Tesla現在主要係無咩傳統汽車廠瞓身去搞電動車而已。 山中無主，猴子稱王。
電動車同傳統汽車分別係engine, 控制系統同埋電池。 其他外型設計，車架等，係傳統汽車廠強項。Tesla車架斷，前軸斷的問題常有發生。傳統汽車廠呢d基本上好鮮見。 而摩打係好老科技，各家的摩打都好成熟，分別唔大。 現在最大分別係電池管理系統同埋電池。 電池雖然Tesla有自己科技，但係大部份都係買番黎，電池技術唔係最頂端。 無咩壓倒性優勢。尤其係佢用的三元鋰電池，燒車燒左好多次，所以現在都有部份車型轉用較安全的比亞迪強項磷酸鐵鋰，Tesla更加無優勢。 現在最大優勢係個電源管理系統。 由於涉足電動車比較早，有好多數據可以參考，對電池管理好有經驗，呢方面係佢強項。個分別係續航力同埋壽命會好d.
當傳統汽車廠真係投入去搞電動車，外型，車架， 剎車，轉向等系統一定好過Tesla, 摩打都係差不多。 電池大家都係買，睇下邊個有牙力。 電池龍頭panasonic係日本電池廠，一定會優先畀本田，豐田等廠。 Tesla都睇到呢點，想去收購LG Chem, 但係LG Chem成日爆鑊，表面個參數係好，但用落好有問題，前排佢d電池累到現代某些電動車型要回收。 其他寧德國際，比亞迪等都係大陸廠。 用大陸電池只係為降低成本。 現在大陸生産的model 3某些版本就係用寧德國際的電池。
Tesla唯一的優勢電池管理系統，當其他汽車廠的數據多左後，加埋好多廠都玩FE方程式賽車。呢d數據會對車廠好有幫助。 個電源管理系統有充足數據分析後可以好快咁追番上去。
長遠黎講， Tesla除左係先行者外，無咩實質優勢。 隨時係下一間nokia或moto.
![[sosad]](/faces/sosad.gif)
