主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 開]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 時事台內。

與時並進 重新出發

接手高登CEO至今已經有八年,一開始知道要代表高登出席唔同場合,都擔心會俾人起底,但最後決定豁出去以真面目示人。記得上任唔夠一年,就遇到高登歷年o黎最嚴重o既事件 — — 被告誹謗。最初我以為對方只係「嚇o下大家」,殊不知官司一打就打o左五年,最後打到上終審法院至告一段落。當時所受o既壓力大到難以形容,幸好得到好多會員o既支持,甚至有會員自發希望o係財政上給予支持,至今我仍然非常感激。不過,就呢單訴訟我o地花費o左超過7位數字o既律師費同賠償,換o黎法律上清晰釐定討論區要為會員發言負上o既責任。

除o左經常要處理關於誹謗問題o既律師信,高登最常要面對o既就係網絡攻擊問題。其實我o地一直有為伺服器作軟硬件上o既更新,奈何網絡攻擊o既「攻勢」日益增強同頻密,唔少時候大家鬧緊我o地Server超慢,背後其實都係因為伺服器受緊唔同程度o既攻擊,唔單只程式員要用大部分時間o黎處理相關問題,我自己有時都要半夜起身,甚至身處外地時都要處理。面對呢o的攻擊,我覺得冇可能每次都同大家講,否則有o的敏感時間每日要出十次八次公告,大家可能睇到麻木。 ......
精選文章
DeerGamer
跳至第

發起人
隔離轉貼「我係香港前線警員,我忍夠了!」
0 個回應
瓜粒湯飯

Member
致林鄭月娥,盧偉聰,警察高層

我喺一名香港前線警務人員。
最近發生嘅事唔多講,我知道好多香港人好憎我地,我唔會為我哋部份嘅警務人員失控行為作任何抗辯,成件事係無絕對嘅對於錯,職責就係職責。
但係直接到尋晚,我真係動搖,我唔知應唔應該講我好彩,我唔使去沙田支援。

返到屋企兩點幾,一直有睇手機知道又有衝突發生,我哋已經知道每次和平示威完之後都一定會有衝突,成件事變咗好似例局一樣....我覺得好辛苦壓力好大,無論係隨時爆發衝突嘅精神緊張定係俾人指住塊面嚟鬧。我都依然相信我哋維護緊嘅係社會治安,即使中間有爭拗點

直至到尋晚見到有同袍受重傷,比居民係高空擲物掉中,喺樓梯俾人踢咗落嚟俾人圍毆,一腳踢落個頭到不省人事.....跟住上網見到同袍受傷嘅照片...係半隻手指冇咗.....講緊係永久殘廢啊。

去到呢一刻我真係忍唔住流淚,
12/6發生衝突嘅時候見到網上鋪天蓋地嘅辱罵同指責,我忍。
喺條街度當值比人扮lur口水,我忍。
喺公園巡邏都有人係咁扮狗吠,我忍。
我而家淨係想問一句,我哋前線受盡侮辱嘅時候,請問警察班高層喺度做緊咩?
我想問尋日個指揮官究竟諗乜嘢?點會淨係叫兩隊人入去商場驅散示威者?你哋就企喺後面落order
我好肯定啲警察高層肯定未見過示威者眼神,佢哋真係想置我哋於死地。
唔係所有警察想做你哋想做嘅嘢。

2014年已經經歷過一次,但係今次嘅情況更加崩潰恐怖,再咁落去我唔知幾時會出人命,可能係警察先可能係示威者先。我係一個香港前線警務人員,我懇請林鄭月娥同盧偉聰唔好再利用警察去解決政治問題。香港已經唔可以再承受落去。

我唔知道前線仲可以忍耐幾耐,我好驚我哋有人俾人殺死,我好驚我哋有人失控殺死示威者。我仲有屋企人,我同你地班坐係冷氣房嘅唔一樣,我地面對嘅事想殺死我地嘅示威者,唔好再開記者會話有咩支持我哋前線。呢個社會需要嘅係政府高層所有人出嚟面對呢個問題。

我再懇請多次希望高層人員唔好再利用我哋警察去完成你哋想要嘅政治任務,政治問題利用警察係解決唔到,時間已經證明左武力壓制只會造成更大嘅反撲。我哋前線已經承受唔起任何一個同袍再受傷。希望你哋可以慎重考慮你哋自己喺度做緊啲乜嘢。同希望你哋係真正為香港着想,而唔係為咗自己嘅政治利益。

天佑香港

一名前線香港警察上
7月15日2019年


#good2#11    #bad#97  
標籤:
跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 19/11/2019 2:55
今天貼文總數: 589 | 累積文章數目: 6,590,629

聯絡我們 | 服務條款 | 私隱政策 | 廣告查詢 | 職位空缺
Copyright © 2019 HKGolden.com. All Rights Reserved.