依家大陸一般人
搵到4000以上人仔
已經係好向左走向右走好啦
上海好多普通office 員工
得2500至3000人仔渣
你唔做，大把人做
依家派快件，8毫一件
大陸情況複雜，唔同地方唔同民情，實在唔可以一概而論。如果以一般基層黎講，最少要分兩種:
工作方面:
A) 唔駛點加班既工作: 呢類工作以文職為主，基本就係5天8小時，可能平日或周六加少少班，工作比較舒服(起碼一般有冷氣)。底薪(時薪)會比較高，因為返工時間少同固定，員工想賺多D既機會都冇，一個月連3000蚊都逗唔到，冇人會做。員工就係靠底薪食飯。
B) 多加班既工作: 呢類工作一般唔係文職，一星期返6日10小時係常態，甚至周日都要繼續開埋工。份人工好大部份都係靠加班賺返黎，到手人工4至5千只係基本。呢D工底薪(時薪)就比較低，因為要控制返個加班成本。送快遞外賣哥D，一個月賺6千蚊已經算少，人地真係多勞多得，走一轉又寄又派，唔少件的，加上一日返12個鐘多的是。呢D工你HEA做係冇人請的。
人都一樣，要分兩種:
C) 一種就係賺夠用就算，唔求多，討厭加班，工作最緊要唔好辛苦，唔駛養家供樓。每月賺3千都有錢剩，志在每月有份工作，有D錢俾佢飲飲食食買下野幫補下，最緊要有時間俾佢返屋企湊仔或者見朋友。呢種人以城市年青人或者師奶為主，特別係大城市土生土長哥D。
D) 呢種就係傳統大陸人，夠勤力搏殺，一心就係搵錢， 冇得加班會劈炮，每日返10個鐘係基本，日日都想返工，一個月俾佢放一兩日假去買下日用品已足夠。只要有加班費，甚至成個月都唔放假都得。呢種人以農村出黎既打工仔為主，因為要搏命搵錢拎番鄉下養家買樓。
以前大陸工業發達，B工同D人比較多。宜家大陸年青一代有新思想，屋企又較富裕，D人越來越少，C人越黎越多。
