n年前我都諗過去領養兔仔，上過兔協度做會員，佢話要領養就要家訪同埋上幾堂唔記得咩堂去學養兔仔，嗰陣返工比較忙，諗住遲d先，之後就出左單新聞，有兩姐弟帶隻兔仔出去散步，兔仔受驚跳海死左
我想講既係，同見工面試一樣，你見一條友只係見到佢表面，就算打推薦人電話，難道前上司又好熟悉佢咩？你識你老豆老母幾廿年都未必知佢心諗乜喇，點解d貓狗義工覺得自己面試/家訪幾次就會知道貓狗住得好唔好，主人對佢好唔好？你地全部都係林保怡讀心神探？定係動物傳心師呀？定係純粹人地住幾千呎大屋=對貓狗好？住幾百呎居屋=對貓狗唔好？但事實係中產人士每日忙住返工無時間陪貓狗玩，掉畀工人照顧執屎執尿行街，而居屋向左走向右走因為準時收工每日食完飯都仲有時間向左走向右走下貓狗
講漏左，兩姐弟嗰隻兔仔就係兔協領養返黎
話說幾年前FACEBOOK上有個幾出名嘅貓GP，平時都會見有人貼啲領養／貓仔被領養後嘅跟進POST之類。
有一次就有個貓義工出POST話自己將隻貓交咗俾個外籍人仕家庭收養，養咗唔夠個幾月、個鬼佬就話隻貓咬傷個囡，講都無講就送隻貓去人道毀滅。咁當然個鬼佬係Hi Hi唔駛多講喇，但個貓義工話佢有去家訪時有CHECK清楚領養人底細先俾隻貓人，我就對此充滿質疑。
點解我咁講？因為個貓義工係個POST度貼咗個鬼佬間屋同佢地一家嘅相出嚟，見到張相同佢講個地址（豪宅嚟），就見到個好大嘅露台同啲窗無窗網，領養者好似連基本保護隻貓都做唔到。然後下面清一色係個啲鬧個鬼佬、同個貓義工講唔好唔開心啊「十扑十扑」個啲無謂嘢，而無人質疑過點解咁樣都照俾貓人。到底位貓義工去家訪嘅目的同揀領養人嘅標準係見人富貴就塞隻貓俾人、定係了解領養人做唔做到負責任嘅主人而交隻貓俾人？噤入去個位貓義工個WALL度睇佢哭哭啼啼話自己點辛苦養大啲貓俾人整死幾慘幾剩，真係血都嘔埋。
