主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 時事台內。

有關整合forum 1~15事宜

高登討論區定於下星期三(14/6)將forum1~15整合為http://forum.hkgolden.com,屆時有部分未獲授權的第三方app與瀏覽器plugin或會受到影響。不便之處,敬請原諒。
精選文章
DeerGamer
New App Android IOS
跳至第

發起人
【蘋人誌】歷劫不動城邦──陳雲
21 個回應
香江19

https://static.appledaily.hk/images/e-paper/20190910/large/1568107708_5c01.jpg

「婆羅洲有個蘭芳共和國。」陳雲憶述這個童年時聽來的傳說。他相信「呢個係海外華人建國嘅唯一例子。」

在元朗八鄉橫台山客家村長大的陳雲,於五、六歲的時候,從世叔伯口中聽到這個發生在「咸豐年代」的客家人海外建國的故事。未知是否就是他城邦論的萌芽。

「客家人第一次喺印尼加里曼丹建立蘭芳共和國,後尾俾荷蘭人打敗咗。其後借屍還魂去咗星加坡,但係星加坡唔係華人國家。」《香港城邦論》作者、「粉絲」口中的「國師」,陳雲如是說。

一本正經的學者眼中,陳雲確實有點「神神化化」:一時開壇作法,一時說天邊已出現大鵬金翅鳥;對於行不公義的人,也會施以「皇天擊殺」的詛咒。

陳雲是德國哥廷根大學民族學博士,德意志帝國的締造者卑斯麥的校友。對於經常被人說「冇食藥」,陳雲說,「如果喺網上玩言論,唔係咁,揾鬼睇咩!」他認為自己白紙黑字的文章,都有紋有路,只可以說「嗰啲人冇幽默感。」

撰文:黎加路
攝影:易仰民

發夢始祖 繼續爭取普選

時下年青人的「發夢說」,陳雲也許是始祖。他說:「有時我會借嗰啲嘢避開啲法律責任。好似話呢啲係上天講畀我聽嘅嘢。」

喜談勇武的陳雲,卻認為跟極權應鬥智力,而非武力。講起歷時兩個多月的反送中運動,他說:「今次唔係美國介入,輸到HiHi!」

曾經協助前任民政局長何志平在政府工作11年的陳雲,坦言政府「其實依家犯嘅已經係戰爭罪行,係來自最高層嘅指令。咁,高層要集體自了,品質咁差。」對於眼前的困局,陳雲卻異常樂觀,尤其是對9月9日美國國會復會,開始審議《香港民主及人權法案》。「到時只要監護住普選,之後再要處理呢班人,但冇普選係解決唔到嘅。」國師這樣認為。

陳雲的籍貫是寶安深圳觀瀾,客家人。阿爺離鄉別井,到婆羅洲沙巴謀生,父親在南洋成長。像不少愛國華僑那樣,陳父上世紀50年代回國報效祖國,失望之餘返回深圳鄉下,伺機偷渡香港,輾轉在八鄉北部的橫台山落腳,從事中醫藥工作,育有五個孩子。排行第二的陳雲,在屯門醫院出世,其母替他取名雲根。陳雲說,「雲根在客家話中是指山上嘅岩石。」

60年代的橫台山,家家戶戶插五星紅旗,是一個連警察也不敢隨便進入的「紅色根據地」。陳雲自言在農牧工會長大,上過初級的毛澤東選集學習班,成日要演講,學游說。陳雲在愛國的橫台山小學上學,他回憶稱,「我細個接受過戰爭教育,經歷過民兵訓練。嗰陣時要响兩個山頭度,大家拎住假槍,用棯樹啲葉紮住頭,扮游擊隊,搶對方軍旗,將對方打走、捉戰俘。」

陳雲說:「所以知道戰爭第一件事係政治同游說囉,唔係打仗,從來都唔係打仗。如果政治上輸咗,戰爭上贏咗都係冇用,嘔番出嚟,依家中共唔係唔識呢套嘢囉。好似土改,殺晒啲地主,打上海……」

訪問在沙田的新城市廣場進行,可能是陳雲就自己的方便,但畢竟這裡是他出戰過的新界東立法會選區,母校中文大學的所在地。


#good2#75    #bad#7  
標籤:
意見太多 民主政府無得留低

80年代初,陳雲在新亞書院唸英文系,住在大學宿舍。九廣鐵路剛從入隧道要關窗的舊式火車,改為舒適的電氣化火車。儘管中英就1997年回歸問題展開談判,事情好像還很遙遠。未填海起樓的吐露港,仍是人間的仙境。

問陳雲修讀英文的原因,他笑言「嗰陣諗住讀英文係去做政務官。好現實嘅,你讀政治,唔係走去搞鬥爭囉,去考政務官,或者考EO(行政主任),都係要睇英文。讀政治,殖民政府對你多顧忌。」

陳雲坦言,86年畢業後,曾經考過AO(政務主任),但係失敗。他憶述,「考完,俾個考官响背後鬧咗一輪。話你呢啲嘢,民主咗就可以做,依家做唔到嘅,太過多嘢講嘞,咁多創建,民主政府就得。」

結果,陳雲做了中文主任,在上水及元朗區議會做文書嘅工作。他形容這是一份可以好hea(懶懶閒)的政府工。幸好因工作之便,加上自身在元朗鄉議局中學畢業,陳雲結識了一些鄉紳及「新界王」,「好似戴權、劉皇發。」結了一個地緣。

只做了半年中文主任,陳雲獲母校提供獎學金及助教工作,返回中大修讀比較文學碩士課程。畢業後,分別在珠海書院、能仁及樹仁學院任教;其間,開始為香港時報的「文化與生活版」供稿。陳雲回憶稱,他是在珠海書院認識黃毓民,時報結交卜少夫。「偶有聚餐,都是卧虎藏龍。學到好多嘢,吸收啲老前輩嘅嘢,成長得好快。」陳雲笑言,「細個喺共產黨基地玩,大個喺國民黨玩。」


赴德進修 回港不做外國人

文曲星高照的陳雲,1990年春天獲獎學金前赴德國哥廷根大學修讀民族學博士學位。他說:「走得好匆忙,手上嘅教學工作都要交畀同事做。」也許是六四事件的緣故,大陸學者未能到德國進修,陳雲在中大的德文老師通知他有這樣的一個機會。陳雲說,「原先想去法國,自己嘅法文比德文好。在中大時,幫過啲大學教授做繙譯,其中一位法國人類學家話要帶我去法國讀書。點知當我畢業時,佢入咗精神病院。」

陳雲笑言,「聽法文老師講,啲法國學者好多到咗中年期,都要入去住(精神病院),好正常。一係就離婚,一係就去大溪地。去大溪地嗰啲比較好啲,當度一度假。」

陳雲以「民族學在中國學科的建立過程」為博士論文題目,研究解放前(1918至1949)的民間歌謠。他自言以德文撰寫的論文,在導師指導下很快完成。留學期間,陳雲加入了「中國民主聯合陣線」,還當上了兩年主席。他解釋稱,「係萬潤南啲門生喺德國做嘅。佢哋有黨爭,選唔到主席。」陳雲幽默地說,游說他做主席的人,「耐咗先知道係大使館啲人。」

陳雲坦言,「民運期間,已經接觸到北方嘅高層。」取得博士學位後,有一位留德學憲法的「北京嘅人」向他說「返香港就可以做官,建立身分。」「你見過漢堡嗰位仁兄啦,幫政府做繙譯、做情報工作,有間屋囉,娶咗老婆,生咗兩個仔,揸架福士仔,咁就成世嘞。」陳雲內心也覺得,留低都係「黐人啲自由用啫。」「即使入咗籍都係一個外國人。」於是在95年尾,返回香港。

「佢有兌現諾言,唔係去咗老懵懂嗰度做嘢囉。」陳雲覺得「北京人」沒有「老點」他。

回港後,陳雲在葉國華的政策研究所工作。他笑言,當其時的招聘廣告,好似為他度身定做,「寫到係要研究文化政策,又要有博士學位,又要熟悉香港嘅嘢,又要喺政府做過嘢。成個香港係得我一個。」陳雲說是他寫信給葉國華。

在研究所內,陳雲認識了副主席何志平。自此以後,陳雲的仕途,一直跟這位著名的眼科醫生連在一起。何志平2000年入藝術發展局任主席,兩年後,獲董建華委任為特區民政事務局局長。十年來,陳雲都是何志平的「文膽」及文化政策的「謀士」。陳雲記得在政府的工作做到07年的7月1日,之後輾轉到了嶺南大學執教鞭。


參考紐西蘭 建立自治城邦

「國師」對2016年循新界東出選立法會議席落敗一事,顯得有點像「方丈份人好小器」,久不久就「幸災樂禍」,說大家當年不懂珍惜他給予香港「永續基本法」的機會。陳雲說:「基本法永續,一定要做。如果嗰陣時做咗,依家冇咁艱難。」他是輸給梁天琦的選舉「替身」梁頌恒,僅差三千多票。

陳雲說,「其實我隱退咗,只不過今次逃犯引渡條例,冇辦法唔出嚟。」他解釋謂,近年「淨係做文化,對外唔會講政治,等啲人知道政治沉悶嘅可怕。」陳雲深深不忿地說:「過去我一路出去,佢哋一路好似當我發癲咁一路鬧。」

自認是「實務政治」的陳雲,談到建國論會否又被譏為癡人說夢。他說,「笑唔笑,結果都係建國,冇第二條出路。你只係建國嘅狀態,畀吓面中共,留番一個自治城邦,同佢有個宗主國關係,好似紐西蘭同英國咁嘅狀態。叫佢落嚟剪吓綵,選到特首,上去畀佢形式上任命吓,護照有佢中華人民共和國嘅名。」

有「粉絲」在反送中運動高舉美國國旗,吸引到外國媒體的報道,陳雲笑言,已成功令到美國將《香港民主及人權及法案》放到國會的議事日程。他認為「美國立法幫香港普選,呢啲都係『條約政治』。」陳雲指卑斯麥就是用條約政治,建立帝國。

「國師」幻想,如果有朝一日,華夏建國,他就是繼卑斯麥之後,成為哥廷根大學的著名政治校友了。「華英共和國」的國歌,也許又是上天給他的報夢:皇皇香港,育我長我地方。皇皇香港,歷劫不動城邦。華英並茂,古今交集,流芳百世有我承當。九七風霜,淪落蠻荒,美好家園……。

https://hk.news.appledaily.com/local/realtime/article/20190911/60029420


推一個先 O:-) O:-)

上唔到推介都唔好俾個post沉 #yup#

#yup# #good#


陳雲說,「原先想去法國,自己嘅法文比德文好。在中大時,幫過啲大學教授做繙譯,其中一位法國人類學家話要帶我去法國讀書。點知當我畢業時,佢入咗精神病院。」


[sosad2]lm


佢都入過精神病院
全香港最大嘅,叫香港特區政府
管理層全部唔係痴線就係弱智

港共政府太離地,陳雲貼地好多。

睇陳雲老師本《香港有文化──香港的文化政策》就知陳雲老師好貼地:)


「流水抗爭」、盾牌、「不受傷、不被捕」、舉美國旗,希望Trump幫手..... 全部都係陳雲提出嚟。

總會有一堆人次次都話佢未食藥:o) 認真睇下人地寫嘅文章啦

話陳雲未食藥根本就係販民左膠誣蔑陳雲老師嘅伎倆嚟#cn# #ass# xx(


「流水抗爭」、盾牌、「不受傷、不被捕」、舉美國旗,希望Trump幫手..... 全部都係陳雲提出嚟。

總會有一堆人次次都話佢未食藥:o) 認真睇下人地寫嘅文章啦

話陳雲未食藥根本就係販民左膠誣蔑陳雲老師嘅伎倆嚟#cn# #ass# xx(

沒錯

不過好多香港人都沒咩政治智慧#bye# #bye#

公道d 講句, 陳雲都係靠洗腦技兩

陳雲佢咁做原因係革命需要思想衝動既人, 洗腦同灌輸信念, 產生思想敵人
但冇何奈何香港人軟弱, 承傳中國保守怕事文化, 再吸收美國自由消費主義, 崇尚不暴力和平

無論有人用咩方法, 只要反抗主流思想就會被擊打. 正如一個正常思想活係錯亂既群體中, 正常既會被驅逐. 雖然被批評話癲, 但確實將部分人洗到腦, 反抗上面d 思想. 呢d 係碌向左走向右走, 黃洋達所謂本土派做唔到既野. 靠正常手段, 言論, 除左大家點頭認同, 根本毫無用處. 只要對抗, 消滅對方先有出路

不過佢既時代就係得選舉一年, 上唔到位, 就只係停留擁有一小部分信徒既階段, 而無法成為有名有實既思想領袖. 而事實上佢語文好, 經常講d 大包圍既野, 雖然係手段, 但唔算光彩. 亦好可惜無一個行動加革命思維好既人繼承到, 或者係香港人都仲咁垃圾, 接受唔到要用手用腦, 推唔到激進既人上位

我係明白陳雲, 不過好可惜, 我諗到既野, 佢都諗到. 大家都知香港既問題, 除左中共, 仲有港共, 商人, 普遍人質素低劣呢d 根深蒂固既毒, 由你選唔到果刻就應該明白得透透徹徹, 香港只有毀滅左佢, 下一代先有希望. 仲妄想救港.

佢呢一代同我目的唔同, 我相信好多人口唔認同我. 但新一代會充滿仇恨, 見到破壞會非常喜悅, 只係呢一代學生未有仇港既觀念, 再過一兩年, 呢個社會既虛偽, 得益者點樣攏斷利益, 賺完錢就走, 上唔到位, 行業單一, 老人思想保守, 憎恨會愈來愈深

有心革命既人, 除左抗共成功之後, 點樣對抗香港商人, 反擊盲目既香港人係要諗既野. 今日可能仲未有成果, 只要成功制造仇恨, 總會有焦土攬抄既一日. 陳雲過時, 就算香港人唔叫美國, 美國都會自己插隻手入黎

陳雲老師講過革命係需要武器、槍、軍火,14年雨革陳雲已經唔反對本民青武裝革命,但唔該係要真做
而事實當然就係本民青並唔係真做,只係齋噏。仲喺16年反轉豬肚咬陳雲,不過呢啲就係後話嚟啦

由2011年《香港城邦論》一書,到2016年永續基本法,到2019年今日,實在睇唔到陳雲點樣「洗腦同灌輸信念, 產生思想敵人」。陳雲老師由始至終都係從最大化各方利益為根本。
反而販民左膠講獨誣蔑陳雲痴線就正正係「洗腦同灌輸信念, 產生思想敵人」#cn# #ass#


陳雲係有前瞻性,唔會做牆頭草

不過成日變左做講風水[sosad]


唔做牆頭草?唔向左走向右走係掛?
佢過去十年一直反美,6月8號都仲叫人6月9號唔好上街,話美帝都想送中法通過

之後突然轉軚親美
雖然咁樣轉軚都算係一件好事,總好過執迷不悟
但你班友唔好講佢咁神囉


你呢D咪淨係識睇泛民content farm嘅蒙炳囉

由始至終陳雲都講到明上策係奪取實然主權攞到實際上自治權,但名義上同中共建立邦聯關系。
下著就係將香港實然主權賣比美國,名義掛住中國特區呢個名。
個時佢係反奧巴馬反克林頓呢d奶中共c眼賺錢嘅美國總統,宜家個庄轉左做Trump,咁陳雲例仲點解要反美?宜家係行緊下著痴去美國佬度同中共對呀Seven Head。

如果陳雲老師係徹徹底底反美嘅話幾年前就唔會提出城邦論Plan C啦:)

袁木壽司只不過係出晒名嘅販民打手之一[photo]


中共坐上客,港獨文宣首領禿頭賤畜陳雲多次侮辱遊行人士,多次發放遊行冇用論,道歉左未?

https://upload.cc/i2/KghL63.png

反陳雲五毛狗cityuser你吠夠未?


陳雲:今日《蘋果日報》陳雲專訪的剪影(頁A15)。老友告知,她是星期五做好的稿,想不到三日之後,今日就刊登了。效率之快,她也覺得驚訝。

訪問陳雲是老友提出的,老闆發出不反對通知書,於是順利刊登。

https://upload.cc/i1/2019/09/11/UhXPkn.png

(圖片來源:網絡)

https://www.facebook.com/589657224/posts/10157402407482225?sfns=mo


俾中共養既狗讚,高登admin 係咪要反省#ng#

https://upload.cc/i2/KghL63.png

高登包庇五毛狗cityuser喺度吠整臭高登。高登admin 係咪要反省?


俾中共養既狗讚,高登admin 係咪要反省#ng#

https://upload.cc/i2/KghL63.png

高登包庇五毛狗cityuser喺度吠整臭高登。高登admin 係咪要反省?

民國同炒飯都唔bam啦[sosad] [sosad] 唔係洗版同殭屍AC admin唔會理

高登淪落到今時今日咁嘅地步,Admin真係要負好大責任xx(


中共坐上客,港獨文宣首領禿頭賤畜陳雲多次侮辱遊行人士,多次發放遊行冇用論,道歉左未?

https://upload.cc/i2/KghL63.png

反陳雲五毛狗cityuser你吠夠未?


好感動:~( 呢度到好多知音人
陳雲講既策略,判斷明明有完整邏輯但冇乜人肯聽入耳,反而賣港賣足十幾廿年既泛民到而家都仲大把人信[banghead]

會用腦獨立思考嘅就唔係港豬嚟啦:)
事實係香港依然極多港豬同畜生


好感動:~( 呢度到好多知音人
陳雲講既策略,判斷明明有完整邏輯但冇乜人肯聽入耳,反而賣港賣足十幾廿年既泛民到而家都仲大把人信[banghead]

會用腦獨立思考嘅就唔係港豬嚟啦:)
事實係香港依然極多港豬同畜生

你話係中年港豬我可以理解,但兒登果班有份行動發夢既年青一代都係咁就真係嘔血

港豬不分年齡
兒登嗰班畀講獨本民青洗腦洗到變智障xx( #ass#


赴德進修 回港不做外國人

陳雲說,「原先想去法國,自己嘅法文比德文好。在中大時,幫過啲大學教授做繙譯,其中一位法國人類學家話要帶我去法國讀書。點知當我畢業時,佢入咗精神病院。」

物以類聚

一代哲學巨人尼采晚年都係有精神病
你會唔會否定尼采嘅哲學思想對人類文明嘅貢獻?_?


好感動:~( 呢度到好多知音人
陳雲講既策略,判斷明明有完整邏輯但冇乜人肯聽入耳,反而賣港賣足十幾廿年既泛民到而家都仲大把人信[banghead]

會用腦獨立思考嘅就唔係港豬嚟啦:)
事實係香港依然極多港豬同畜生

你話係中年港豬我可以理解,但兒登果班有份行動發夢既年青一代都係咁就真係嘔血

港豬不分年齡
兒登嗰班畀講獨本民青洗腦洗到變智障xx( #ass#

後生仔要激情, 獨派套嘢夠激, 相比陳雲套野就唔夠激

係激就拎軍火武裝革命,而唔係齋噏講獨啦#cn#


親眼睇住陳雲獨力幫香港人解毒,城邦論 2011 之前,香港人充斥失敗主義,
覺得鬥唔過共產黨,
水,食物全部靠大陸,
71示威攪到好似嘉年華,
大陸人同我地平等,只係文化唔同。
不能歧視佢哋
諗唔到點樣走出呢個困局。
一切都係陳雲話俾香港人知點樣走出呢個廻圈。
尤記得當年佢話 每日150人中有間碟,俾人笑佢痴線。
六四邪壇一出,又俾高登仔瘋狂指駡。
我只能敬佩佢一人,香港政壇搵唔到第二個。
流水社運,勇武,先邦聯後獨立都係佢老人家首先提出。
與其話佢痴線,不如話佢係道士,幫香港人解降至真。


#good#dw

#good#

#good#

#good#dw

#good#


今時今日唔敢笑國師了 真係要睇哂佢既文章[banghead]

陳雲老師嘅話語你要睇要聽:)


蘋果咁好死做陳雲訪問?

肥佬黎都知時代要變:)


有冇留到到文章裡面,落重成份寫國師嘅背景同佢跟何志平個關係?

背景嘅嘢,作為既成事實冇得改,而佢同葉國華同何志平熟又係事實,而何志平嘅知遇之恩,又難以割席,但相關前緣一旦曝光,以現時形勢,會被視作不可信,甚至被視為暗共

捧殺文嚟,慎之

淨係呢度都講咗N年啦[sosad]

畜生要反陳雲,誣蔑事實都做得出啦xx(


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 20/10/2020 22:31
今天貼文總數: 806 | 累積文章數目: 6,759,395

聯絡我們 | 服務條款 | 私隱政策 | 廣告查詢 | 職位空缺
Copyright © 2020 HKGolden.com. All Rights Reserved.