睇當地人生活, 又唔覺生活質素,
高過香港甘多?
因為新加坡嘅GDP，主要都係同政府有關嘅企業賺取，真正流落去比一般市民嘅其實係唔多
所以新加坡嘅大部份工種嘅人工其實係比香港低。呢樣野係新加坡政府專登造成，因為佢認為過高嘅人工會令到新加坡嘅競爭力減低
成個新加坡就係一間公司嘅營運模式，你能夠上到去同政府相關嘅機構做高層人工自然好高，但係大部份打工仔其實只係比政府圈養住
或者係因為有外勞頂住個人工上唔到去？
但我聽講新加坡老細要請外勞係要跟local人頭比例，所以有啲會選擇同工不同酬去出高啲人工比本地人/請本地人返去hea做比外勞做晒。
btw新加坡公務員人工30k hkd起跳
只要係私人公司嘅工種佢哋都可以請外國人
低層次嘅好似司機廚師保安侍應嘅好多都係外勞，呢班人人工低住喺勞工宿舍，呢班人人工只係千幾蚊坡紙甚至更低，呢個人工喺香港根本唔會請到人
就算係白領，佢哋都開放好多外國人入嚟做嘢，淨係上邊嘅馬來西亞好多華人都會走去新加坡做嘢，人工只係新加坡本地人嘅六、七成，所以好多本地人都埋怨過政府俾咁多愛人入嚟爭飯碗，所以大部份新加坡白領嘅人工都係低過香港
但係呢個政策係新加坡政府專登做出嚟
新加坡真正高人工嘅係政府或者係真係人手短缺嘅專業人士，同埋同政府有聯繫嘅公司管理級
其實你去新加坡行一轉就知道，新加坡嘅市面真係唔旺，你就知道當地社會嘅消費力有幾多。因為好多工種都係請咗外國人，外勞嘅根本唔會洗錢佢哋會儲起啲錢寄返去鄉下，唔似得香港，做譚仔姐姐都可以搵萬八，得閒去食下野消費下享樂下都得，本地人最終嘅消費都係留返俾本地
