主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 時事台內。

有關帖文題目顯示香港字問題

一直以來,不少會員反映討論區帖文題目未能正常顯示香港字,由於此項更新牽涉整個系統,故一直未能完善。然而我們明白各會員對此有一定需求,決定於星期三早上7時短暫「熄登」更新系統,解決題目顯示問題,預計需時兩小時。不便之處,敬請原諒。

更新完成後題目將支援香港字、大部分日文及韓文字體,字數限制將由現時25個全形字符增加至30個。與此同時,討論區桌面版將增設M版現有的回帶及追蹤功能,發表頁面的題目輸入位置亦會加入字數提示功能,希望能改善大家的使用體驗。

香港高登討論區管理員團隊
精選文章
DeerGamer
New App Android IOS
跳至第

發起人
黃之鋒:長文慎入:有關我點睇612基金同埋人權律師
26 個回應
余於寓娛汝乳

https://www.facebook.com/200976479994868/posts/3457659824326501/

【長文慎入:有關我點睇612基金同埋人權律師】

過去一年,累積左二千幾位被告手足,大家都唔多唔少有申請法援既經歷,但法援署就話後生律師無經驗,唔比無打過暴動案既大狀,透過法律援助計劃代表被告。

結果,依家既情況就係,即使理論上法援獲批都好,都可能政府亂派唔知乜野立場取態兼經驗既律師代表手足,分分鐘手足本來可能有贏面都變輸。

法援署當然係HiHi,但又的確,2019年前既暴動案被告,基本上只得魚蛋革命,一定唔多過60人啦,打過暴動案既大狀真係得十幾個左右,但目前已經有至少600位手足被控暴動;

又好老實講,若果你係600份之1,將心比已的話,你都一定會想代表你果個律師,本身有處理暴動案既經驗,而唔係新手上場,第一單就代表你自己。

【咁,點樣處理「有600個暴動案新被告,但得10幾個律師曾經打過暴動案」既情況呢?】

612基金既處理方法,就係用低於市價既「法援署」價錢,幫手足請「第二位律師」,等一班肯接手足案件既後生大狀,累積打暴動案既經驗,希望等佢地日後可以透過法援署,拎公帑代表手足打官司,呢個就係我對事件既理解。

當然,如果法援署當初肯批「一個被告有兩個大狀代表」既安排,就一天都光曬,612基金連呢個計劃都唔洗推出;正如我以前被告重奪公民廣場案同埋雨傘佔領旺角案呢,法援全部批曬架,仲批埋兩個大狀,一個資深大律師加一個後生大律師同時代表我。

但大家都知,今時已經唔同往日,法援批核越來越緊,收窄到痴線既程度,近排瘋狂做政治審查都預左,資產審查既程度,仲無聊到都連我銀行戶口有$6000 cash out去買iPhone,法援署都特登問我提供埋單據。

【但明明有612基金,律師點解仲係咁叫手足去申請法援?】

呢個問題,查實真係簡單到不能再簡單。你話啦,用民主派既錢(612基金)去出糧比民主派律師幫手足打官司,定用政府錢(法援)去出糧比民主派律師幫手足打官司,會更加好?

答案當然係後者,而前者都係等法援唔批,同埋法援cover唔曬所有律師費之後,先由基金盡量補貼。用政府錢,一定好過用民主派既錢,但呢個都解釋左點解法援署班藍絲,呢一年幾以來好想不斷收緊個批核準則。

即係我觀察幾年以來,有政府公帑錢,民主派律師一定拎(喂,我地唔拎就留返比政府藍營律師拎,咁梗係拎啦);如果無法援但有基金錢,佢地都會想claim,咁點解明明叫做「義務律師」又要claim基金同公帑?

我理解係律師樓交租真係好L貴,例如打一單暴動案審二十日,個律師成個月真係要星期一至五既朝九晚四都坐喺法庭,果個月完之接唔到其他商業民事案件,零收入但又要白交租兼出糧比秘書,確實係難搞唔掂。

不過,如果係有樓揸手兼上曬岸既資深大狀,唔再洗幫自己讀國際或私立學校既仔女供書教學,的確就真係會完全義務,一蚊都唔收又無乜所謂,呢種就真係完全義務律師啦,不過現實係數量真係唔多。


#good2#5    #bad#9  
標籤:
另外,有一點可以補充。據我既了解,刑事案件既法援價係低於市價,而基金提供比律師個價都係緊跟法援,所以律師如果要賺大錢,一般來講都係做商業同民事訴訟案件,例如爭產案先有得發大財。

呢個時勢,香港倒退到大陸咁款,分分鐘遲下有一日拉完手足到律師,好似大陸咁拉完維權人士就拉維權律師;所以肯幫手足既律師,整體來講我都覺得真係好唔話得架啦。

【咁人權律師係咪一定唔會要手足自己比私已錢十幾廿萬咁打官司?】

睇到呢度,可能大家覺得我處處維護基金,又幫班律師解話,講到除左claim法援同基金之外,人權律師都盡量唔會真金白銀咁收手足錢,呢個雖然係我一般慣常既理解,但係咪真係咁好,完全無Hi Hi律師?

答案係,當然唔係!我試過俾律師行追收三十萬律師費。

2017年8月16日,於上庭及坐監前一晚,我就俾韋智達律師call去律師樓,同我講話要我比六位數字律師費,我話果時羅冠聰被DQ無耐,眾志幾個坐監兼十幾人一齊失業,真係搞唔掂。

啊,呢個人權事務律師行老細當時就話我好出名,所以竟然坐監前一晚叫我搵人籌錢,我心諗聽日都坐監又唔知坐幾耐你仲好意思提;當時佢仲在會議室點埋名,提議我叫余若薇捐錢比我,真係不得了。

據我了解,雨傘運動同期被佢代表既知名手足,都有被佢追收六位數字既律師費;而我去到2018年坐完監出來,案件告一段落,個律師樓仲去信要我還錢,金額係三十萬律師費,直至反送中運動前都仲收到信……

總括來講,人權律師當中樹大難免有枯枝,但整體而言都好唔話得,尤其呢個時勢,香港倒退到大陸咁款,可能過多幾年之後,就會拉完手足就到律師,好似大陸咁拉完維權人士就拉維權律師。

至於基金狀況,唔同人有唔同睇法,有人話唔應該浪費錢比錢基金課金比律師,有人覺得直接比錢手足就最幫到佢地,查實呢方面都無絕對既答案;而且,我有時都會覺得,作為二千幾個被告之一既當時人,可能睇個角度同無案既大家,都未必一樣。

總之,自己從幾年前就同各方人權大狀律師打交道至今,於各種質疑同指控當中,純粹希望提供一下自己既想法,感謝大家用幾分鐘睇完呢篇野。


點睇?


唔知邊個話打官司係鴉片喎
拿拿林入去坐吧啦


仲想累積經驗?
又OMDB呀?


你今日捐左未[sosad]


捐錢啦捐錢啦


律師樓交租就貴
人地坐十碌就唔貴:~(


同埋班律師咪又係叫人自首[sosad]


呢頭話律師樓貴,收手足錢好正常
轉頭人地追你律師費就開人名


點解之峰成日扮窮 明明有過千萬籌款係銀行:o) :o) :o)


同埋班律師咪又係叫人自首[sosad]

咪向左走向右走係xx( xx( 收完錢又係即刻叫人認 要黎托向左走向右走


講咁向左走向右走多都是講你捐錢,做人就直接d啦Hi Auntie


又咁睇612基金係大家嘅錢
有理據質疑本數簿都係合理嘅
之前又有單大台音響用大多錢
到底啲錢係淨係幫手足打官司
定係用嚟做民陣營運開支
飲飲食食撈埋一齊用圍威喂
咁咪有人嘈囉


又咁睇612基金係大家嘅錢
有理據質疑本數簿都係合理嘅
之前又有單大台音響用多咗錢
到底啲錢係淨係幫手足打官司
定係用嚟做民陣營運開支
飲飲食食撈埋一齊用圍威喂
本數簿唔夠清晰
咁咪有人嘈囉



律師收錢打官司 再將筆錢比人地做安家費
咁會唔會好d?
接受唔到一開始唔好「幫」
收咁貴 靠害


又唔係玩RPG 經驗嘅作用好有限


律師收錢打官司 再將筆錢比人地做安家費
咁會唔會好d?
接受唔到一開始唔好「幫」
收咁貴 靠害

問題係一般人好難一時三刻畀到錢出嚟請律師

靠基金就預咗被人掠水
呢個世界好邪惡好現實


講左一大堆“據我了解“既論點
總之就係而家無錢喇
大家快啲課金啦

但都係無實實在在講啲錢去左邊


同埋班律師咪又係叫人自首[sosad]

xx(yup xx(yup xx(yup xx(yup


你隻死河童蝗痴瘋收埋咁多捐款唔見跌些少出嚟幫手joke Hi Auntie係咁揾籍口合理化眾籌 最好笑仲有大把黃屎繼續捐


結論:科水啦男朋友#yup#


https://upload.hkgolden.media/comment/ts0dhnua.jcm5ewk445k.2rqjwanjy1n.jg4.jpg


612 黃之鋒原來有關


你捐咗未呀
你唔捐對唔對得住啲手足呀


又咁睇612基金係大家嘅錢
有理據質疑本數簿都係合理嘅
之前又有單大台音響用多咗錢
到底啲錢係淨係幫手足打官司
定係用嚟做民陣營運開支
飲飲食食撈埋一齊用圍威喂
本數簿唔夠清晰
咁咪有人嘈囉


民主課金, 是眾人捐款
全世界人都有資格, 監測
其實拿左去自用已經可能犯法


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 26/11/2020 4:20
今天貼文總數: 427 | 累積文章數目: 6,775,556

聯絡我們 | 服務條款 | 私隱政策 | 廣告查詢 | 職位空缺
Copyright © 2020 HKGolden.com. All Rights Reserved.