[quote]
當年好多學者同議員都要求政府補貼香港科研經費，而且好早就話一間清華大學嘅科研經費就超過香港咁多間大學加埋，結果董建華就官商勾結、科學園數碼港變成地產項目，中藥港就變成大隻講。
之後到煲呔曾上位都有學者警告政府再唔搞創新科技產業，好快會被鄰近地區超越，結果咪同我哋講金融業可以養活一千萬人，科技產業定位搞低端嘢，乜都唔做。
到CY上場、佢就主力搞分化社會，再工業化要到佢就連唔到任先提出嚟踢畀林鄭。
林鄭未上場就已經冇人鐘意佢、上咗場就同梁家河一樣咁無知兼剛愎自用。
之後嗰個差佬，我都想知佢喺中港畀歐美先進國家聯合制裁嘅情況之下，玩到咩嘢花樣。
一提起香港，我哋都知香港系國際金融貿易中心，商業好發達，之後聽講世界數碼競爭力排名香港也系位居亞洲之首，而且未來建設目標系成為國際創新科技中心，點解會講科技業唔行呢？
![[???]](/faces/wonder2.gif)
有錢有能力嘅大部份都走緊，你睇之前中國官媒仲Hi香港人老母，話我哋唔鐘意可以移民去外國做二等公民、中國大把叻過我哋又勤力過我哋嘅祖國高端人才想嚟香港，我哋中國唔稀罕你哋啲失敗者。近期開始多人移民、多到政府官員同建制派媒體不停講大話都遮唔住，就開始阻人移民，用BNO移民英國唔當係移民，唔瓊准攞MPF，每日一編恐嚇香港人移民會好慘，聽自已國話去咗大灣區發展嘅傑出青年一早就發咗達，但你嘅錢點匯出嚟？
科技產業，依家嘅香港已經好難同IMEC之類依種全球技術合作中心之類嘅機構做全球合作，叻極咪又好似清華紫銳、華為海思咁、用外國嘅EDA、外國嘅IP嚟設計晶片，再畀其他晶圓廠用外國嘅物料、外國嘅技術、外國嘅設備嚟生產，造出啲叫做人有你有，可有可無嘅嘢出嚟，人哋事但唔畀你用其中一兩樣關鍵技術，你就企咗喺度，你真係諗住學兩年前華為咁，用舉國之力不停咁話自己贏，不停咁話美國根本無法制裁自欺欺人就贏到？
科技唔一定係電子, 晶片先叫科. 香港大把生物化學物理, 醫學工程專家, 要做科技科研一樣好多野可以做.
但係港共政府 agenda 就係唔比你搞實業, 要炒賣投機, 所以講乜都無謂, 移民去另一個地方貢獻自己所長啦.
