歷有事業嘅女人，好多去到生仔後都會花更加多時間去照顧仔女同埋家庭，而選擇唔係職場上繼續晉升，尤其是佢哋嘅老公能夠搵到咁上下，佢哋就更加有動力去放棄自己嘅事業
咁係個人嘅選擇，而唔係性別歧視。唔單只係東方社會，就算西方好多女人都會有咁嘅選擇。 因為社會文化就係認為男人要負責家庭嘅支出，如果家庭經濟能力許可，女人當然有多一個選擇去將時間擺喺家庭上
咁整體而言，當然女人嘅平均收入就會少過男人啦
但係咁樣可唔可以話係性別歧視？就算係，我都覺得只係歧視緊男人。因為男人係社會嘅壓力下冇得選擇，而一定要去擔負起家庭搵錢嘅責任。而女人就有多一個選擇。本身女性角色就已經比男人着數，而家仲要話要強制提升女人嘅收入？咩邏輯？
