主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 時事台內。

有關整合forum 1~15事宜

高登討論區定於下星期三(14/6)將forum1~15整合為http://forum.hkgolden.com,屆時有部分未獲授權的第三方app與瀏覽器plugin或會受到影響。不便之處,敬請原諒。
精選文章
DeerGamer
跳至第

發起人
內地從商多年 邵仲衡:身為特首,要識同上面say no
45 個回應
爛泥扶唔上壁

7月1日,邵仲衡看著示威者佔領立法會,感觸、感動:「係完全無保留、赤裸嘅反抗。點解我哋要出聲,係對香港有份感情。無感情使乜理佢,行咗去咪行咗囉,有感情至會出聲,所有嘢都係從心,而家好多人都係從心。一個地方有咁多人從心,咁大批後生仔從心去愛呢個地方,唔使死嘅!」

https://upload.cc/i1/2019/07/19/j0q8y9.jpg

政府警察有公權力,使乜去撐

2015年,經典劇集《大時代》重播,飾演「大佬孝」的邵仲衡再現幕前。有別於其他藝人,現年55歳的他高調論政,由親身到雨傘運動現場、網上響應「一人一相反對女性胸部被視為攻擊性武器」行動、七一上街、讚好德國領事館貼文談「尊嚴」(5月本民前黃台仰獲德國批政治庇護),至近期緊貼反送中新聞。

邵仲衡笑言,把論政風氣帶進娛樂圈,總算有點貢獻:「身為公眾人物 ,唔係出嚟講:『大家好,我係邵仲衡!』你有個咁嘅身份,咁多人留意你,係要有社會責任,覺得唔妥嘅,就要做啲嘢,應該講啲嘢。」他認為,觀眾的品味學養已高過業界所能提供:「講膠嘢,觀眾會笑你呀!啱就啱, 唔啱就唔啱,呃唔到自己。」

對於譚詠麟、鍾鎮濤與梁家輝等藝人出席「撐警集會」,邵仲衡認為各有所求:「不過,身為眾人偶像,我覺得唔係好適合;或者佢唔食,佢班手足都要食,佢咪要做,但聰明人係唔會咁做。有人覺得應該撐警察,但一個正常社會,政府與警察已有公權力,使乜去撐,納粹德國嗰種政府至需要咁樣撐。」

近日反送中示威,讓他想起 2014年雨傘運動,親到現場看見的一幕:「香港從未出現過 (佔領運動),所以到現場觀察、了解。烈日當空,最深刻印象係見到黎智英 (壹傳媒創辦人) 坐喺個營幕入面,一個肥佬、年紀又大,30幾度,著住件背心、搭條毛巾,戴住老花眼鏡睇書,我心諗真係熱死佢。佢點解要咁做呢?我解釋唔到。佢咁嘅身家、地位,無必要咁做,無必要做俾你睇,就係因為佢對呢個地方嘅愛囉。」邵說,就如你我正在做的事 — 保護這地方、捍衞香港核心價值。

https://upload.cc/i1/2019/07/19/M1PiVZ.jpg

邵仲衡早前經過中環連儂牆,以「司馬至全」名字 (ViuTV 劇集《詭探》角色) 留下打氣 memo。(受訪者提供)


#good2#41    #bad#0  
標籤:
政治與生活緊扣

邵仲衡認為,自6月9日的百萬人大遊行起,運動訴求歸根究柢,市民只為安居樂業。「烈日當空,你估好過癮呀?30幾度,行街都熱死啦,更何況扶老攜幼?你竟然夠膽話拎去二讀,今時今日仲講咩『壽終正寢』。唯一可以解釋,就係為咗一樣嘢 — 利益、特權。」

港人認識的邵仲衡,多是《大時代》的丁孝蟹 (大佬孝),或知道他曾從商近年再現幕前。他是理工大學設計系畢業生 (1983年),畢業後曾加入政府,於康文署前身當技術主任 (technical officer),參與過西貢北潭涌上窰民俗文物館、大埔墟火車博物館、荃灣三棟屋等項目的設計和建造工作。 「本身對公共事務好有興趣,加入政府後,見過有人用政府資源做私幫嘢,仲要聲大夾惡,覺得個世界唔應該係咁,覺得應該可以做到少少嘢,個根就喺度種咗。」

他在政府工作1年後離職,加入高文安設計公司、國際品牌顧問及設計公司 Landor,後於1987年參加「超級新星大賽」奪冠進入娛樂圈,仍兼顧內地設計及裝修工程。「做過夢特嬌第一間連鎖店,當年專做大品牌連鎖店,要經常上去睇地盤;仲記得當年去啟德機場排隊 stand by (等候補機位)好方便,千一蚊機票飛上海,俾多七百坐前面,即係今日嘅 business class;又試過夜晚拍完通宵戲,第二朝7點搭直通車上廣州。」

他當時20多歲,經常往返內地,後於1994年離開娛樂圈,經營越野車生意,曾在東莞成立公司以中介角色在內地搞方程式賽事。「香港做門市16年,內地做了4年,乜嘢級數客人都有,由超級富豪到廠佬,有話嚟做報關,一睇就知做走私。」他自2008年定居北京:「喺國內生活咁多年,一定會有人搵你傾偈,要做政協,十個都有得做,係自己嘅選擇,到今日都好多朋友係解放軍、最高級武警。」他於2012年把內地生意放下,重投幕前,拍過電影 《點對點》、《逆向誘拐》,ViuTV劇集 《詭探》等。

不恥下問 任用賢人

邵仲衡形容,香港和內地是兩個截然不同的社會發展系統:「舉例說,投標前要攞圖、標書,在香港的話公司會搵個職員,攞資料返去俾老細睇。但內地就會搵個某某大學建築系教授嚟傾,其實只係攞份標書返去填,香港,甚至外面世界都唔係大陸咁。」

「内地好多直轄市,中央根本管唔晒,唔同種族已經好唔同,四川粗獷啲、湖南人係thinker。大陸好多省市唔同,同一樣政策去到唔同地方要fine tune。香港係一個備受全世界信任嘅資本市場。作為香港政府 ,上面有指令,喺咪要識得fine tune?」從商後,他報讀了美國柏克萊大學政治策略碩士課程,關心政治,只因那根本與生活環環緊扣。

「(班高官)一出嚟就打政府工,去幾多次大陸?返去一兩日,前呼後擁,行行食食,走馬看花,落返嚟就話識大陸,內地有好多特有事物。佢哋嘅問題係唔認識內地,你見 (内地官員)第一時間走出嚟話,唔係我哋叫 (修訂逃犯條例),嗰吓都笑到轆地啦。」


「呢個同你講話做,唔代表上面係咁諗;要了解中國政府模式同外面世界好唔同,唔可以當服侍舊老細(港英政府),佢哋截然不同。今次呢個真係焦土政策,唔係點會咁多人走出嚟?作為特首,係要識得 say no。」
「97年前做生意,政府搞掂晒,好多嘢唔使擔心,有啲咩古靈精怪,偷步、貪污呀,好快俾人清咗,你去搵錢,群策群力,全世界無一個地方咁細,可以做咁多嘢出嚟;但而家好多嘢唔公平,班高官講埋啲嘢,完全唔make sense。」

他認為了解both worlds (國際及內地)至為重要:「唔叻就搞到而家咁,動搖香港根基,好多國際企業準備撤離香港,加上內地金融市場緊張,香港好多大陸投資都收縮緊。」他直指特首林鄭月娥:「佢係個 know-no ,但佢唔會話:『我唔係好識,幫幫忙。』佢講唔出口呀!我哋外面世界,好似踢波咁,要識補位。政治要平衡利害,好多細微嘢,你睇番(前港督)彭定康、衛奕信,政客有好多嘢。講能力,佢可能係(歷任特首)最好,但佢唔夠data,咁點process? 唔夠料就要去進修。」

https://upload.cc/i1/2019/07/19/2NyV3I.jpg

不懂國事既不去問,又不禮賢下士,任用賢人。「好多嘢要識變通,可以問吓 (內地)呢度可唔可以咁改改。呢個人 (林鄭) 明顯有不足,邊個選佢出嚟呀?咪就1200名選委囉。點解唔俾多啲香港嘅叻人參選?咪就係驚選咗個控制唔到。」一人一票真普選,落實何期?


上面太多黑暗野 正正係咁我地先要反
俾上面全面接管 香港人冇可能生存到
人地爛命一條 香港人爆下玻璃都話暴力


講得好


大佬孝#adore# #adore#


真心佩服


邵仲衡形容,香港和內地是兩個截然不同的社會發展系統:「舉例說,投標前要攞圖、標書,在香港的話公司會搵個職員,攞資料返去俾老細睇。但內地就會搵個某某大學建築系教授嚟傾,其實只係攞份標書返去填,香港,甚至外面世界都唔係大陸咁。

「内地好多直轄市,中央根本管唔晒,唔同種族已經好唔同,四川粗獷啲、湖南人係thinker。大陸好多省市唔同,同一樣政策去到唔同地方要fine tune。香港係一個備受全世界信任嘅資本市場。作為香港政府 ,上面有指令,喺咪要識得fine tune?」從商後,他報讀了美國柏克萊大學政治策略碩士課程,關心政治,只因那根本與生活環環緊扣。

(班高官)一出嚟就打政府工,去幾多次大陸?返去一兩日,前呼後擁,行行食食,走馬看花,落返嚟就話識大陸,內地有好多特有事物。佢哋嘅問題係唔認識內地,你見 (内地官員)第一時間走出嚟話,唔係我哋叫 (修訂逃犯條例),嗰吓都笑到轆地啦。



不可以丟人現眼


佢應該係大陸生意失敗#hehe#


大佬孝唔驚俾大陸封殺?
見到黃耀明何CC都未驚?


係咪準備要撒資?_? 會被玻璃拮死架喎


去幾多次大陸?返去一兩日,前呼後擁,行行食食,走馬看花,落返嚟就話識大陸,內地有好多特有事物。佢哋嘅問題係唔認識內地


好多老一輩都係。 90年代初有錢返大陸揼骨豪飲豪食好似大爺咁。 今時今日見到大陸表面發展風光就自以為好了解大陸。 呢啲人根本冇係上面長時間工作過真正接觸過上面的社會模式及文化。
等於好多港豬以為去一個國家幾日旅行就以為自己好了解人地文化一樣,井底之蛙。


有冇傳媒採訪過林鄭D親朋戚友舊同學咁?
佢私底下係咪真係咁離地:o)
係香港生活咁多年搞到咁,定扮傻?

直到呢刻...佢對香港既破壞真係無法形容..


佢應該係大陸生意失敗#hehe#

呀邊個派下利是都夾走交贖金,多多生意都唔夠俾啦


有冇傳媒採訪過林鄭D親朋戚友舊同學咁?
佢私底下係咪真係咁離地:o)
係香港生活咁多年搞到咁,定扮傻?

直到呢刻...佢對香港既破壞真係無法形容..

老公同仔都出走,青山走犯


非民選特首真係唔需要向上面say no,所以要爭取真普選。


首先你唔好向左走向右走同中共講: 香港有人搞港獨, 想分裂中華民族, 分裂國家
689, 777, 老董全部都有份欺君犯上, 誤報軍情
所以搞到一連串對策都錯晒, 錯足22年呀Hi Auntie:-[


佢應該係大陸生意失敗#hehe#

呀邊個派下利是都夾走交贖金,多多生意都唔夠俾啦

重有人未block隻多崎大陸狗?


o係大陸做生意,仲要識得同(自己)下面say no (當有北姑黎引誘你時)。


見識過上面環境既人(唔係講旅遊)先會深切體會香港俾佢同化會有咩下場,死硬


最錯就係毛共, 錯左六十幾年:-] :-] :-]


講出重點


港人治港,但你就做狗,笑死人


講真話藝人 #adore# 有讀書同進修睇野同論述真係同一般藝人差好遠


司馬至全最後都係俾警方通緝 [sosad]


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 15/12/2019 12:41
今天貼文總數: 436 | 累積文章數目: 6,601,300

聯絡我們 | 服務條款 | 私隱政策 | 廣告查詢 | 職位空缺
Copyright © 2019 HKGolden.com. All Rights Reserved.