本身唔係咁想入嚟
見到留言成班打仗咁爭個你死我活
後半part討論方向正常返少少，入嚟發表下自己意見算
第一句我想回應，黃藍絲係顏色政治立場取態，個人選擇，樓主你個標題問得咁樣呢，分明係要你兩隻顏色揀一隻。我唔係話要中立，而係我本身就唔認同呢種分法
第二
其他高登仔，我唔清楚。
我本身唔係反黃，而家從來都唔係，假如黃絲重代表到「爭取民主」
我之所以會有反黃言論，有只批評黃唔鬥藍嘅假像。
係因為「黃絲」呢樣嘢已經比班垃圾騎劫咗
（無錯，你一樣可以覺得我都係垃圾，但唔影響我之後想講嘅嘢）敢問樓主對於泛民一事取態係點？
你話「高登仔咩都瀨曬落泛民，連登」
Ok fine, 我都有同感
但你認同佢哋定又係嗰啲「兄弟爬山，各自努力」？
首先，我唔知能唔能夠代表到其他高登仔，我批評嗰啲所謂「黃絲」，並唔係我想攞道德高地，正正啱啱相反。
嗰啲所謂食黃店，發文哀痛嘅「黃絲」先係嗰類覺得自己比無做過嘢/反黃嘅好，佢哋覺得自己至少唔係最衰嗰個就得。抑或你覺得呢種人都係好人，至少佢哋立場係黃？
我批評佢哋係想嗰啲人知道自己並唔比我哋好。
無錯，可能我就係你哋口中嘅「分化向左走向右走」，我覺得「黃絲」呢樣嘢已經係腐敗，唔能夠代表任何嘢，除咗「Seven」之外。
好聽啲，我嘅立場用另一個角度去睇係
「在座各位都冇資格叫自己做黃絲」
